spot_img
Homeຂ່າວການພັດທະນາ 11% ຂອງແມ່ຍິງລາວ ແຕ່ງດອງກ່ອນອາຍຸ 15 ປີ!

11% ຂອງແມ່ຍິງລາວ ແຕ່ງດອງກ່ອນອາຍຸ 15 ປີ!

Published on

hlkyuz8p+copy

ໃນພິທີສະເຫຼີມສະຫຼອງວັນປະຊາກອນໂລກເມື່ອມໍ່ໆມານີ້, ຜູ້ຕາງໜ້າອົງການສະຫະປະ ຊາຊາດກອນທືນສຳລັບ ປະຊາກອນ (UNFPA) ໄດ້ລາຍງານໃຫ້ຮູ້ວ່າ: ຫຼາຍປີຜ່ານ ມາປະຊາກອນຂອງລາວເພີ່ມຂຶ້ນຫຼາຍສົມຄວນ, ຊຶ່ງໃນນັ້ນປະຊາກອນໜຸ່ມອາຍຸຕ່ຳກວ່າ 25 ປີ, ກວມຫຼາຍກວ່າ 60 % ຂອງປະຊາກອນທັງໝົດ, ແຕ່ກຸ່ມປະຊາກອນດັ່ງ ກ່າວ ຍັງມີຄວາມສ່ຽງຫຼາຍ, ຊຶ່ງຕາມຜົນການສຳຫຼວດໃຫ້ເຫັນວ່າແມ່ຍິງລາວ 11% ໄດ້ແຕ່ງງານ ກ່ອນ ອາຍຸ15 ປີ ຍ້ອນສະພາບຄອບຄົວ ແລະ ການບໍ່ໄດ້ເຂົ້າເຖິງການສຶກສາ, ເຖິງວ່າຈະ ມີກົດໜາຍຄອບຄົວ ວ່າດ້ວຍການສົມລົດທີ່ກຳນົດ ການແຕ່ງງານອາຍຸ 18 ປີຂຶ້ນໄປໄດ້ ຖືກບັງຄັບໃຊ້ໃນຫຼາຍປີຜ່ານມາແລ້ວກໍຕາມ, ແຕ່ກໍຍັມີແມ່ຍິງໃນເຂດຊົນນະບົດ ຫ່າງ ໄກສອກຫຼີກ, ແລະ ຜົນການສຳຫຼວດຍັງຊີ້ໃຫ້ເຫັນວ່າແມ່ຍິງ 1 ໃນ 5 ຄົນ ທີ່ຢາກໃຊ້ການວາງແຜນຄອບຄົວແຕ່ບໍ່ສາ ມາດເຂົ້າເຖິງໄດ້ສ່ວນຫຼາຍແມ່ນໄວໜຸ່ມ(ອາຍຸ 15- 19 ປີ )ໃນເຂດຊົນນະບົດ, ຫ່າງໄກສອກຫຼີກ .

ຕໍ່ບັນຫາດັ່ງກ່າວມັນໄດ້ເຮັດໃຫ້ເຂົ້າເຈົ້າມີຄວາມສ່ຽງຫຼາຍຢ່າງ ແລະ ຈະກາຍເປັນປະເທດທີ່ມີການແຕ່ງງານ ແລະ ຖືພາແຕ່ອາ ຍຸຍັງນ້ອຍ, ຊຶ່ງມັນໄວເກີນໄປສຳລັບການທີ່ຈະເປັນແມ່, ສິ່ງນີ້ສ່ວນໜຶ່ງແມ່ນເກີດມາຈາກການ ເຂົ້າເຖິງຂໍ້ມູນສຸຂະພາບຈະເລີນພັນມີຈຳ ກັດ ແລະ ຈະເຮັດໃຫ້ແມ່ຍິງ ແລະ ເດັກຍິງເຫຼົ່ານັ້ນມີຄວາມ ສ່ຽງຕໍ່ການຕິດເຊື້ອພະຍາດທາງເພດ ແລະ ພະຍາດ HIV, ເພື່ອແກ້ໄຂບັນຫານີ້ປັດຈຸບັນລັດຖະ ບານລາວຕ້ອງໄດ້ເອົາໃຈໃສ່ໃນການຈັດຕັ້ງປະຕິບັດວຽກງານປະຊາກອນ, ໂດຍສະ ເພາະແມ່ນການສ້າງ ຄວາມເຂັ້ມແຂງ ແລະ ມອບສິດເປັນເຈົ້າໃຫ້ແມ່ຍິງ ແລະ ໄວໜຸ່ມຍິງໃນການເລືອກ ແລະ ຕັດສິນໃຈ ຕໍ່ສຸຂະພາບທາງເພດ ແລະ ສຸຂະພາບຈະເລີນພັນຂອງເຂົາເຈົ້າເອງ ແລະ ຮັບປະກັນໃຫ້ເຂົາເຈົ້າໄດ້ເຂົ້າ ໂຮງຮຽນຈົນຈົບ, ເພື່ອສາມາດປະກອບສ່ວນເຂົ້າໃນວຽກງານຕ່າງໆຂອງສັງຄົມ ແລະ ການສ້າງສາພັດ ທະນາປະເທດຊາດໄດ້ຢ່າງເຕັມສ່ວນ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ໃຊ້ AI ໃຫ້ເປັນປະໂຫຍດ ຊາຍຊາວອາເມລິການໍາໃຊ້ Chat GPT ໃນການສຸ່ມໂຕເລກເພື່ອຊື້ຫວຍ ຖືກລາງວັນ 100,000 ໂດລາ ຫຼື ປະມານ 2.1 ຕື້ກີບ

ເມື່ອບໍ່ດົນມານີ້ ກາຍເປັນກະແສດັງຢູ່ປະເທດອາເມຣິກາ ເມື່ອມີຊາຍຄົນໜຶ່ງ ອາຍຸ 45 ປີ ອາໄສຢູ່ທີ່ເມືອງ Wyandotte ຣັດ Michigan ສ.ອາເມລິກາ ໄດ້ຖືກຫວຍທ້ອງຖິ່ນ Powerball ພາຍຫຼັງນຳໃຊ້ປັນຍາປະດິດ...

ເສຍຊີວິດສອງຄົນ ເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ລຸດອອກນອກລັນເວ ທີ່ສະໜາມບິນຮົງກົງ

ອຸບັດຕິເຫດເຮືອບິນຂົນສົ່ງສິນຄ້າ ເອມິເຣດ ໄຫຼອອກນອກລັນເວ ທີ່ສະໜາມບິນຮົງກົງ ເຮັດໃຫ້ເສຍຊີວິດສອງຄົນ. ສຳນັກຂ່າວຕ່າງປະເທດລາຍງານໃນວັນທີ 20 ຕຸລາ 2025 ນີ້ວ່າ: ເກີດເຫດເຮືອບິນຂົນສົ່ງສິນຄ້າຂອງສາຍການບິນ ເອມິເຣດ ໄຫຼອອກນອກລັນເວຕຳກັບລົດຈົນຕົກທະເລ ທີ່ສະໜາມບິນຮົງກົງ ເຊິ່ງເຫດການດັ່ງກ່າວມີເຈົ້າທີ່ເສຍຊີວິດສອງຄົນ. ຕາມການລາຍງານລະບຸວ່າ:...

ຈະເປີດໃຫ້ບໍລິການໃນປີ 2030 ທາງລົດໄຟວຽງຈັນ-ໜອງຄາຍ ໂດຍຈະເລີ່ມລົງມືກໍ່ສ້າງໃນປີ 2027

ກອງ​ປະຊຸມ​ໄດ້​ຈັດ​ຂຶ້ນ​ຢູ່​ກະຊວງ​ໂຍທາ​ທິການ ​ແລະ ຂົນ​ສົ່ງ ​ແຫ່ງ ສປປ ລາວ ​ໃນ​ວັນ​ທີ 17 ຕຸລາ 2025 ​ເພື່ອ​ປຶກສາ​ຫາລື​ກ່ຽວ​ກັບ​ການ​ກໍ່ສ້າງ​ຂົວ​ທາງ​ລົດ​ໄຟ​ຂ້າມ​ແມ່ນ້ຳຂອງ​ແຫ່ງ​ໃໝ່. ກອງ​ປະຊຸມ​ຄັ້ງ​ນີ້​ໄດ້​ເປັນ​ປະທານ​ຮ່ວມ​ຂອງ​ທ່ານ ທ່ານ ຈັນທອນ...

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...