ສຳນັກຂ່າວຕ່າງປະເທດເປີດເຜີຍ ໃນວັນທີ 7 ພະຈິກນີ້ ເຖິງຊື່ຂອງຜູ້ສັງຫານ ໂອຊາມາ ບິນ ລາເດັນ ຫົວໜ້າໃຫຍ່ກຸ່ມ
ອັນເຄດາ ເມື່ອ 3 ປີກ່ອນ.
ລາຍງານຂ່າວໄດ້ລະບຸວ່າ ທ່ານ ຣັອບ ໂອນິວ ຄືທະຫານເຮືອທີ່ຢູ່ໃນທີມປະຕິບັດການພາກພື້ນດິນ, ອາກາດ, ທະເລ ຫລື
ນາວີ ຊິວ ຂອງສະຫະລັດ ແມ່ນເປັນຜູ້ຍິງສັງຫານ ໂອຊາມາ ບິນ ລາເດັນ ຫົວໜ້າໃຫຍ່ຂອງກຸ່ມກໍ່ການຮ້າຍ ອັນເຄດາ
ເມື່ອປີ 2011 ທີ່ຜ່ານມາ.
ຣັອບ ໂອນິວ ເປັນໜຶ່ງໃນສະມາຊິກຂອງໜ່ວຍສັງຫານດັ່ງກ່າວ ເຊິ່ງເຂົາໄດ້ເປັນຜູ້ຍິງ ບິນ ລາເດັນ 3 ນັດເຂົ້າທີ່ຫົວໂດຍ
ກົງ ໂດຍການເປີດເຜີຍຕົວຂອງເຂົາເອງນັ້ນ ເກີດຂຶ້ນພຽງມື້ດຽວ ຫລັງຈາກທີ່ກອງບັນຊາການໜ່ວຍບັນຊາການສົງ
ຄາມພິເສດທາງເຮືອ ຂອງສະຫະລັດອາເມຣິກາ ໄດ້ສົ່ງຈົດໝາຍເຕືອນໄປຍັງໜ່ວຍ ນາວີ ຊິວ ເຖິງເລື່ອງການຜິດສັນຍາ
ຮັກສາຄວາມລັບກ່ຽວກັບພາລະກິດຂອງເຂົາ.