spot_img
Homeຂ່າວພາຍ​ໃນ27 ບ້ານໄດ້ຮັບຜົນກະທົບ ຈາກເຫດນໍ້າຖ້ວມທີ່ແຂວງຫຼວງນໍ້າທາ

27 ບ້ານໄດ້ຮັບຜົນກະທົບ ຈາກເຫດນໍ້າຖ້ວມທີ່ແຂວງຫຼວງນໍ້າທາ

Published on

ເນື່ອງຈາກຝົນຕົກໜັກຕິດຕໍ່ກັນຫຼາຍມື້ ເຮັດໃຫ້ປະລິມານນໍ້າຫ້ວຍ ແລະ ແມ່ນໍ້າສາຍຕ່າງໆຢູ່ແຂວງຫຼວງນໍ້າທາ ຍຶ່ງຂຶ້ນສູງ ແລະ ໄຫຼມາໂຮມກັນ ຈຶ່ງເຮັດໃຫ້ນໍ້າຖ້ວມບ້ານເຮືອນຂອງປະຊາຊົນປະ ມານ 27 ບ້ານ ຢູ່ແຂວງຫຼວງນໍ້າທາ. ປັດຈຸບັນຫຼາຍພາກສ່ວນຢູ່ພາຍໃນແຂວງ, ແຂວງອື່ນ ແລະ ທາງສູນກາງ ເລັ່ງໃຫ້ການຊ່ວຍ ເຫຼືອຜູ້ປະສົບໄພອອກຈາກພື້ນທີ່ຕິດຄ້າງ ພ້ອມຈັດສັນທີ່ພັກອາໄສ ແລະ ສະບຽງອາຫານໃຫ້.

May be an image of 5 people and the Panama Canal

ທ່ານ ພັນທະລີ ແກ້ວຫຼ້າ ວິຊາການຂະແໜງບໍລິຫານ ພະແນກແຮງງານ ສະຫວັດດີການ ແລະ ສັງຄົມ ແຂວງຫຼວງນໍ້າທາ ໄດ້ໃຫ້ຮູ້ຂໍ້ມູນເບື້ອງຕົ້ນວ່າ: ເນື່ອງຈາກຝົນຕົກໜັກມາແຕ່ວັນທີ 8 ກັນຍາ 2024 ແລະ ໃນຕອນເຊົ້າເວລາ 1:00 ຂອງວັນທີ 9 ກັນຍາ ເຮັດໃຫ້ປະລິມານນໍ້າຫ້ວຍ, ຮ່ອງ ແລະ ແມ່ນໍ້າສາຍຕ່າງໆຢູ່ແຂວງຫຼວງນໍ້າທາ ຍຶ່ງຂຶ້ນສູງ ແລະ ໄຫຼມາໂຮມກັນເປັນກະແສນໍ້າໄຫຼແຮງ ພ້ອມໄຫຼລົ້ນຖ້ວມເຮືອນຊານ, ຊັບສິນ ແລະ ພື້ນທີ່ກະ ສິກຳ ຂອງພໍ່ແມ່ປະຊາຊົນໃນຂອບເຂດແຂວງຫຼວງນໍ້າທາ ຈົນໄດ້ ຮັບຜົນກະທົບໜັກໜ່ວງ.

May be an image of 5 people

ຈາກການເກັບກໍາຂໍ້ມູນເບື້ອງຕົ້ນແມ່ນມີ 27 ບ້ານທີ່ຖືກຜົນກະທົບເຊັ່ນ: ບ້ານບໍ່ເຕ່ນ, ບ້ານບໍປຽດ,ບ້ານຕີນຕົກ, ນາເຕີຍ, ບ້ານນໍ້າແດງໃຕ້, ບ້ານນໍ້າແດງເໝືອ, ບ້ານຕາຫວ່ານ, ບ້ານ ນໍ້າທຸງ, ບ້ານຫ້ວຍຂີງ, ບ້ານປ່າປົວະ, ບ້ານທົ່ງໄຈ້ໃຕ້, ບ້ານດອນສໍາພັນ, ບ້ານຫົວຂົວ, ບ້ານທົ່ງອົ້ມ, ບ້ານວຽງເໝືອ, ບ້ານວຽງໃຕ້, ບ້ານຫຼວງ, ບ້ານຂອນ, ບ້ານດອນຄູນ, ບ້ານທ່າອໍ້, ບ້ານໃໝ່, ບ້ານປ່າສັກ ບ້ານປຸງ, ບ້ານທົ່ງຂວາ ແລະ ບ້ານອື່ນອີກ ລວມ 27 ບ້ານ ແລະ ເຫດການໄພພິບັດຄັ້ງນີ້ເບື້ອງຕົ້ນແມ່ນເຮັດມີຜູ້ເສຍຊິວິດ 1 ຄົນ (ເພດຊາຍ) ແລະ ສູນຫາຍອີກ 1 ຄົນ (ເພດຊາຍ).

May be an image of 6 people and body of water

ການໃຫ້ຄວາມຊ່ວຍເຫຼືອປະຈຸບັນຢູ່ພາຍໃນແຂວງແມ່ນມີກຸ່ມອາສາສະໝັກຫຼາຍກຸ່ມ ສົມທົບກັບເຈົ້າໜ້າທີ່ ທະຫານ, ຕຳຫຼວດ ແລະ ໜ່ວຍງານກ່ຽວຂ້ອງແມ່ນໄດ້ລະດົມທຶນ ກັບສະບຽງອາ ຫານ ມາແຕ່ງເປັນຈຸດໆ ເພື່ອແຈກຢາຍໃຫ້ກັບຜູ້ປະສົບໄພນໍ້າຖ້ວມ. ທ່ານ ສີວິໄລ ປັນແກ້ວ ຮອງເຈົ້າແຂວງໆຫຼວງນໍ້າທາ ທັງເປັນປະທານຄະນະກຳມະການຄຸ້ມຄອງໄພພິບັດຂັ້ນແຂວງຫຼວງນໍ້າທາ ໃຫ້ຮູ້ວ່າ: ກ່ອນໜ້າເຫດການນໍ້າຖ້ວມນີ້ແມ່ນພວກເຮົາໄດ້ມີການແຈ້ງໃຫ້ປະຊາຊົນມີສະຕິເຝົ້າລະວັງຢ່າງຕໍ່ເນື່ອງ.

May be an image of 12 people and crowdປັດຈຸບັນແມ່ນພວກເຮົາເລັ່ງໃຫ້ການຊ່ວຍເຫຼືອປະຊາຊົນເປັນວຽກທຳອິດ ແຕ່ຍັງມີຄວາມຊັກຊ້າ ເນື່ອງຈາກອຸປະກອນເປັນເຮືອ, ລົດ ກໍຍັງບໍ່ມີຫຼາຍ ບວກກັບສະພາບອາກາດປະຈຸບັນທີ່ຝົນຍັງຕົກໜັກ ເສັ້ນທາງສັນຈອນໄປມາບໍ່ສະດວກ. ສຳລັບຈຸດທີ່ພວກເຮົາຈັດເປັນສະຖານທີ່ຮອງຮັບປະຊາຊົນ ຫຼື ບ່ອນພັກເຊົາຂອງພໍ່ແມ່ປະຊາຊົນແມ່ນ ໂຮງໝໍທະຫານ, ໂຮງໝໍຕຳຫຼວດ ແລະ ໂຮງຮຽນ ມສ ແຂວງ.

ຂ່າວ: ເສດຖະກິດການຄ້າ, ວສລ

ບົດຄວາມຫຼ້າສຸດ

ກ້າວໄປອີກຂັ້ນ! ຍີ່ປຸ່ນສ້າງເລືອດທຽມ ສາມາດໃຊ້ທົດແທນໄດ້ທຸກກຸບເລືອດ ແລະ ສາມາດເກັບຮັກສາໄດ້ດົນກວ່າ 2 ປີ

ເປັນການພັດທະນາທາງດ້ານເຕັກໂຕໂລຊີເລືອດທຽມຂອງປະເທດຍີ່ປຸ່ນທີ່ຈະມາແກ້ໄຂບັນຫາຂາດແຄນເລືອດໃນໂລກ ການພັດທະນາທາງດ້ານການແພດຂອງປະເທດຍີ່ປຸ່ນ ໄດ້ແນ່ໃສ່ຄວາມສຳຄັນໃນການຈັດສັນຫາເລືອດ ດ້ວຍການພັດທະນາເຕັກໂນໂລຊີ ເລືອດທຽມ ທີ່ສາມາດໃຊ້ໄດ້ກັບຄົນເຈັບທຸກກຸບເລືອດ ແລະ ສາມາດເກັບຮັກສາໄດ້ດົນ 2 ປີ. ໃນການວິໄຈຂອງມະຫາວິທະຍາໄລການແພດນາລາ ຂອງປະເທດຍີ່ປຸ່ນ ທີ່ໄດ້ພັດທະນາສານທີ່ເອີ້ນວ່າ hemoglobin vesicles ເປັນຫຼັກການດຶງເອົາ...

ແຜ່ນດິນໄຫວຂະໜາດ 6,0 ຣິກເຕີ ໃນປະເທດອັບການິສະຖານ ເຮັດໃຫ້ມີຜູ້ເສຍຊີວິດ 622 ຄົນ ແລະ ໄດ້ຮັບບາດເຈັບຫຼາຍກວ່າ 1,500 ຄົນ

ເກີດເຫດແຜ່ນດີນໄຫວໃນວັນທີ 31 ກັນຍາ 2025 ທີ່ປະເທດອັບການິສະຖານ ມີຂະໜາດ 6,0 ຣິກເຕີ ເຮັດໃຫ້ມີຜູ້ເສຍຊີວິດຈໍານວນ 622 ຄົນ ລາຍງານຫຼ້າສຸດ, ຈາກເຫດແຜ່ນດິນໄຫວໃນປະເທດອັຟການິສຖານ ທີ່ເກີດຂຶ້ນໃນວັນທີ 31...

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...