ໃນຮ່າງກາຍຂອງມະນຸດ ສະຫມອງ ຖືເປັນອະໄວຍະວະທີ່ສຳຄັນທີ່ສຸດໃນການດຳລົງຊີວິດເປັນສູນກາງຄວບຄຸມທຸກຢ່າງໃນລະບົບຂອງຮ່າງກາຍຄຽງຄູ່ໄປກັບຫົວໃຈອີກທັງຍັງເປັນສ່ວນທີ່ຕ້ອງການການເບິ່ງແຍງແລະບຳລຸງຢູ່ສະເໝີເພື່ອພັດທະນາໃຫ້ເຮົາໃຊ້ສະຫມອງໄດ້ຢ່າງມີປະສິດທິພາບຫລາຍຂຶ້ນທັງໃນດ້ານຂອງຄວາມຈື່ຈຳແລະລະບົບການເຮັດວຽກງານຂອງຮ່າງກາຍເພາະສະນັ້ນຖ້າເຮົາຢາກໃຫ້ສະຫມອງຍັງຄົງປະສິດທິພາບຕໍ່ໄປດົນໆມາເບິ່ງກັນວ່າມີປັດໄຈຫຍັງແນ່ທີ່ທຳລາຍສະຫມອງແລະຄວາມຈື່ຈຳຂອງເຮົາ
1.ບໍ່ກິນອາຫານເຊົ້າ
ອາຫານເຊົ້າໃຜວ່າບໍ່ສຳຄັນຄວາມຈິງແລ້ວ“ອາຫານເຊົ້າ”ຖືເປັນຄາບທີ່ສຳຄັນຫລາຍກວ່າຄາບອື່ນໆເລີຍເນື່ອງຈາກໃນຕອນເຊົ້າຄົນເຮົາຕ້ອງການສານອາຫານທີ່ພຽງພໍຢ່າງຫລວງຫລາຍໃນການດຳເນີນຊີວິດຕໍ່ອີກໝົດມື້ລວມເຖິງສະຫມອງນໍາຖ້າເຮົາອົດຄາບເຊົ້າຕິດຕໍ່ກັນດົນຫລາຍປີຈົນເປັນນິໄສໃນອະນາຄົດກໍມີຄວາມສ່ຽງສູງທີ່ຈະເປັນພະຍາດສະຫມອງເສື່ອມຫລື“ພະຍາດອັນໄຊເມີ”ນັ້ນເອງ?ຮູ້ແບບນີ້ແລ້ວກໍ່ຄວນກິນອາຫານເຊົ້າກັນ
2.ດື່ມແອວກໍຮໍ
ແທ້ໆແລ້ວແອວກໍຮໍຖືເປັນສານເສບຕິດຊະນິດໜຶ່ງເລີຍຖ້າດື່ມເປັນປະຈຳຫລືດື່ມໃນປະລິມານທີ່ຫລາຍເກີນໄປຕິດຕໍ່ກັນເປັນເວລາດົນລິດຂອງແອວກໍຮໍຍ່ອມມີຜົນເສຍຕໍ່ສຸຂະພາບແລະສະຫມອງໂດຍກົງບໍ່ວ່າຈະສະຫມອງເຮັດວຽກຊ້າ,ຂາດສະຕິຈື່ຈຳຫຍັງບໍ່ໄດ້,ຄວາມຄິດສັບສົນ,ເກີດພາບຫລອນ,ປະສາດຫລອນແຖມຍັງເປັນທີ່ມາຂອງພະຍາດຕ່າງໆຫລວງຫລາຍທັງພະຍາດຕັບແຂງພະຍາດຕິດສຸລາຊຳເຮື້ອພະຍາດສະຫມອງເສື່ອມແລະພະຍາດປະສາດແຕ່ກໍບໍ່ແມ່ນວ່າເຮົາຈະດື່ມແອວກໍຮໍກັນບໍ່ໄດ້ເລີຍຂໍ້ດີກໍມີຢູ່ຄືເຮັດໃຫ້ເລືອດໄຫລວຽນດີ,ຄຶກຄື້ນ,ຈິດໃຈຜ່ອນຄາຍແຕ່ຕ້ອງດື່ມໃນປະລິມານທີ່ພໍດີ
3.ກິນຂອງຫວານຫລາຍເກີນໄປ
ເຖິງສາວໆທັງຫລາຍທີ່ມັກກິນຂອງຫວານ(ລວມເຖິງໜຸ່ມໆ)ມາຟັງທາງນີ້ເລີຍຮູ້ຫລືບໍ່ວ່າ ການທີ່ຄົນເຮົາກິນຂອງຫວານຫລາຍໆຈະເຮັດໃຫ້ໄປຂັດຂວາງການດູດກືນຂອງໂປຕີນແລະສານອາຫານທີ່ມີເປັນປະໂຫຍດຕໍ່ຮ່າງກາຍແລະສະຫມອງຈົນນຳໄປສູ່ທີ່ມາຂອງ “ພະຍາດຂາດສານອາຫານ”ນັ້ນເອງແລະຍັງເຮັດໃຫ້ການພັດທະນາຂອງສະຫມອງບໍ່ເປັນໄປຢ່າງທີ່ຄວນຈະເປັນດ້ວຍຮູ້ວ່າເຮັດໄດ້ຍາກແຕ່ຖ້າກິນໃນປະລິມານທີ່ພໍດີກໍ່ຈະດີ
4.ຄວາມຄຽດ
ຄວາມຄຽດຖືເປັນໄພຮ້າຍທີ່ເປັນຕົວການກໍ່ໃຫ້ເກີດພະຍາດຕ່າງໆຫລວງຫລາຍນອກຈາກຈະທຳລາຍສຸຂະພາບແລ້ວຍັງທຳລາຍສະຫມອງນໍາອີກແທ້ໆແລ້ວຄົນເຮົາສາມາດທົນກັບຄວາມຄຽດໄດ້ພຽງແຕ່ລະດັບໜຶ່ງເທົ່ານັ້ນແຕ່ຖ້າເພີ່ມຫລາຍຂຶ້ນແລະສະສົມໄປເລື່ອຍໆ ຈະສົ່ງຜົນເສຍໃນໄລຍະຍາວທັງກັບຮ່າງກາຍແລະຈິດໃຈແຖມມີຄວາມສ່ຽງທີ່ຈະເປັນພະຍາດຊຳເຮື້ອອື່ນໆນໍາມາເຊັ່ນ:ພະຍາດຄວາມດັນເລືອດສູງ,ພະຍາດຫລອດເລືອດຫົວໃຈຕີບ,ເພາະໃນການປະເຊີນກັບຄວາມຄຽດສະຫມອງແລະລະບົບປະສາດຕ້ອງໃຊ້ພະລັງງານເປັນຈຳນວນຫລວງຫລາຍແຕ່ສິ່ງທີ່ຊ່ວຍໄດ້ຄືການເພີ່ມວິຕາມິນບີເພາະວິຕາມິນບີມີຄວາມສຳຄັນທີ່ຊ່ວຍໃຫ້ຜ່ອນຄາຍແລະຊ່ວຍໃຫ້ສະຫມອງປອດໂປ່ງມີສະມາທິ ປັບສົມດຸນອາລົມແລະພັດທະນາຄວາມຈຳ
5.ການອົດນອນ
ໄລຍະເວລາແຫ່ງການນອນຫລັບຖືເປັນໄລຍະເວລາທີ່ສະຫມອງໄດ້ຮັບການພັກຜ່ອນ ໄດ້ຟື້ນບຳລຸງຈາກການຖືກທຳລາຍຂອງຈຸລັງຜິວຂອງຮ່າງກາຍລະຫວ່າງມື້ຊຶ່ງການອົດນອນນັ້ນກໍເທົ່າກັບວ່າເຮົາບໍ່ມີເວລາໃຫ້ສະຫມອງໄດ້ພັກຜ່ອນເລີຍການໃຊ້ການສິ່ງໃດສິ່ງໜຶ່ງຫລາຍໆກໍບໍ່ແປກທີ່ສິ່ງນັ້ນຈະເສື່ອມສະພາບແລະພັງແມ່ນບໍ່ສະຫມອງຄົນເຮົາກໍເຊັ່ນກັນຖ້າຕ້ອງເຮັດວຽກໜັກຕະຫລອດເວລາກໍ່ບໍ່ໄຫວສົ່ງຜົນໃຫ້ປະສິດທິພາບການເຮັດວຽກງານຂອງສະຫມອງຫລຸດລົງຄິດຊ້າ,ຫລົງໆລືມໆ,ມຶນຫົວ,ວຽນຫົວແລະຢາກຈະຮາກຕະຫລອດເວລາ
6.ຕົວະເປັນປະຈຳ
ໄດ້ຍິນບໍ່ຜິດດອກການຕົວະເປັນປະຈຳກໍເຮັດໃຫ້ສະຫມອງເຮັດວຽກໜັກແທ້ໆເມື່ອຄົນເຮົາຄິດເລື່ອງທີ່ຈະຕົວະຂຶ້ນມາຈັກ1ເລື່ອງສະຫມອງເຮົາຈະຕ້ອງເຮັດວຽກໜັກຫລາຍກວ່າປົກກະຕິໂດຍການທີ່ຈະຕ້ອງຈື່ຈຳສິ່ງທີ່ເຮົາຕົວະເອົາໄວ້ແລະຫາທາງຕົວະຕໍ່ໄປໃຫ້ນຽນຍິ່ງຕົວະເລື້ອຍໆສະຫມອງກໍຍິ່ງຕ້ອງເພີ່ມການຈື່ຈຳຕ້ອງເຮັດວຽກໜັກຫລາຍຂຶ້ນຊຶ່ງຫລາຍຄົນອາດຈະງົງວ່າແລ້ວໃຫ້ສະຫມອງໄດ້ເຮັດວຽກໜັກນຳມັນບໍ່ດີບ່ອນໃດ?ຊຶ່ງກໍມີຂໍ້ມູນຢືນຢັນຊັດເຈນວ່າ“ການໃຊ້ສະຫມອງເຮັດວຽກໜັກໃນທາງທີ່ບໍ່ສ້າງສັນນັ້ນຈະເຮັດໃຫ້ປະສິດທິພາບການເຮັດວຽກງານຂອງສະຫມອງຫລຸດລົງ”