ຕຳ​ຫລວດ​ອາ​ເມ​ຣິ​ກາ ຍິງ​ຄົນ​ບໍ່​ມີ​ເຮືອນ​ຢູ່ເສຍ​ຊີ​ວິດ ຢູ່ລອ​ສ​ແອັງ​ເຈີ​ລິ​ສ! (ເບິ່ງ​ຄ​ລິບ)

EyWwB5WU57MYnKOuFqNDmmtNgNAsKLBcQNH9DTEmbL7nPZy4HXKe6r

ເຈົ້າ​ໜ້າ​ທີ່​ຕຳ​ຫລວດ​ອາ​ເມ​ຣິ​ກາ ຍິງ​ຄົນ​ບໍ່​ມີ​ເຮືອນ​ຢູ່​ເສຍ​ຊີ​ວິດ ຫລັງ​ຈາກ​ຖົກ​ຖຽງ​ກັນ ໃນ​ເຂດ​ສະ​ກິດ​ໂຣ ກາງ​ເມືອງ​ລອສ​ແອັງ​ເຈີ​ລິ​ສ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 3 ມີ​ນາ​ນີ້​ວ່າ ເຈົ້າ​ໜ້າ​ທີ່​ຕຳ​ຫລວດ​ລອ​ສ​ແອັງ​ເຈີ​ລິ​ສ ສະ​ຫະ​ລັດ​ອ​າ​ເມ​ຣິ​ກາ ໄດ້​ຍິງ​ຊາຍ​ຄົນ​ໜຶ່ງ ເຊິ່ງ​ເປັນ​ຄົນ​ບໍ່​ມີ​ເຮືອນ​ຢູ່ (Homeless) ໂດຍ​ມີ​ຄົນ​ຖ່າຍ​ຄ​ລິບ​ວີ​ດີ​ໂອ​ໄວ້ ສະ​ແດງ​ໃຫ້​ເຫັນ​ການ​ຕໍ່​ສູ້​ກັນ​ລະ​ຫວ່າງ​ຊາຍ​ຄົນ​ໜຶ່ງ ແລະ ເຈົ້າ​ໜ້າ​ທີ່​ຕຳ​ຫລວດ​ຫລາຍ​ຄົນ ໃນ​ບໍ​ລິ​ເວນ​ເຂດ​ສະ​ກິດ​ໂຣ ເຊິ່ງ​ເຈົ້າ​ໜ້າ​ທີ່​ໄດ້​ພະ​ຍາ​ຍາມຈະ​ເຂົ້າ​ໄປ​ຈັບ​ກຸມ​ເຂົາ ໃນ​ຖາ​ນະ​ຜູ້​ຕ້ອ​ງ​ສົງ​ໄສ​ຄະ​ດີ​ລັກ​ຊັບ, ຄ​ລິບ​ດັ່ງ​ກ່າວ​ ເລີ່ມ​ຕົ້ນ​ດ້ວຍ​ຊາຍ​ຄົນ​ໜຶ່​ງ​ກຳ​ລັງ​ແກ່ວງ​ແຂນ​ໃສ່​ເຈົ້າ​ໜ້າ​ທີ່​ຕຳ​ຫລວດ  ກ່ອນ​ທີ່​ຕຳ​ຫລວດ​ຄົນ​ໜຶ່ງ​ຈະ​ເຂົ້າ​ໄປ​ຕໍ່​ສູ້ ຈົນ​ເຮັດ​ໃຫ້​ຊາຍ​ຄົນ​ດັ່ງ​ກ່າວ​ລົ້ມ​ລົງ​ຢູ່​ກັບ​ພື້ນ ຈາກ​ນັ້ນ​ກໍ​ມີ​ຕຳ​ຫລວດ​ອີກ 3 ຄົນ ພະ​ຍາ​ຍາມ​ເຂົ້າ​ມາ​ຈັບ​ກຸມ ແລະ ມີ​ຕຳ​ຫລວດ 1 ຄົນ ຈັບ​ປືນ​ໄຟ​ຟ້າ​ອອກ​ມາ ພ້ອ​ມ​ທັງ​ພະ​ຍາ​ຍາມ​ທີ່​ຈະ​ຊ໊ອດ​ຊາຍ​ຄົນ​ດັ່ງ​ກ່າວ ແລະ ບໍ່​ພໍ​ເທົ່າ​ໃດ​ວິ​ນາ​ທີ​ຕໍ່​ມາ ກໍ​ມີ​ສຽງ​ປືນ​ດັງ​ຂຶ້ນ​ເຖິງ 5 ນັດ ສ້າງ​ຄວາມ​ຕົກ​ໃຈ​ໃຫ້​ແກ່​ຜູ້​ເຫັນ​ເຫດ​ການ ໂດຍ​ໜຶ່ງ​ໃນ​ຜູ້​ເຫັນ​ເຫດ​ການ​ໄດ້​ຮ້ອງ​ຂຶ້ນ​ວ່າ ” ເຈົ້າ​ຍິງ​ລາວ​ເຮັດ​ຫຍັງ? ເຈົ້າ​ຈັບ​ລາວໄດ້​ແລ້ວ ເປັນ​ຫຍັງ​ພວກ​ເຈົ້າ​ຈິ່ງ​ຍິງ​ລາວ? ”

ປັດ​ຈຸ​ບັນ ເລື່ອງ​ດັ່ງ​ກ່າວ​ນີ້​ຍັງ​ຢູ່​ໃນ​ລະ​ຫວ່າງ​ການ​ສືບ​ສວນ ກ່ຽວ​ກັບ​ສາ​ເຫດ​ທີ່​ພາ​ໃຫ້​ເຈົ້າ​ໜ້າ​ທີ່​ຕຳ​ຫລວດ ຍິງ​ຊາຍ​ຄົນ​ດັ່ງ​ກ່າວຈົນ​ເສຍ​ຊີ​ວິດ ໂດຍ​ເປັນ​ທີ່​ຊັດ​ເຈນ​ແລ້ວ​ວ່າ ຊາຍ​ຄົນ​ດັ່ງ​ກ່າວ​ບໍ່​ມີ​ອາ​ວຸດ​ຢູ່​ໃນ​ຄອບ​ຄອງ​ ໃນ​ຂະ​ນະ​ຕໍ່​ສູ້​ກັບ​ຕຳ​ຫລວດ​ແຕ່​ປະ​ການ​ໃດ.