ຈະເວົ້າໄປແລ້ວບໍ່ມີໃຜໃນໂລກທີ່ເປັນທີ່ຮັກຂອງທຸກຄົນ ຈະຊົ່ວຈະດີມາຈາກໃດກໍຍ່ອມຕ້ອງຖືກ “ນິນທາ” ເປັນທຳມະດາ ຄຳເວົ້າຂອງຄົນເຮົາບາງເທື່ອຮຸນແຮງກວ່າການໃຊ້ອາວຸດເຂົ້າຫ້ຳຫັ່ນກັນເສຍອີກ ແຕ່ເຖີງປານນັ້ນກໍຕາມ ບໍ່ມີໃຜເທິງໂລກນີ້ຫລີກໜີຄຳນິນທາໄປໄດ້ ເຖິງຈະໜີຄຳນິນທາບໍ່ໄດ້ແຕ່ເຈົ້າເລືອກໄດ້ວ່າຈະໃຫ້ມັນເປັນໃນຮູບແບບໃດ ທີ່ມາກະທົບຈິດໃຈເຈົ້າ
1 ທຸກເທື່ອທີ່ຄິດໄດ້ ໃຫ້ເຮັດແຕ່ຄວາມດີ: ຄົນເຂົາຈອບຈະນິນທາຢູ່ແລ້ວ ເຮັດຫຍັງໜ້ອຍໜຶ່ງ ກໍກາຍເປັນເລື່ອງໃຫຍ່ໄດ້ສະເໝີ
2 ຄິດຢູ່ສະເໝີວ່າບໍ່ມີຫຍັງຢູ່ຄົງທົນຖາວອນ: ມີລາບ ເສື່ອມລາບ ມີຍົດ ເສື່ອມຍົດ ມີສັນເສີນ ມີນິນທາ ເວົ້າງ່າຍໆວ່າຂໍ້ນີ້ຂໍໃຫ້ເຈົ້າເຮັດໃຈດີກວ່າ
3 ມີສະຕິ: ເມື່ອເກີດເລື່ອງໃດຂໍໃຫ້ໃຊ້ສະຕິ ແລະ ຢ່າເຊື່ອຫຍັງງ່າຍໆ ບໍ່ວ່າຄົນນັ້ນຈະໜ້າເຊື່ອຊ່ຳໃດກໍຕາມ ຂໍໃຫ້ພິຈາລະນາເລື່ອງລາວຢ່າງເປັນໄປຕາມຄວາມເປັນຈິງ ຫລື ເປັນກາງ
4 ເຮັດຄວາມດີແດ່: ຊີວິດ ຄົນເຮົາເກີດມາເພື່ອໃຊ້ກຳທີ່ຕ່າງກັນອອກໄປ ບາງຄົນກຳໜ້ອຍ ບຸນຫລາຍ ບາງຄົນກຳຫລາຍ ບຸນໜ້ອຍ ເພາະສະນັ້ນຫັດເຕີມບຸນໄວ້ຫລາຍໆ ການເຮັດຄວາມດີ ບໍ່ເສຍຫາຍຫຍັງດອກ
5 ຢຸດເຮັດເລື່ອງບໍ່ມີສາລະ: ອັນນີ້ສຳຄັນສຸດ ເພາະບາງເລື່ອງທີ່ເຮົາຄິດວ່າບໍ່ມີຫຍັງ ອາດຈະກາຍເປັນປະເດັນໄດ້ໃນພາຍພາກໜ້າເຫັນຢູ່ຕະຫລອດໆ ກໍຄົງບໍ່ພົ້ນເລື່ອງຄຸບຊິບນິນທາ