ສາຍພົວພັນມິດຕະພາບເປັນມູນເຊື້ອ ພິເສດ ຫວຽດນາມ – ລາວໄດ້ຮັບການເພິ່ມພູນ ຄູນສ້າງ, ຮັກສາ ແລະຂະຫຍາຍໃນຕະຫຼອດການປົກປັກຮັກສາ ແລະສ້າງສາພັດທະນາປະເທດຊາດຂອງ ສອງປະເທດພວກເຮົາ. ກວ່າເຈັດທົດສະວັດ, ນັບຕັ້ງແຕ່ພັກກອມມູນິດ ອິນດູຈີນເກີດຂຶ້ນ, ມິດຕະພາບ ແລະ ການພົວພັນພິເສດຫວຽດນາມ – ລາວ ມີຜູ້ນໍາຂອງສອງປະເທດເປັນປະທານໂຮ່ຈີມິນ ແລະ ປະທານປະເທດ ໄກສອນ ພົມວິຫານ ວາງພື້ນຖານໂດຍກົງ ແລະ ສືບຕໍ່ໄດ້ບັນດາຮູ່ນຜູ້ນໍາ ແລະ ປະຊາຊົນສອງປະເທດເພິ່ມພູນຄູນສ້າງ ໂດຍຜ່ານ ການຜັນແປທາງດ້ານປະຫວັດສາດຫຼາຍຢ່າງ, ຜ່ານຜ່າທຸກອຸປະສັກ, ສິ່ງທ້າທາຍກາຍເປັນການພົວພັນ ແບບຢ່າງ, ສັດຊື່ທີ່ຫາຍາກໃນໂລກ.
ວັນທີ່ 5-9-1962 ໄດ້ກາຍເປັນຂີດຫມາຍ ໃນການພົວພັນມິດພິເສດລະຫວ່າງສອງພັກ, ສອງປະເທດ, ປະຊາຊົນສອງຊາດຫວຽດນາມ – ລາວ ຈາລຶກ ໄວ້ໃນໃຈ ຫຼັງໄຊຊະນະທາງດ້ານທະຫານ ແລະ ການທູດ, ສັນຍາເຈີແນເວີ ປີ 1962 ກ່ຽວກັບສປປລາວໄດ້ຮັບການລົງນາມ, ສອງປະເທດຕົກລົງສ້າງຕັ້ງສາຍພົວພັນ ການທູດເປີດມາສັງກາດໃຫມ່, ປັບປຸງ ແລະຂະຫຍາຍສາຍພົວພັນລະຫວ່າງຫວຽດນາມ – ລາວ. ພາລະກິດ, ຈຸດຫມາຍປາຍທາງການຂອງສອງປະເທດ ແລະ ປະຊາຊົນສອງຊາດພວກເຮົາ ແມ່ນນັບມື້ ນັບໃກ້ຊິດຕິດແທດຮ່ວມກັນ, ປະຊາຊົນສອງປະເທດໄດ້ກາຍເປັນເພື່ອນຕໍ່ສູ້, “ເຂົ້າເມັດຫັກພັກເສັ້ນດ່ຽວ”, ບັນດາສະຫາຍ ອ້າຍນ້ອງຮັກແພງຮ່ວມບັ້ນຮົບດຽວ.
ຄວາມສໍາພັນຂອງປະເທດຫວຽດນາມ – ລາວມີການພິເສດ, ຖານອ້າຍນ້ອງ ແບບ “ເຂົ້າເມັດຫັກພັກເສັ້ນດຽວ” ໄດ້ກາຍເປັນສັນຍາລັກອະມະຕະ, ຍ້ອງຍໍມິດຕະພາບອັນສູງສົ່ງ, ການແບ່ງປັນທັງວັດຖູ ແລະຈິດໃຈ ເຊິ່ງປະຊາຊົນສອງປະເທດພວກເຮົາ ແບ່ງປັນໃຫ້ກັນໃນໄລຍະທີ່ຫຍຸ້ງຍາກລໍ້າບາກ ຫຼັງຈາກໄດ້ຮັບການໄຊຊະນະໃນປີ 1975, ສັນຕິພາບໄດ້ຮັບການຟື້ນຟູໃນປະເທດຫວຽດນາມ ແລະ ລາວ, ການພົວພັນຮ່ວມມືສອງຝ່າຍໄດ້ເຂົ້າສູ່ ສັງກາດໃຫມ່, ສັງກາດແຫ່ງຄວາມສັນຕິພາບ ເອກະລາດ, ແລະຮ່ວມກັນສ້າງສັງຄົມນິຍົມ. ຮັບຮູ້ ດີເຖິງຄວາມຫມາຍ ແລະຄວາມສໍາຄັນຂອງສາຍພົວພັນພິເສດນັ້ນ ວັນທີ 18-7-1977 ລັດຖະບານທັງສອງ ໄດ້ຕົກລົງເຊັນສົນທິສັນຍາມິດຕະພາບ ແລະຮ່ວມມື, ອີກເທື່ອຫນຶ່ງ, ຢືນຢັນຄວາມສາມັກຄີພິເສດອັນດຽວ, ສະຫນັບສະຫນູນ, ຊ່ວຍເຫຼືອເຊິ່ງກັນ ແລະກັນເພື່ອປົກປັກຮັກສາເອກະລາດ ອະທິປະໄຕ ແລະ ຜືນແຜ່ນດິນອັນຄົບຖ້ວນ; ເພິ່ມທະວີການປະສານງານໃນການທູດ ເພື່ອຍົກສູງຖານະບົດບາດຂອງແຕ່ລະປະເທດ ໃນພາກພື້ນ ແລະ ໃນເວທີສາກົນ.
ພວກເຮົາເບີ່ງຄືນໄລຍະທາງການຂະຫຍາຍສາຍພົວພັນຮ່ວມມືຂອງສອງປະເທດໃນໄລຍະ 45 ປີຜ່ານມາ ແລະ 30 ປີຂອງການເຊັນສົນທິສັນຍາມິດຕະພາບ ແລະການຮ່ວມມືຫວຽດນາມ - ລາວ. ພວກເຮົາມີຄວາມທະນົງໃຈຍັນຢືນຄວາມສາມັກຄີພິເສດຊື່ສັດ ແລະ ການຮ່ວມມືຮອບດ້ານຫວຽດນາມ – ລາວໄດ້ ແລະ ຈະສຶບຕໍ່ໄດ້ປັບປຸງ, ຂະຫຍາຍຕົວເຂົ້າສູ່ລວງເລິກກວ່າ, ປະກອບສ່ວນຢ່າງແທ້ຈິງໃນພາລະກິດສ້າງສາ ແລະປົກປັກຮັກສາປະເທດຊາດ ແລະການພັດທະນາກວ້າງເລິກຂອງແຕ່ລະປະເທດ.
ພວກເຮົາມີຄວາມພາກພູມໃຈຢ່າງຍິ່ງ ຮູ້ວ່າສາຍພົວພັນຮ່ວມມືເສດຖະກິດ ລະຫວ່າງສອງປະເທດໄດ້ບັນລຸບັນດາບາດກ້າວທີ່ດີ. ໂດຍສະເພາະໃນທາງດ້ານການຄ້າ, ໃນປີ 2014 ມູນຄ່າການນໍາເຂົ້າລະຫວ່າງ ສອງປະເທດຫວຽດນາມ ແລະ ລາວໄດ້ບັນລຸ 1,3 ລ້ານສະຫະລັດ, ເພີ່ມຂຶ້ນ 14,2% ເມື່ອທຽບກັບປີ 2013; ໃນ 6 ເດືອນທໍາອິດຂອງປີ 2015, ມູນຄ່າການນໍາເຂົ້າ ແລະສົ່ງອອກລະຫວ່າງ ສອງປະເທດບັນລຸໄດ້ 686 ລ້ານ USD. ແຕ່ວ່າ ການພົວພັນດ້ານການຄ້າ ຍັງບໍ່ທັນຂະຫຍາຍພຽງພໍກັບທ່າແຮງ ຂອງສອງປະເທດ, ໂດຍສະເພາະແມ່ນໃນສະພາບການ ຂອງຫວຽດນາມ ແລະ ລາວເປັນສະມາຊິກ ຂອງປະຊາຄົມເສດຖະກິດຂອງ ASEAN (AEC) ໃນໄລຍະທ້າຍປີ 2015. ຜົນການຮ່ວມມືບັນລຸໄດ້ໃນຊຸມປີຜ່ານມາ ສະແດງໃຫ້ເຫັນຄວາມພະຍາຍາມ, ການສູ້ຊົນຢ່າງຕໍ່ເນື່ອງຂອງລັດຖະບານ, ບັນດາກະຊວງ, ພະແນກ, ທ້ອງຖິ່ນ ແລະວິສາຫະກິດ ຂອງສອງປະເທດໄດ້ປະກອບສ່ວນອັນສໍາຄັນ ໃນພາລະກິດສ້າງສາ ແລະ ການພັດທະນາ ຂອງແຕ່ລະປະເທດ . ກ່ຽວກັບທາງດ້ານການພົວພັນ ຕ່າງປະເທດການປະສານງານຢ່າງມີປະສິດທິຜົນ ແລະ ສະຫນັບສະຫນູນຊ່ວຍເຫຼືອເຊິ່ງກັນ ແລະກັນໃນ ເວທີສາກົນເອົາໃຫ້ ຫມາກຜົນຢ່າງຈົບງາມ, ປະກອບສ່ວນໃນການຍົກສູງຖານະບົດບາດ ຂອງລາວ ແລະຫວຽດນາມໃນພາກພື້ນ ແລະໃນເວທີສາກົນ, ປະກອບສ່ວນກັບການຮັກສາສັນຕິພາບ, ຮ່ວມມືພ້ອມກັນພັດທະນາຢູ່ອາຊີ ອາຄະເນ ແລະ ໂລກໃນ
ໃນ ຖານະເປັນມິດສະຫາຍ, ອ້າຍນ້ອງທີ່ຮັກແພງຂອງພັກປະຊາຊົນປະຕິວັດລາວ ແລະປະຊາ ຊົນຊົນເຜົ່າລາວ, ພັກກອມມູນິດຫວຽດນາມ ແລະ ປະຊາຊົນຫວຽດນາມມີຄວາມພູມໃຈຢ່າງຍີ່ງ, ຮູ້ສຶກຕື່ນເຕັ້ນທີ່ຈະເຫັນໃນໄລຍະ ປີຜ່ານມາພາຍໃຕ້ການ ນໍາພາສະຫຼາດພິກໄຫວ ຂອງພັກປະຊາຊົນປະຕິວັດລາວ, ປະຊາຊົນບັນດາຊົນເຜົ່າລາວ ໄດ້ຜັນຂະຫຍາຍມູນເຊື້້ອພີລະອາດຫານ, ບໍ່ຍອມຈໍານົນຂອງປະເທດລ້ານຊ້າງຜ່ານຜ່າທຸກ ອຸປະສັກ, ຍາດເອົາໄຊຊະນະອັນໃຫຍ່ຫຼວງໃນທຸກດ້ານ, ນັບມື້ນັບຍົກສູງພາລະບົດບາດຂອງສປປລາວ ໃນພາກພື້ນແລະໃນທົ່ວໂລກ. ພັກ ກອມມູນິດຫວຽດນາມແລະປະຊາຊົນຫວຽດນາມ ດີໃຈກັບບັນດາໝາກຜົນທີ່ປະຊາຊົນລາວ ຍາດມາໄດ້.
ພາຍ ໃຕ້ການນໍາພາຂອງພັກກອມມູນິດຫວຽດນາມ, ຫຼັງຈາກ 20 ປີຂອງຂະບວນການຫັນປ່ຽນປະຕີບັດໃໝ່, ປະຊາຊົນຫວຽດນາມຍາດໄດ້ບັນດາຜົນງານ ຊະນະທີ່ຍິ່ງໃຫຍ່ ແລະມີຄວາມໝາຍສໍາຄັນທາງດ້ານ ປະຫວັດສາດ. ເສດ ຖະກິດ – ສັງຄົມພັດທະນາໃນຈັງຫວະສູງ, ຊີວິດການເປັນຢູ່ຂອງປະຊາຊົນໄດ້ປັບປຸງ ຢ່າງຈະແຈ້ງ, ປ້ອງກັນຊາດ, ປ້ອງກັນຄວາມສະຫງົບ ໄດ້ມີຄວາມສະຖຽນນະພາບ, ຖານະບົດບາດຂອງຫວຽດນາມໃນພາກພື້ນ ແລະໃນໂລກນັບມື້ນັບໄດ້ຍົກສູງ . ຜັນຂະຫຍາຍ ໝາກຜົນນັ້ນປະຊາຊົນຫວຽດນາມ ກໍາລັງອອກແຮງແຂ່ງຂັນປະຕິບັດມະຕິຂອງພັກ ຄັ້ງທີ X ແນໃສ່ຄາດໝາຍໃນປີ 2020 ພາໃຫ້ປະເທດຫວຽດນາມກາຍເປັນ ປະເທດອຸດສາຫະກໍາໄປຕາມທິດທັນສະໄຫມ ໂດຍພື້ນຖານ , ປະຕິບັດ , ປະຊາຊົນຮັ່ງມີ ປະເທດເຂັ້ມແຂງ, ສັງຄົມມີຄວາມຍຸດຕິທໍາ , ປະຊາທິປະໄຕ ແລະວັດທະນາຖາວອນ”.
ບັນລຸຜົນສໍາເລັດທີ່ຍິ່ງໃຫຍ່ໃນມື້ນີ້, ພັກ, ລັດແລະປະຊາຊົນຂອງຫວຽດນາມ ກໍຮູ້ດີເຖິງວ່າແຕ່ລະໄຊຊະນະຂອງການປະຕິວັດ ຫວຽດນາມໃນໄລຍະຜ່ານມາກໍ່ຄືໃນມື້ນີ້ ແລະ ຕະຫລອດໄປ ຕໍ່ມາລ້ວນແລ້ວແຕ່ມີການແບ່ງປັນ, ສະຫນັບສະຫນູນຢ່າງສຸດໃຈ, ການຊ່ວຍເຫຼືອທີ່ມີຄ່າຂອງພັກ, ລັດ ແລະ ປະຊາຊົນບັນດາເຜົ່າຂອງລາວອ້ານນ້ອງ. ໃນສະພາບການ ໃຫມ່ໃນປັດຈຸບັນ, ກ່ອນບັນດາໂອກາດ ແລະສິ່ງທ້າທາຍສໍາລັບທັງສອງປະເທດ, ຍິ່ງກ່ວາເວລາໃດໝົດ, ພວກເຮົາຍິ່ງຈໍາເປັນຕ້ອງເພີ່ມທະວີ ແລະ ປັບປຸງສາຍພົວພັນມິດຕະພາບ ອັນເປັນມູນເຊື້ອ, ຄວາມສາມັກຄີພິເສດ ທີ່ຊື່ສັດ ສູດຈະລິດໄດ້ຮັບການສະຫລຸບໃນຄໍາເວົ້າ ຂອງທ່ານປະທານໂຮ່ຈິມິນເປັນແສນຮັກ:
“ຮັກຫອມກັນໝາຍໝັ້ນ ຫຼາຍສັ້ນພູກໍ່ປີນໄຕ່
ຫຼານນໍ້າໃຫຍ່ ແລະໂຄກຄ້ອຍຂວາງຂັ້ນກໍ່ດຸ່ງໄປ
ສອງຊາດລາວ -ຫວຽດໄດ້ຝັງຄວາມຮັກຢູ່ໃນໃຈ
ຮົງຮ່າທັງແມ່ຂອງບໍ່ເລິກປູນປານໄດ້”.
ບົນຈິດໃຈນັ້ນ, ສອງພັກ ແລະ ສອງລັດຖະບານ, ປະຊາຊົນທັງສອງປະເທດພວກເຮົາ ຕັດສິນໃຈທີ່ຈະພ້ອມກັນຮັກສາຕະຫຼອດໄປ ແລະ ຂະຫຍາຍສາຍພົວພັນທີ່ ສັດຊື່ສຸດຈະລິດທີ່ ເປັນຊັບສິນທີ່ລ້ຳຄ່າຂອງ ປະຊາຊົນໃຫ້ສອງຊາດໃຫ້ແກ່ລູກ ຫລານໃນອະນາຄົດຄືປະທານ ໄກສອນ ພົມວິຫານ ກ່າວວ່າ:
“ສາຍພູອາດຈະເຊາະເຈື່ອນ ແມ່ນໍ້າອາດຈະເຫືອດແຫ້ງ, ແຕ່ສາຍພົວພັນມິດຕະພາບລະຫວ່າງລາວ -ຫວຽດນາມຈະຍັງຄົງຢູ່ຕະຫຼອດກາລະນານ.”