ຜູ້ໃຊ້ລົດຖາມ ເປັນຫຍັງດ່ານບໍ່ເຕນຍັງສີດແລະເກັບຄ່າສີດຢາຂ້າເຊື້ອໃສ່ລົດຢູ່

0
687


ຫລັງຈາກມີຄຳສັ່ງຈາກກະຊວງກະສິກຳແລະປ່າໄມ້ກ່ຽວກັບ ການຢຸດຕິການສີດພົ່ນຢາຂ້າເຊື້ອພາຫະນະທົ່ວໄປທີ່ເຂົ້າມາໃນທົ່ວຂອບເຂດ ສ.ປ.ປ.ລາວ ເປັນທີຮຽບຮ້ອຍແລ້ວ ໃນວັນທີ 14 ທັນວາ 2016 ທີ່ຜ່ານມາ, ດ່ານຜ່ານແດນໃນຫລາຍໆແຫ່ງກໍ່ໄດ້ພ້ອມພຽງຮຽງຫນ້າປະຕິບັດຕາມຄຳສັ່ງ. ແຕ່ຍັງປາກົດວ່າຍັງເຫັນດ່ານຜ່ານແດນສາກົນທີ່ແຂວງຫຼວງນຳ້ທາ ຍັງຄົງເດີນຫນ້າເກັບຄ່າທຳນຽມ ຈາກລົດທຸກປະເພດທີ່ຜ່ານເຂົ້າດ່ານຜ່ານແດນສາກົນບໍ່ເຕນຈົນຮອດມື້ນີ້ (ຮູບຖ່າຍວັນທີ 4 ມັງກອນ 2017) ແລະ ການຈັດເກັບຄ່າທຳນຽມຕໍ່ຄັ້ງກໍແພງກວ່າຢູ່ດ່ານອື່ນໆ ຄືສູງເຖິງ 55.000ກີບ. ຈົນຕ້ອງມີຄຳຖາມວ່າ ເປັນຫຍັງຄືເປັນແບບນັ້ນ?  ຈຶ່ງຮຽກຮ້ອງໄປຍັງພາກສ່ວນທີ່ກ່ຽວຂ້ອງ ຊ່ວຍລົງກວດກາ ແລະຊີ້ແຈງບັນຫາດັ່ງກ່າວຕໍ່ສັງຄົມໃຫ້ກະຈ່າງແຈ້ງດ້ວຍ ຄື:

1. ເປັນຫຍັງດ່ານຜ່ານແດນແຫ່ງນີ້ຈຶ່ງມີສິດທີ່ຈະເມີນເສີຍຕໍ່ຄຳສັ່ງຂອງ ກະຊວງກະສິກຳແລະປ່າໄມ້ ສະບັບເລກທີ 3773/ກປ ລົງວັນທີ 14 ທັນວາ 2016 ກ່ຽວກັບການຢຸດຕິການສີດຢາຂ້າເຊື້ອຍານພາຫະນະ ເຂົ້າອອກຊາຍແດນ.

2. ເປັນຫຍັງຄ່າທຳນຽມສີດຢາຂ້າເຊື້ອດັ່ງກ່າວຈຶ່ງແພງເຖິງ 55,000 ກີບ/ຄັ້ງ/ຄັນ?

Facebook Comments

ອອກ​ຈາກ REPLY ເປັນ