ເກີດເຫດລະເບີດສະຫລະຊີບ ບໍລິເວນຊາຍແດນປາກີສະຖານ – ອິນເດຍ ເສຍຊີວິດຢ່າງໜ້ອຍ 50 ຄົນ ແລະ
ບາດເຈັບອີກກ່ວາ 100 ຄົນ.
ສຳນັກຂ່າວຕ່າງປະເທດລາຍງານ ໃນວັນທີ 3 ພະຈິກນີ້ວ່າ ກຸ່ມຕິດອາວຸດເຄືອຂ່າຍກຸ່ມຕາລີບັນ ໃນປາກີສະ
ຖານ ໄດ້ອອກອ້າງຄວາມຮັບຜິດຊອບ ກໍ່ເຫດລົງມືລະເບີດສະຫລະຊີບສະເທືອນຂັວນຂຶ້ນ ທີ່ດ້ານນອກຮ້ານ
ອາຫານແຫ່ງໜຶ່ງ ບໍລິເວນດ່ານຊາຍແດນວາກາ ໃກ້ເມືອງລາຮໍ ຂອງປາກີສະຖານ ເຊິ່ງເປັນດ່ານຊາຍແດນ
ສຳຄັນດ້ານຕິດກັບປະເທດອິນເດຍ ເມື່ອວັນອາທິດ 2 ພະຈິກທີ່ຜ່ານມາ ເປັນເຫດເຮັດໃຫ້ມີຜູ້ເສຍຊີວິດຢ່າງ
ໜ້ອຍ 50 ຄົນ ໃນຂະນະທີ່ມີຜູ້ໄດ້ຮັບບາດເຈັບເດຍລະດາດ 100 ຄົນ ໂດຍໃນຈຳນວນນີ້ ອາການສາຫັດກ່ວາ
15 ຄົນ.
ຈາກການສືບສວນເບື້ອງຕົ້ນຂອງເຈົ້າໜ້າທີ່ຄາດວ່າ ລະເບີດທີ່ໃຊ້ໃນການກໍ່ເຫດ ເປັນລະເບີດນ້ຳໜັກປະມານ
10-15 ກິໂລກຣາມ ແລະ ມືລະເບີດສາມາດຜ່ານດ່ານກວດຄົ້ນໄປໄດ້ເຖິງ 4 ຈຸດ, ສ່ວນຕົວຕົນຂອງມືລະເບີດນັ້ນ
ຄາດວ່າຈະເປັນຜູ້ຊາຍອາຍຸປະມານ 18-20 ປີ ເຊິ່ງມາຈາກກຸ່ມກໍ່ການຮ້າຍຕາລີບັນ ໃນປາກີສະຖານ.
