spot_img
HomePicpostງານບຸນນະມັດສະການຜາສາດຫີນວັດພູຈຳປາສັກ ມໍລະດົກລາວມໍລະດົກໂລກປະຈຳປີ 2015

ງານບຸນນະມັດສະການຜາສາດຫີນວັດພູຈຳປາສັກ ມໍລະດົກລາວມໍລະດົກໂລກປະຈຳປີ 2015

Published on


ງານບຸນນະມັດສະການຜາສາດຫີນວັດພູຈຳປາສັກ ມໍລະດົກລາວມໍລະດົກໂລກປະຈຳປີ 2015 ໄດ້ຈັດຂຶ້ນໃນວັນທີ 1 ກຸມພາ 2015 ກົງກັບວັນອາທິດຂຶ້ນ 13 ຄ່ຳເດືອນ 3 ເພັງ, ເຊິ່ງປີນີ້ຄະນະກຳມະ ການຈັດງານດັ່ງກ່າວ ໄດ້ຈັດຂຶ້ນຢ່າງລຽບງ່າຍ ແຕ່ມີຄວາມເປັນເອກະລັກທາງດ້ານວັດທະນະທຳ ແລະ ປະເພນີທີ່ເຄີຍຈັດມາໃນແຕ່ລະປີ,ໂດຍການເຂົ້າຮ່ວມຂອງທ່ານ ດຣ ສອນໄຊ ສີພັນດອນ ກຳມະການ ສູນກາງພັກ ລັດຖະມົນຕີ ຫົວໜ້າຫ້ອງວ່າການລັດຖະບານ,ມີທ່ານ ດຣ ບຸນຖອງ ດີວິໄຊ ເຈົ້າແຂວງຈຳ ປາສັກ,ມີບັນດາທ່ານຄະນະນຳຂັ້ນສູງຈາກສູນກາງ ແລະ ທ້ອງຖີ່ນຕະຫຼອດຮອດມວນຊົນທັງພາຍໃນ ແລະ ຕ່າງປະເທດເຂົ້າຮ່ວມຢ່າງຫຼວງຫຼາຍ.
ທ່ານ ໜູຈັນ ຈັນທະພົງ ເຈົ້າເມືອງໆຈຳປາສັກ, ທັງເປັນຮອງປະທານຄະນະກຳມະການຈັດງານ ໃຫ້ຮູ້ວ່າ: ງານບຸນນະມັດສະການຜາສາດຫີນວັດພູຈຳປາສັກປີນີ້ແມ່ນຈະໄດ້ດຳເນີນໄປຮອດວັນທີ 3 ກຸມ ພາ 2015, ເຊິ່ງພາຍໃນງານປະກອບມີບັນດາກິດຈະກຳຕ່າງໆເປັນຕົ້ນ: ພິທີເປິດງານຢ່າງເປັນທາງການ, ງານຕະຫຼາດນັດ ແລະ ງານສະແດງຂາຍສິນຄ້າອຸດສາຫະກຳ,ກະສິກຳ,ຫັດຖະກຳຈາກບັນດາເມືອງ, ບໍລິສັດ ຫ້ອງຮ້ານຕ່າງໆທັງພາຍໃນ ແລະ ຕ່າງປະເທດຈຳນວນ 150 ກວ່າຮ້ານ,ນອກນີ້ກໍ່ຍັງມີການຫຼິນກິລາພື້ນເມືອງປະເພດຕ່າງໆເປັນຕົ້ນ:ແຂ່ງຂັນເຮືອຊ່ວງ, ແຂ່ງຂັນຈັບເປັດ ແລະ ອື່ນໆ,ສ່ວນກາງຄືນກໍ່ຈະມີການຄົບງັນຈາກສິລະປະ,ລຳເລື້ອງ,ໜັງທ້າວຕື້ ແລະ ອື່ນໆ,ສ່ວນວັນທີ 3 ເຊິ່ງເປັນມື້ສຸດທ້າຍຂອງງານບຸນຕອນເຊົ້າເວລາ 7 ໂມງກໍ່ຈະມີການຕັກບາດຖວາຍສັງຄະທານແດ່ພະພິກຂຸສົງ ແລະ ຕອນຄ່ຳເວລາ 19 ໂມງກໍ່ຈະມີພິທີແຫ່ທຽນ ແລະ ໄຕ້ຕະກຽງຈຳນວນ 4.000 ໜ່ວຍບູຊາຜາສາດຫີນວັດພູ ແລະ ໄຫຼເຮືອໄຟຢູ່ນອງສະຕື່ມອີກ.

(Cr: ໜັງສືພິມຈຳປາໃໝ່)

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...