spot_img
Homeຂ່າວຕ່າງປະເທດ31 ພຶດສະພາ "ວັນງົດສູບຢາໂລກ"

31 ພຶດສະພາ “ວັນງົດສູບຢາໂລກ”

Published on

ຂໍ້ມູນໂດຍອົງການອະນາໄມໂລກທີ່ລະບຸເມື່ອບໍ່ດົນມານີ້ວ່າ ເຄິ່ງໜຶ່ງຂອງຜູ້ສູບຢາທັງໝົດເສຍຊີວິດຈາກພິດຢາສູບ ໂດຍມີຜູ້ເສຍຊີວິດ 6 ລ້ານລາຍໃນແຕ່ລະປີ ນອກນີ້ ຍັງມີຄົນອີກເກືອບ 9 ແສນລາຍເສຍຊີວິດເພາະຢູ່ໃກ້ຊິດກັບຄວັນຢາສູບມືສອງ.

ເມື່ອຫວນກັບຄືນໄປຫຼາຍສະຕະວັດກ່ອນ ຊຶ່ງເຊື່ອວ່າຢາສູບເປັນສິ່ງທີ່ດີຕໍ່ສຸຂະພາບ ໂດຍໃນສະຕະວັດທີ 16 ຕົ້ນຢາສູບນິໂຄເທຍນາ (Nicotiana) ໄດ້ຖືກຍອມຮັບວ່າເປັນສະໝຸນໄພສັກສິດ ແລະ ຊ່ວຍໃນການປິ່ນປົວພະຍາດ ຊຶ່ງໃນຍຸກສະໄໝນັ້ນນັກວິໄຈດ້ານການແພດຊາວດັຕກໍຄື ໄຈລ ເອເວີຣຣາຣດ ເຊື່ອວ່າສັບພະຄຸນຂອງຕົ້ນຢາສູບນິໂຄເທຍນາຈະເຮັດໃຫ້ຜູ້ຄົນເຂົ້າຫາແພດໝໍໜ້ອຍລົງ ຊຶ່ງເຂົາເຈົ້າຖືວ່າຄວັນຢາສູບເປັນຢາແກ້ພິດ ແລະ ພະຍາດຕິດຕໍ່ຮ້າຍແຮງໄດ້.

ຢ່າງໃດກໍຕາມ ກໍເລີ່ມມີຄົນສົງໃສໃນສັບພະຄຸນຂອງຢາສູບໃນຖານະຢາປິ່ນປົວພະຍາດ ໂດຍແພດຊາວອັງກິດ ຈອນ ຄອຕຕາ ຊຶ່ງຂຽນໜັງສືເລື່ອງຢາ ແລະ ເມື່ອປີ 1612 ກໍມີຄົນເລີ່ມສົງໄສກ່ຽວກັບສິ່ງທີ່ວ່າເປັນຢາປິ່ນປົວພະຍາດ ຊຶ່ງແທ້ຈິງແລ້ວອາດເປັນສາເຫດຂອງພະຍາດຫຼາຍຊະນິດ.

ຊຶ່ງເມື່ອປະມານ 30 ປີຜ່ານມາຫຼາຍປະເທດທົ່ວໂລກກໍເຂົ້າໃຈເຖິງພິດໄພຂອງຢາສູບເພີ່ມຂຶ້ນ ຫຼາຍປະເທດຫ້າມບໍ່ໃຫ້ມີການສູບຢາໃນທີ່ສາທາລະນະທີ່ບໍ່ມີອາກາດຖ່າຍເທ ລວມເຖິງການປຸກລະດົມໃຫ້ຄົນຄຳນຶງເຖິງພິດໄພຂອງຢາສູບເພີ່ມຂຶ້ນເລື້ອຍໆ ບາງປະເທດບັງຄັບໃຫ້ຕິດຮູບຄົນໄຂ້ໄລຍະສຸດທ້າຍຈາກພິດຢາສູບຢູ່ເທິງຊອງ ແລະ ອື່ນໆ.

ຂະນະທີ່ອົງການອະນາໄມໂລກຖືວ່າ ຢາສູບເປັນພະຍາດລະບາດ ແລະ ເປັນໄພຕໍ່ສຸຂະພາບຮ້າຍແຮງທີ່ສຸດຢ່າງໜ່ຶງທີ່ໂລກເຄີຍຜະເຊີນ ແລະ ຮຽກຮ້ອງໃຫ້ປະເທດຕ່າງໆໃຊ້ນະໂຍບາຍເພື່ອປ້ອງກັນບໍ່ໃຫ້ມີຄົນສູບຢາເຊັ່ນ ຈຳກັດການໂຄສະນາ ການໃຫ້ເງິນສະໜັບ ສະໜູນໂດຍບໍລິສັດຜູ້ຜະລິດຢາສູບ ແລະ ຂຶ້ນພາສີຢາສູບເຫຼົ່ານີ້ເປັນຕົ້ນ.

ພ້ອມນີ້ ອົງການອະນາໄມໂລກກໍລະບຸອີກວ່າ  ມີຈຳນວນຄົນສູບຢາໜ້ອຍລົງ ຊຶ່ງໃນປີ 2016 ມີຄົນສູບຢາຄິດເປັນ 20% ຈາກຄົນທົ່ວໂລກ ທຽບກັບ 27% ເມື່ອປີ 2000 ແຕ່ນີ້ກໍຍັງບໍ່ໄດ້ຕາມເປົ້າໝາຍທີ່ນາໆຊາດຕົກລົງກັນໄວ້ ຊຶ່ງຂະນະນີ້ມີຜູ້ໃຫຍ່ທີ່ສູບຢາ 1,1 ພັນລ້ານຄົນ ໃນນັ້ນ 80% ເປັນຄົນຈາກປະເທດທີ່ມີລາຍຮັບລະດັບກາງ ແລະ ຕ່ຳ.

 

 

ຮຽບຮຽງ: ສະຫະລັດ ວອນທິວົງໄຊ

ຮູບພາບ: bbc.com

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...