ເສດຖີຊາວເກົາຫລີໃຕ້ ຊະນະປະມູນໝວກ ນະໂປລີອົງ ຊົງປາຍແຫລມອັນລືຊື່ ໃນລາຄາ 2.2 ລ້ານໂດລາ ໂດຍເຂົາ
ໄດ້ຍົກຍ້ອງໃຫ້ນະໂປລີອົງ ເປັນຜູ້ນຳທາງຈິດວິນຍານ ຂອງຜູ້ປະກອບການໃນຍຸກໃໝ່.
ທ່ານ ຄິມ ຮອງກຸກ ຜູ້ກໍ່ຕັ້ງ ແລະ ປະທານບໍລິສັດ ຮາຣິມ ກຣຸບ ເຊິ່ງເປັນກຸ່ມທຸລະກິດແປຮູບຊີ້ນໄກ່ລາຍໃຫຍ່ຂອງ
ເກົາຫລີໃຕ້ ອາຍຸ 57 ປີ ໄດ້ກ່າວໃນມື້ນີ້ (18 ພະຈິກ) ວ່າ ” ຂ້ອຍເຄົາລົບຢ່າງສູງຕໍ່ຈິດວິນຍານອັນບໍ່ຍອມແພ້ຂອງນະ
ໂປລີອົງ ຈັກກະພັດຜູ້ເລັ່ງເຫັນວ່າ ບໍ່ມີຫຍັງທີ່ຈະຢູ່ສູງເກີນເອື້ອມ! ”
ທ່ານ ຄິມ ໄດ້ຈົກເງິນສູງເຖິງ 2.2 ລ້ານໂດລາສະຫະລັດ ເພື່ອຊື້ໝວກຂົນສັດສີດຳດັ່ງກ່າວ ໃນງານປະມູນທີ່ນະຄອນ
ຫລວງປາຣີ ເມື່ອວັນອາທິດທີ 16 ພະຈິກທີ່ຜ່ານມາ ໂດຍເຂົາບອກວ່າ ເຂົາຈະນຳໝວກໜ່ວຍນີ້ ໄປຈັດສະແດງໃນ
ສະຖານທີ່ສາທາລະນະ ເພື່ອເປີດໂອກາດໃຫ້ປະຊາຊົນໄດ້ຮ່ວມຊຶມຊັບເຖິງ ຈິດວິນຍານແຫ່ງຄວາມທ້າທາຍ ແລະ
ການຜະຈົນໄພ.
ທັງນີ້ ໝວກປາຍແຫລມທີ່ເຮັດຈາກຂົນສັດສີດຳດັ່ງກ່າວ ຄືໜຶ່ງໃນໝວກພຽງ 19 ໜ່ວຍຂອງຈັກກະພັດນະໂປລີ
ອົງ ໂບນາປາກ ທີ່ຍັງເຫລືອຢູ່ເຖິງທຸກວັນນີ້.
