ຟໍຈູນເນີເຈີດຂ້າມເລນ ຕຳເອົາຄົນຂີ່ລົດຈັກສະເດັນ ສາເຫດສຸດໂງ່ຖິ້ມປອງເບຍ ລົງໝູນຄັນເບກ

ອຸບັດຕິເຫດ ທີ່ເກີດຂຶ້ນ ໃນເວລາປະມານ 10:30 ມື້ນີ້ ວັນທີ 20 ມິຖຸນາ 2015. ລົດຟໍຈູນເນີ ເສຍຫຼັກ ເຈີດ ຂ້າມເລນ ມາຕຳເອົາລົດຟີໂນ ຢູ່ອີກຟາກທາງ ທີ່ຂີ່ສວານເລນ ມາຈົນໄດ້ຮັບບາດເຈັບໜັກ ແລະ ເສຍຊີວິດທີ່ໂຮງໝໍ. ເຫດເກີດທີ່ບ້ານດອນກອຍ ເມືອງສີສັດຕະນາກ ນະຄອນຫຼວງວຽງຈັນ.

ຈາກການເບິ່ງຄລີບ ກ້ອງວົງຈອນປິດຈາກຮ້ານຂາຍເສື້ອຜ້າ (ກົດເບິ່ງຄລີບ: http://on.fb.me/1d7HxMd ) ທີ່ຮ່າງຂອງຄົນຂັບລົດຈັກ ທີ່ເປັນຜູ້ຊາຍ ຟົ້ງກະເດັນ ໄປໃສ່ແລ້ວນັ້, ເຫັນໄດ້ຢ່າງຊັດເຈັນວ່າ ລົດໃຫຍ່ແມ່ນຂີ່ມາດ້ວຍຄວາມໄວ ແລະ ໄດ້ເສຍຫຼັກ ເຈີດມາຕຳເອົາລົດຟີໂນ ແບບປະສານງານເຊິ່ງໜ້າ. ເຮັດໃຫ້ຜູ້ຂັບຂີ່ລົດຈັກ ແມ່ນຟົ້ງຕຳແກ້ວແວ່ນຂອງຮ້ານຂາຍເຄື່ອງ ທະລຸເຂົ້າມາຂ້າງໃນຮ້ານ,ສະຫລົບຄາທີ່. ທີມງານກູ້ໄພ ໄດ້ມາຊ່ວຍເຫຼືອ ນຳສົ່ງໂຮງໝໍ ແຕ່ກໍ່ຊ່ວຍບໍ່ໄດ້ ເພາະອາການສາເຫດເກີນທີ່ຈະກູ້ຊີວິດລາວໄວ້ໄດ້.

ສ່ວນຜູ່ຊາຍຄົນຂັບໃຫຍ່ ແມ່ນຢູ່ໃນສະພາບມືນເມົາ ແລະ ໄດ້ຮັບບາດເຈັບສົມຄວນ, ແຕ່ກໍ່ຍັງມີສະຕິ, ເຊິ່ງຄາດວ່າຈະເມົາແລ້ວຂັບ, ຜູ້ກ່ຽວໃຫ້ຂໍ້ມູນວ່າ ຂີ່ລົດມາແລະ ດືມເບຍປ໋ອງມາພ້ອມ, ເຊິງໄດ້ຖິ້ມກະປ໋ອງເບຍລົງທາງລຸ່ມບ່ອນເບຣກ ແລະ ຄັນເລ່ງ. ພໍຂີ່ມາຮອດຈຸດດັ່ງກ່າວ ຜູ້ກ່ຽວເສຍຫຼັກ ແລະ ພະຍາຍາມຈະເບຣກ ແຕ່ບໍ່ໄດ້ເພາະປ໋ອງເບຍໄປຄັດ ເບຣກໄວ້ ເລີຍເຮັດໃຫ້ລົດ ເສຍການຊົງຕົວ ເຈີດຂ້າມເລນ ມາຕຳປະສານງານກັບລົດຈັກທີ່ຂີ່ສວນມາ.

1511294_1000117883353217_2586381007038342390_n 1623597_1000117860019886_2153002534693601980_n 10984988_1000117893353216_8267872712478495289_n 11012517_1454787701504646_8615294661832132182_n 11243922_1000117813353224_3000977050380390056_n

ພາບຈາກ: ນັກຂ່າວສັນຈອນ
ສັງລວມຂ່າວໂດຍ: ເດັກແນວ ໂທລະໂຄ່ງ