spot_img
Homeຂ່າວພາຍ​ໃນQV301 ຕົກ ຍ້ອນອາກາດ ແລະຄວາມຜິດພາດຂອງຈຸບິນ

QV301 ຕົກ ຍ້ອນອາກາດ ແລະຄວາມຜິດພາດຂອງຈຸບິນ

Published on

DSC_8008lao-2

ອີງຕາມຂ່າວຈາກສຳນັກຂ່າວສານປະເທດລາວ,  ກະຊວງໂຍທາທິການ ແລະ ຂົນສົ່ງ ໄດ້ຖະແຫລງກ່ຽວ​ກັບຜົນຂອງການສືບສວນ- ສອບສວນ ສາເຫດທີ່ພາໃຫ້ເຮືອບິນ ອາ​ເຕ​ແອ (ATR) 72 -600 ຖ້ຽວ​ບິນ ຄິວ​ວີ 301 ວຽງ​ຈັນ-ປາກ​ເຊ ຂອງ​ບໍລິສັດ​ການບິນ​ລາວ ຕົກ​ທີ່​ເມືອງ​ປາກ​ເຊ ​ແຂວງ​ຈຳປາ​ສັກ​​ ໃນ​ວັນ​ທີ 16 ເດືອນ​ຕຸລາ ປີ 2013 ຜ່ານ​ມາ  ຂຶ້ນ​ໃນ​ວັນ​ທີ 28 ເດືອນ​ພະຈິກ ປີ 2014 ນີ້ ຢູ່​ທີ່​ໂຮງ​ແຮມ​ດອນ​ຈັນ​ພາ​ເລດ, ນະຄອນ ຫລວງ​ວຽງ​ຈັນ ໂດຍ​ມີ ທ່ານ ລັດຕະນະມະນີ ຄູນ​ນີວົງ ລັດຖະມົນຕີ​ຊ່ວຍ​ວ່າການ​ກະຊວງ​ໂຍທາ​ທິການ ແລະ ຂົນ​ສົ່ງ, ມີ​ບັນດາ​ຫົວໜ້າ​ກົມ, ຮອງ​ກົມ ​ແລະ ທູຕານຸທູດປະ​ຈຳ ສປປ ລາວ ພ້ອມ​ດ້ວຍພະນັກງານ​ທີ່​ກ່ຽວຂ້ອງ ​ເຂົ້າ​ຮ່ວມ.

ທ່ານ ລັດຕະນະມະນີ ຄູນ​ນິວົງ ​ໄດ້​ກ່າວ​ວ່າ: ຜົນ​ການ​ຖອດ​ລະຫັດ​ຈາກ​ໜ່ວຍບັນທຶກ​ຂໍ້​ມູນ​ການບິນ 2 ໜ່ວຍ​(ກ່ອງ​ດຳ) ເຊິ່ງມີ​ໜ່ວຍ​ບັນທຶກ​ຂໍ້​ມູນ​ຂອງ​ການບິນ 1 ໜ່ວຍ ​ແລະ ໜ່ວຍ​ບັນທຶກ​ສຽງ​ໃນ​ຫ້ອງ​ຂັບ 1 ໜ່ວຍ ​ເຊິ່ງໜ່ວຍບັນທຶກ​ຂໍ້​ມູນ​ທັງ​ສອງ​ໜ່ວຍ​ໄດ້​ຖື​ກ​ເກັບ​ຮັກສາ​ໄວ້​ໃນ​ທີບ​ທີ່​ບັນຈຸ​ນ້ຳ​ພາຍ​ຫລັງ​ທີ່​ນຳ​ຂຶ້ນມາ​ຈາກ​ແມ່ນ້ຳ​ຂອງ​. ຫລັງ​ຈາກ​ນັ້ນ​ໃນ​ວັນ​ທີ 4/11/2013 ໄດ້​ຖືກ​ນຳ​ໄປ​ສຳ ນັກງານ BEA ທີ່​ປະ​ເທດ​ຝຣັ່ງ​ ໂດຍ​ຄະນະ​ສືບສວນ-ສອບ​ສວນ​ຂອງ​ລາວ ​ແລະ BEA ໄດ້​ດຳ​ເນີນ​ການ​ເປີດ​ໜ່ວຍຂໍ້​ມູນ​ການ ບິນ​ທັງ​ສອງໜ່ວຍ ພ້ອມ​ຖອດ​ລະຫັດ​ຂໍ້​ມູນ​ການບິນ ແລະ ການ​ສົນທະນາ​ຕາມ​ຂັ້ນຕອນ​ ໂດຍ​ມີການ​ເຂົ້າ​ຮ່ວມ ​ແລະ ຕິດຕາມ​ຂອງ​ຄະນະ​ສືບສວນ-ສອບ​ສວນ ​ຂອງ​ລາວ​​ເຫັນ​ວ່າ: ສາ​ເຫດ​ຂອງ​ການ​ເກີດ​ອຸບັດ​ເຫດ​ໃນ​ຄັ້ງນີ້ ​ແມ່ນ​ເນື່ອງ​ຈາກ​ສະພາບ​ອາກາດ​ປ່ຽນ​ແປງ​ຢ່າງ​ກະ​ທັນ​ຫັນ ​ບວກ​ກັບ​ຄວາມ​ຜິດພາດ​ຂອງ​ຈຸ​ບິນ ​ໃນ​ການ​ປະຕິບັດ​ຕາມ​ວົງ​ຈອນ​ການ​ລົງ​ເດ່ີນ​ດ້ວຍ​ອຸປະ ກອນ​ເຄື່ອງ​ຊ່ວຍ ລວມທັງ​ການ​ປະຕິບັດ​ຂັ້ນຕອນ​ການບິນ​ຂຶ້ນຄືນ, ການ​ຕັດສິນ​ໃຈ​ສືບຕໍ່​ລົງ​ເດີ່ນ​ຂອງ​ຈຸ​ບິນ ​ດ້ວຍ​ຄວາມ​ສູງ​ໃນ​ລະດັບ​ຕ່ຳ​ກວ່າ​ຄວາມ​ສູງ​ທີ່​ໄດ້​ລະບຸ​ໄວ້​ໃນ​ວົງ​ຈອນ​ລົງ​ເດີ່ນ, ການ​ຕັ້ງຄ່າ​ຄວາມ​ສູງ​ທີ່​ບໍ່​ຖືກຕ້ອງ​ຂອງ​ຈຸ​ບິນ ​ພາ​ໃຫ້​ລະບົບ​ນຳພາ​ບິນ ​ສົ່ງ​ຜົນ​ຢ່າງ​ບໍ່​ຖືກຕ້ອງ​ຢູ່​ໂມງ​ຂອບ​ຟ້າ​ຈຳລອງ​ໃນ​ເວລາ​ເຮືອບິນ​ຂຶ້ນຄື່ນ, ອາດ​ເປັນ​ໄປ​ໄດ້​ທີ່​ເກີດ​ມີ​ພາບ​ຫລອນ​ຈົນ​ເຮັດ​ໃຫ້​ນັກ​ບິນ​ເສຍ​ທີ່​ຕັ້ງຂອງ​ຕົນ​ໃນ​ຂະນະ​ທີ່​ເຮືອບິນ​ຢູ່​ໃນ​ເຝື້ອ, ການ​ປະກົດ​ຂຶ້ນຄືນ​ໂດຍ​ອັດຕະ​ໂນ​ມັດ​ ຂອງ​ລະບົບ​ນຳພາ​ບິນ​ສະ​ແດງ​ຢູ່​ໜ້າ​ໂມງ​ຂອບ​ຟ້າ​ຈຳລອງ​ນັ້ນ ຢືນຢັນ​ວ່າ​ລະບົບ​ນຳພາ​ບິນ​ເຮັດ​ວຽກ​ປົກກະຕິ ແຕ່​ບໍ່​ສາ ມາດ​ນຳ​ໃຊ້​ໄດ້ ເນື່ອງ​ຈາກ​ຕັ້ງຄ່າ​ຜິດ​ໃນ​ການບິນ​ຂຶ້ນຄື່ນ, ການ​ຕິດຕາມ​ການສະ​ແດງ​ຜົນ​ຂອງ​ໜ່ວຍ ງານ​ໂມງ​ຕ່າງໆ​ໃນ​ຫ້ອງ​ຂັບ​ບໍ່​ມີ​ປະສິດທິພາບ​ພຽງພໍ​ ໃນ​ໄລຍະ​ເວລາ​ການບິນ​ຂຶ້ນຄື່ນ ຍ້ອນ​ຜູ້​ບັນຊາ​ຈຸ​ບິນ​ອາດ​ຈະ​ເອົາ​ໃຈ​ໃສ່​ການ​ເຮັດ​ວຽກ​ຂອງ​ລະບົບ​ໃດ​ໜຶ່ງ​ຫລາຍ​ຈົນ​ເກີນ​ໄປ​ ອັນ​ພາ​ໃຫ້​ເກີດ​ຄວາມ​ຜິດພາດ​ໃນ​ຈຸດ​ອື່ນ​ໄດ້, ການ​ປະສານ​ງານ ລະຫວ່າງ ນັກ​ບິນ​ທັງ​ສອງ​ຄົນ​ບໍ່​ດີ​ເທົ່າ​ທີ່​ຄວນ​ໂດຍ​ສະ​ເພາະ​ແມ່ນ​ ໄລຍະ​ສຸດ​ທ້າຍ​ຂອງ​ການ​ລົງ​ເດີ່ນ./.
http://www.kpl.net.la/lao/news/dnl%205.htm
images
laoatr

ບົດຄວາມຫຼ້າສຸດ

ປະຊາຊົນຊາວມາເລເຊຍຮວມຕົວກັນຫຼາຍພັນຄົນ ເພື່ອຮຽກຮ້ອງຄວາມຍຸຕິທຳ ໃຫ້ຊາຣາ ທີ່ເສຍຊີວິດຢ່າງປິສະໜາ

#JusticeForZara ແຮັດແທັກ (hastag) ເຕັມສື່ສັງຄົມອອນລາຍໃນປະເທດມາເລເຊຍ ເພື່ອຮຽກຮ້ອງຄວາມຍຸຕິທຳໃຫ້ ຊາຣາ ເດັກຍິງອາຍຸ 13 ປີ ເສຍຊີວິດປິດສະໜາ, ທ່າມກາງຂ່າວລືວ່າ ຊາຣາ ເປັນເຫຍື່ອຈາກການຖືກບູລີ້ ແລະ...

ເສຍຊີວິດເວທີດຽວກັນ! ຂ່າວເສົ້າວົງການມວຍຍີ່ປຸ່ນ ເມື່ອ 2 ນັກຊົກຈາກແດນປາດິບເສຍຊີວິດຫຼັງຂຶ້ນຊົກມວຍ ໝໍເຜີຍເລືອດອອກໃນເຫຍື້ອຫຸ້ມສະໝອງ.

ວົງການມວຍຍີ່ປຸ່ນເສົ້າ! 2 ນັກຊົກມວຍເສຍຊີວິດເວທີດຽວກັນ ຫຼັງໄດ້ຮັບອາການບາດເຈັບ ໝໍເຜີຍເລືອດອອກໃນເຫຍື້ອຫຸ້ມສະໝອງ. ສຳນັກຂ່າວຕ່າງປະເທດລາຍງານເຫດການສຸດສະຫຼົດ ຂອງວົງການມວຍຍີ່ປຸ່ນ ໄດ້ເກີດເຫດການສຸດຊ໋ອກ ຫຼັງຈາກຊິເງໂຕຊິ ນັກຊົກອາຍຸ 28 ປີ ເສຍຊີວິດ ເມື່ອວັນສຸກ 8...

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...