ໜ້າທຳອິດຂ່າວເດັ່ນ ອາຊະຍາກຳ-ອຸບັດເຫດ

28 ພຶດສະພາ 2015 888 ຄົນ

ຂປລ: ຕອນແລງປະມານ 4:30 ໂມງຂອງວັນທີ 27 ພຶດສະພາ 2015, ໜ່ວຍກູ້ໄພສາມາດພົບເຫັນຜູ້ເສຍຊີວິດ 1 ຄົນແລ້ວທີ່ຝູຂຶ້ນຢູ່ແຄມນໍ້າງື່ມຫ່າງຈາກຈຸດເກີດເຫດປະມານ 5 ກິໂລແມັດ. ທ່ານ ວົງເດືອນ ບຸນຍາແສງ ເຈົ້າເມືອງປາກງື່ມໃຫ້ສໍາພາດນັກຂ່າວສໍານັກຂ່າວສານປະເທດລາວມື້ນີ້ວ່າ: ພວກເຮົາສາມາດພົບຜູ້ເສຍຊີວິດແລ້ວ 1 ຄົນເປັນເພດຍິງ ຊື່ນາງສີລຽນ ອາຍຸ 10 ປີ ຄົນບ້ານຫົວນາ ແລະ ນໍາສົ່ງເຮັດພິທີທາງສາສະໜາ ແລະ ຄາດວ່າພວກເຮົາຍັງຈະສືບຕໍ່ພົບຕື່ມອີກ ສ່ວນຜູ້ສູນຫາຍນັ້ນຍັງເຫລືອ 9 ຄົນ. ເຮືອປະສົບອຸບັດເຫດນັ້ນໄດ້ຂົນຜູ້ສານທັງໝົດ 35 ຄົນ ໃນນັ້ນຄູອາຈານ 4 ຄົນ, ຜູ້ຂັບເຮືອ 1 ຄົນ ແລະ ນັກຮຽນທັງໝົດ 30 ຄົນ. ທ່ານ ວົງເດືອນຍັງຢືນຢັນວ່າ: ພວກເຮົາພວມເຄັ່ງຮ້ອນເຮັດທຸກວິທາງເພື່ອຊອກຫາຜູ້ສູນຫາຍດັ່ງກ່າວເຫັນຈົນໝົດ.     

27 ພຶດສະພາ 2015 1410 ຄົນ

ບ່າວນັກກົດໝາຍຊາວເຄັນຢາ ມັກລູກສາວປະທານາທິບໍດີ ບາຣັກ ໂອບາມາ ຢ່າງແຮງ ສະເໜີງົວ ແລະ ແກະ 150 ໂຕ ເປັນຄ່າດອງ ພ້ອມກຽມສົ່ງຈົດໝາຍໄປຂໍເຖິງຜູ້ນຳອາເມຣິກາອີກດ້ວຍ. ສຳນັກຂ່າວຕ່າງປະເທດ ລາຍງານໃນວັນທີ 27 ພຶດສະພານີ້ວ່າ ທ່ານ ເຟລິກ ຄິໂປຣໂນ ບ່າວນັກກົດໝາຍຊາວເຄັນຢາ ທຸ່ມຄ່າດອງສຸດຂີດ ຫວັງຂໍລູກສາວປະທານາທິບໍດີສະຫະລັດອາເມຣິກາ ບາຣັກ ໂອບາມາ ໂດຍວາງຄ່າດອງເປັນແກະ 70 ໂຕ, ງົວແມ່ 50 ແລະ ແບ້ອີກ 30 ໂຕ ເຊິ່ງເຂົາໄດ້ປະກາດວ່າ ເຂົາໄດ້ຫລົງຮັກ ນາງ ມາເຣຍ ໂອບາມາ ລູກສາວກົກຂອງປະທານາທິບໍດີສະຫະລັດຢ່າງແທ້ຈິງ. ທ່ານ ເຟລິກ ເລົ່າວ່າ ເຂົາໄດ້ຫລົງຮັກລູກສາວຜູ້ນຳອາເມຣິກາ ມາຕັ້ງແຕ່ປີ 2008 ແລະ ບໍ່ເຄີຍລົມສາວຄົນໃດອີກເລີຍ ໂດຍເຂົາໄດ້ມີຄວາມຕັ້ງໃຈສັດທາໃນຮັກ ທີ່ມີຕໍ່ ນາງ ມາເຣຍ ເທົ່ານັ້ນ ພ້ອມທັງຍັງບອກອີກວ່າ ຄອບຄົວຂອງເຂົາເອງຍິນດີທີ່ຈະຊ່ວຍເຫລືອເຂົາ ຖ້າຫາກທ່ານ […]

27 ພຶດສະພາ 2015 945 ຄົນ

ເກີດເຫດໄຟໄໝ້ເຮືອນພັກຄົນຊະລາ ໃນແຂວງເຫີໜານ ປະເທດຈີນ ກາງເດິກມື້ວັນທີ 25 ພຶດສະພາຜ່ານມານີ້ ເຮັດໃຫ້ອາຄານຖືກໄໝ້ກ້ຽງທັງຫລັງ ມີຜູ້ເສຍຊີວິດ 38 ຄົນ ບາດເຈັບ 6​ ຄົນ. ສຳນັກຂ່າວຕ່າງປະເທດ ລາຍງານໃນວັນທີ 26 ພຶດສະພາ ນີ້ວ່າ ເຫດໄຟໄໝ້ຮຸນແຮງດັ່ງກ່າວ ເກີດຂຶ້ນທີ່ເຮືອນພັກຄົນຊະລາ ຄັງລີ່ຢວນ ເຊິ່ງເປັນເຮືອນພັກຄົນລະຊາຂອງພາກເອກະຊົນ ໃນເມືອງຜິງຕິງສານ ແຂວງເຫີໜານ ປະເທດຈີນ ໃນຕອນກາງເດິກຂອງມື້ວັນຈັນທີ 25 ພຶດສະພາຜ່ານມານີ້ ເປັນເຫດເຮັດໃຫ້ຄົນຊະລາເສຍຊີວິດເຖິງ 38 ຄົນ ບາດເຈັບ 6 ຄົນ ແລະ ອາຄານເຮືອນພັກຖືກໄໝ້ກ້ຽງທັງຫລັງ. ປະທານາທິບໍດີ ສີ ຈິ້ນຜິງ ຂອງຈີນໄດ້ສັ່ງໃຫ້ເຈົ້າໜ້າທີ່ ໃຫ້ການຊ່ວຍເຫລືອບັນເທົາທຸກແກ່ຜູ້ໄດ້ຮັບບາດເຈັບ ແລະ ລູກຫລານຜູ້ສູນເສຍພໍ່ແມ່ ໃນເຫດການຄັ້ງນີ້ ເຊິ່ງໃນເບື້ອງຕົ້ນແມ່ນຍັງບໍ່ທັນມີລາຍງານ ກ່ຽວກັບສາເຫດຂອງໄຟໄໝ້ດັ່ງກ່າວນີ້ເທື່ອ.  

26 ພຶດສະພາ 2015 129 ຄົນ

ເວລາ7:15 ນາທີຂອງວັນທີ26/5/2015ໄດ້ເກີດເຫດ ເຮືອແພຫຼົ້ມ ຢູ່ລະຫວ່າງບ້ານ ນາບົງ ແລະ ບ້ານທ່າກົກໄຮ ເມືອງປາກງື່ມ ນະຄອນຫລວງວຽງຈັນ ເຊີ່ງຜູ້ເຫັນເຫດການໃຫ້ຂໍ້ມູນວ່າເຮືອແພດັ່ງກ່າວ ບັນຈຸ ນັກຮຽນທີ່ຈະໄປເສັງຈົບປໍ 5 ຢູ່ໂຮງຮຽນປະຖົມຊຽງແລ. ທີມດຳນ້ຳວາງແຜນການເພື່ອຄົ້ນຫາສົບຜູ້ເສຍຊີວິດ, ເນື່ອງຈາກກະແສນ້ຳທີ່ໄຫຼແຮງການລົງດຳນ້ຳຂອງທີມກູ້ໄພນະຄອນຫຼວງ 1623 ຕ້ອງໄດ້ມີການວາງແຜນຢ່າງລະອຽດ ເພື່ອຄວາມປອດໄພ ແລະ ສາມາດ ຊອກຫາສົບຜູ້ເສຍຊີວິດໃຫ້ໄດ້, ນອກຈາກນັກດຳນ້ຳຂອງລາວແລ້ວທາງໜ່ວຍກູ້ໄພຍັງໄດ້ປະສານງານຂໍການຊ່ວຍເຫຼືອຈາກ ນັກດຳນ້ຳຂອງທາງປະເທດໄທ ເພື່ອຊອກຫາສົບຜູ້ເສຍຊີວິດ. ການລາຍງານລາຍຊື່ຜູ້ເສຍຊີວິດ ທັງໝົດ 10 ຄົນ ຍິງ 8 ຄົນ, ຊາຍ 2 ຄົນຄື: ນາງ ກຸ້ງ ອຳພອນ ນາງ ກົມ ອຳພອນ ນາງ ແພ ຕາເຫີ ນາງ ຄັດຕີ ຈານສີ ນາງ ປູນາ ຈານສີ ທ້າວ ແສງຈັນ ແປະ ນາງ ສີລຽນ […]

26 ພຶດສະພາ 2015 1462 ຄົນ

ເກີດເຫດແຜ່ນດິນໄຫວຂະໜາດ 5.3 ແມັກນິຈູດ ສັ່ນອາຄານສູງໃນນະຄອນຫລວງໂຕກຽວມື້ນີ້ (25 ພຶດສະພາ) ສ່ົງຜົນໃຫ້ມີສັນຍານເຕືອນໄພດັງຂຶ້ນ ແລະ ລະບົບລົດໄຟຟ້າໃຕ້ດິນຕ້ອງຢຸດໃຫ້ບໍລິການຊົ່ວຄາວ. ສຳນັກຂ່າວຕ່າງປະເທດ ລາຍງານໃນມື້ນີ້ (25 ພຶດສະພາ) ໃນເວລາ 13:55 ນາທີ ຕາມເວລາໃນປະເທດລາວວ່າ ໄດ້ເກີດເຫດແຜ່ນດິນໄຫວຂະໜາດ 5.3 ແມັກນິຈູດ ຢູ່ເມືອງຫລວງຂອງປະເທດຍີ່ປຸ່ນ ເຮັດໃຫ້ລະບົບເຕືອນໄພສົ່ງສັນຍານເຕືອນໄພເຂົ້າໂທລະສັບມືຖື ແລະ ສັນຍານເຕືອນໃນອາຄານຕ່າງໆດັງຂຶ້ນ, ສະໜາມບິນສາກົນນາຣິຕະ ຂອງນະຄອນຫລວງໂຕກຽວ ກໍໄດ້ປະກາດປິດຣັນເວທັງ 2 ເສັ້ນເປັນການຊົ່ວຄາວ ເພື່ອໃຫ້ເຈົ້າໜ້າທີ່ເຂົ້າກວດສອບຄວາມເສຍຫາຍ ໂດຍອີງຕາມຂໍ້ມູນຈາກສຳນັກງານສຳຫລວດທາງທໍລະນີວິທະຍາ ຂອງສະຫະລັດອາເມຣິກາ (USGS) ໄດ້ຊີ້ບອກວ່າ ແຜ່ນດິນໄຫວຄັ້ງນີ້ ເກີດຂຶ້ນໃນລະດັບຕື້ນ ພຽງແຕ່ 35 ກິໂລແມັດ ໂດຍມີສູນກາງຫ່າງອອກໄປທາງທິດເໜືອ 34​ ກິໂລແມັດ ຈາກນະຄອນຫລວງໂຕກຽວ ເຊິ່ງເປັນເມືອງໃຫຍ່ທີ່ມີປະຊາກອນໜາແໜ້ນແຫ່ງໜຶ່ງຂອງໂລກ. ສະຖານີໂທລະພາບໃນທ້ອງຖິ່ນລາຍງານວ່າ ແຮງສັ່ນສະເທືອນຈາກແຜ່ນດິນໄຫວ ສາມາດຮັບຮູ້ໄດ້ໃນບໍລິເວນກວ້າງທົ່ວໂຕກຽວ ແຕ່ວ່າຍັງບໍ່ທັນມີລາຍງານຄວາມເສຍຫາຍ ຫລື ຜູ້ໄດ້ຮັບບາດເຈັບແຕ່ຢ່າງໃດເທື່ອ.

25 ພຶດສະພາ 2015 149 ຄົນ

ທາງການ​ລາວ ​ຍັງ​ຈະ​ຕ້ອງ​ທຳ​ການ​ສຶກສາ ​ເພື່ອ​ກຳນົດ​ແຜນການອະນຸລັກ​ທົ່ງ​ໄຫ​ຫີນ​ໃຫ້​ໄດ້​ຕາມ​ເງື່ອນ​ໄຂ ​ຂອງ​ອົງການ UNESCO ກ່ອນ​ທີ່​ຈະ​ມີ​ການ​ນຳ​ສະ​ເໜີ ໃຫ້​ຮັບຮອງ​ເປັນ​ມໍລະດົກ​ໂລກແຫ່ງທີ 3 ​ໃນ​ລາວ. ທ່ານ​ສົມ​ກົດ ​ມັງນໍ​ເມກ ​ເຈົ້າ​ແຂວງ ​ແລະ ​ເລ​ຂາ​ພັກ​ ແຂວງ​ຊຽງຂວາງ ​ຖະ​ແຫຼ​ງ ຍອມ​ຮັບ ​ວ່າ​ຍັງຈະ​ຕ້ອງ​ມີ​ການ​ສຶກສາ ໃນ​ລາຍລະອຽດ​ເພື່ອ​ກຳນົດແຜນການ​ອະນຸ​ລັກ​ ເຂດ​ທົ່ງໄຫ​ຫີນ​ໃຫ້​ໄດ້​ຕາມເງື່ອນ​ໄຂ​ ທີ່​ອົງການ UNESCO ກຳນົດ​ໄວ້​ ໃນ​ທຸກໆ​ດ້ານ​ສາກ່ອນ ຈິ່ງ​ຈະສາ ມາດ​ນຳ​ສະ​ເໜີ​ ຕໍ່ອົງການ UNESCO ​ເພື່ອ​ພິຈາລະ​ນາ​ໃຫ້ການ​ຮັບ​ຮອງ​ ເຂດ​ທົ່ງ​ໄຫ​ຫີ​ນຂອງ​ລາວ ​ເປັນ​ມໍລະດົກໂລກ​ໄດ້​ຢ່າ​ງ​ເ​ປັນທາງ​ການ ​ແຕ່​ຢ່າງ​ໃດ​ກໍ່​ຕາມ ທ່ານ​ສົ​ມກົດ ​ກໍ່​ບໍ່​ສາມ​າດ ທີ່​ຈະໃຫ້ການ​ຄາດໝາຍ​ວ່າ​ ການ​ສຶກສາ​ດັ່ງ ກ່າວ​ນີ້​ ຈະ​ຕ້ອງ​ໃຊ້ໄລຍະ​ເວລາ ໃນ​ການ​ດຳ​ເນີນ​ການ​ ຈົນ​ເຖິງ​ເມື່ອ​ໃດ​ແທ້ ​ເນື່ອງ​ຈາກ​ວ່າ ​ໄຫ​ຫີນ​ທີ່​ມີ​ຢູ່​ຫຼາຍ​ກວ່າ 2000 ໜ່ວຍ​ນັ້ນ ​ບໍ່​ໄດ້​ຕັ້ງ​ຢູ່​ໃນ​ບໍລິ​ເວ​ນ​ດຽວ​ກັນ ​ເຊິ່ງບໍ່ພຽງ​ແຕ່​ຈະ ​ເຮັດ​ໃຫ້​ຕ້ອງ​ໃຊ້​ເວ​ລາ​ໃນ​ການ​ເກັບ​ກຳ​ຂໍ້​ມູນ ​ແລະ ຂຶ້ນ​ທະບຽນ​ໄຫ​ຫີນ​ທຸກ​ໜ່ວຍ ​ຢ່າງລະ ອຽດ​ເທົ່າ​ນັ້ນ ຫາ​ກ​ແຕ່​ການ​ທີ່​ໄຫ​ຫີ​ນ ຕັ້ງ​ຢູ່​ໃນ​ຫຼາຍ​ພື້ນ​ທີ່ ​ຢ່າງ​ກະ​ແຈກ​ກະຈາຍ​ກັນດັ່ງກ່າວ ກໍ​ຍັງ​ເຮັດ​ໃຫ້​ຍາກ […]

24 ພຶດສະພາ 2015 462 ຄົນ

ໃນວັນທີ 22 ພຶດສະພາ 2015ທີ່ຜ່ານມາ, ເວລາ 10:30 ນາທີ ເຈົ້າໜ້າທີ່ໄທໄດ້ຮັບຂ່າວຈາກສາຍວ່າຈະມີສາວລາວ ຂົນເງິນຈຳນວນ 400,000 ໂດລາສະຫະລັດ ຂ້າມມາຝາກທີ່ທະນາຄານໄທໂດຍຜ່ານ ທີ່ດ່ານ ທ່າເຮືອບັກ, ບ້ານຫົວວຽງ ອຳເພີຊຽງຂອງ, ຈັງຫວັດຊຽງຣາຍ,ຈົນຮອດເວລາ ປະມານ 19:00 ໃນວັນດຽວກັນ, ໄດ້ພົບຍິງສາວລາວ ທີ່ຂ້າມມາແຕ່ຝັ່ງລາວ ແລ້ວມີພິລຸດ ຂ້າມດ່ານ ມາພ້ອມກັບກອງນ້ອຍ, ເຈົ້າໜ້າທີ່ຈິ່ງໄດ້ເຂົ້າກວດ ພົບເຫັນເງິນ ໂດຣາ ຈຳນວນ 400,000 ໂດລາສະຫະລັດ ທີ່ເປັນໃບ 100 ຈຳນວນ 4 ມັດ. ຈາກການສືບສວນ ຍິງສາວດັ່ງກ່າວຊື່ ນາງໝອນ ອິນຕະພັນ ອາຍຸ 35 ປີ, ສັນຊາດລາວ. ໂດຍຜູ້ກ່ຽວບອກວ່າມີຜົວເປັນຄົນໄທໄດ້ເຮັດທຸລະກິດເປີດຮ້ານປ່ຽນເງິນຢູ່ລາວໃນເມືອງຫ້ວຍຊາຍ, ແຂວງບໍ່ແກ້ວ. ຈິ່ງໄດ້ນຳເອົາເງິນດັ່ງກ່າວຂ້າມມາ ເພື່ອຈະຝາກໄວ້ທະນາຄານ ກຸງໄທ ສາຂາ ໂລຕັດ ຊຽງຂອງ, ເຊິ່ງເອົາເງິນມາຄັ້ງນີ້ເປັນຄັ້ງທີສອງແລ້ວ. ນາງໝອນຍັງກ່າວອີກວ່າ ຕົນເອງໄດ້ແຕ່ງງານກັບຄົນໄທ […]

23 ພຶດສະພາ 2015 1154 ຄົນ

ຂ່າວສານປະເທດລາວ: ໃນວັນທີ 18 ພຶດສະພາ 2015, ເຈົ້າໜ້າທີ່ຕໍາຫລວດພ້ອມສາຍລັບແຂວງບໍ່ແກ້ວໄລ່ລ່າ ແລະ ມ້າງຂະບວນຄ້າຂາຍຢາບ້າໄດ້ 6 ຄົນພ້ອມກາງ ຢາບ້າ 24 ມັດໃນຈໍານວນ 48.000 ເມັດ, ລົດວິໂກ້ 1 ຄັນ, ໂທລະສັບດມືຖື 7 ໜ່ວຍ ແລະ ສິ່ງຜິດກົດໝາຍອີກຈໍານວນໜຶ່ງ ປັດຈຸບັນນີ້ ເຈົ້າໜ້າທີ່ໄດ້ຄວບຄຸມໂຕໄວ້ເພື່ອສືບສວນສອບສວນ ແລະ ຊອກຫາເຄື່ອຂ່າຍຢູ່ເບື້ອງຫລັງ. ຄະນະກໍາມະການປາບປາມເສບຕິດໄດ້ເປີດເຜີຍວ່າ: ບັນຫາການແຜ່ລະບາດຢາເສບຕິດໂດຍສະເພາະຢາບ້າ ແລະ ຢາອີພວມຄຸກຄາມໄວໜຸ່ມຍິງຊາຍ ແລະ ຮຸ່ນສືບທອດທີ່ເປັນໜໍ່ແໜງຂອງປະເທດຊາດ, ມັນບໍ່ພຽງແຕ່ພໍ່ແມ່ຜູ້ປົກຄອງເທົ່ານັ້ນທີ່ມີຄວາມກັງວົນ ແຕ່ຫາກລັດຖະບານ ແລະ ອົງການຈັດຕັ້ງສາກົນກໍມີຄວາມເປັນຫ່ວງເຊັນກັນ. ສະນັ້ນຮຽກຮ້ອງໃຫ້ພໍ່ແມ່ຜູ້ປົກຄອງຕ້ອງເອົາໃຈໃສ່ສອດສ່ອງເບິ່ງແຍງລູກຫລານຕົນເອງຢ່າງໃກ້ຊິດ ສ່ວນພາກລັດທີ່ກ່ຽວຂ້ອງຄວນເພີ່ມມາດຕະການເຄັ່ງຄັດ ແລະ ເດັດຂາດຂຶ້ນກວ່າເກົ່າໂດຍເຈົ້າໜ້າທີ່ຂັ້ນແຂວງ, ເມືອງ ແລະ ບ້ານຕ້ອງຕິດຕາມກວດກາການເຄື່ອນໄຫວຂອງກຸ່ມຄົນຍົກຍ້າຍມາຢູ່ຊົ່ວຄາວ, ມາຢູ່ຖາວວອນ, ກຸ່ມຜູ້ປະກອບການ ແລະ ອື່ນໆ ເນື່ອງຈາກວ່າປັດຈຸບັນນີ້ ມີກຸ່ມຄົນຮັ່ງມີບໍ່ທໍາມະດາມັກມີການເຄື່ອນໄຫວຕິດພັນກັບການຄ້າຂາຍຢາເສບຕິດ ແລະ ສິ່ງຜິດກົດໝາຍ ສ່ວນການຂາຍລາຍຍ່ອຍແມ່ນຄົນຫາເຊົ້າກິນຄໍ່າ.

22 ພຶດສະພາ 2015 1353 ຄົນ
ມີອີກ-ເບິ່ງລາຍລະອຽດ