ວັດວັງຄຳ ຕັ້ງຢູ່ບ້ານນາວີ ຕາແສງສົງເປືອຍ ເມືອງເຂົາວົງ ແຂວງກາລະສິນ ຂອງປະເທດໄທ ເປັນວັດທີ່ສ້າງຂຶ້ນ
ໃນປີ ຄ.ສ 1996 ໂດຍຮູບຊົງຂອງອາຄານ ແລະ ບັນດາສະຖາປັດຕະຍະກຳຕ່າງໆນັ້ນ ແມ່ນໄດ້ຮັບແຮງບັນດານ
ໃຈມາຈາກສຸດຍອດສະຖາປັດຕະຍະກຳແບບລ້ານຊ້າງ ເຊິ່ງເປັນອານາຈັກທີ່ຈະເລີນຮຸ່ງເຮືອງ ກວາມເອົາອານາ
ເຂດສອງຟາກຝັ່ງແມ່ນ້ຳຂອງໃນເມື່ອກ່ອນ ໂດຍສະຖາປັດຕະຍະກຳທີ່ໂດດເດັ່ນນັ້ນ ແມ່ນສິມຂອງວັດທີ່ສ້າງ
ຂຶ້ນຕາມແບບສະບັບຂອງວັດຊຽງທອງ ເມືອງຫລວງພະບາງ ເຊິ່ງຖືໄດ້ວ່າເປັນສຸດຍອດແຫ່ງສະຖາປັດຕະຍະກຳ
ແບບລ້ານຊ້າງ ດ້ວຍຫລັງຄາມຸກ 3 ຊັ້ນ, ມີຍອດຊໍ່ຟ້າ 9 ຍອດ ຫລັງຄາແອ່ນໂຄ້ງຢ່າງສວຍສົດງົດງາມ.
ນອກຈາກອາຄານສິມຂອງວັດແລ້ວ ທາງວັດຍັງໄດ້ສ້າງກົມມະລຽນອ້ອມຮອບອີກ ໂດຍມີປະຕູເຂົ້າ – ອອກທັງ
4 ທິດ, ສ່ວນດ້ານໃນຂອງສິມ ແມ່ນຍັງກໍ່ສ້າງບໍ່ທັນສຳເລັດສົມບູນເທື່ອ ຄາດວ່າຈະໃຊ້ເວລາອີກໄລຍະໜຶ່ງໃນ
ການຕົບແຕ່ງອີກຕື່ມ ແຕ່ສຳລັບການກໍ່ສ້າງ ແລະ ຕົບແຕ່ງພາຍນອກນັ້ນ ແມ່ນມີສະພາບທີ່ງົດງາມ ເຊິ່ງດ້ານ
ຫລັງຂອງສິມ ກໍໄດ້ມີການແຕ້ມຮູບຕົ້ນໂພດ້ວຍກະຈົກສີ ແບບດຽວກັນກັບວັດຊຽງທອງຂອງຫລວງພະບາງອີກ
ດ້ວຍ.
ນອກຈາກນັ້ນ, ພາຍໃນວັດດັ່ງກ່າວນີ້ ຍັງປະດິດສະຖານພະພຸດທະຮູບແບບສີລະປະລ້ານຊ້າງ ເຊິ່ງຊາວພູໄທທີ່ອາ
ໄສຢູ່ໃນພື້ນທີ່ດັ່ງກ່າວເອີ້ນວ່າ ” ຫລວງປູ່ວັງຄຳ ” ຢູ່ໃນຫໍສາລາຫລັງໃໝ່ຂອງວັດ ເຊິ່ງເປັນສະຖານທີ່ທ່ອງທ່ຽວທີ່
ສຳຄັນຂອງແຂວງກາລະສິນ ຖິ່ນເຜົ່າພູໄທອີກແຫ່ງໜຶ່ງ ຂອງຣາຊະອານາຈັກໄທ ປະເທດເພື່ອນບ້ານຂອງ ສປປ
ລາວ ຂອງພວກເຮົາໃນໄລຍະນີ້.
ພາບ ແລະ ຂໍ້ມູນຈາກ: www.sadoodta.com