ສຳນັກຂ່າວຕ່າງປະເທດ ລາຍງານໃນວັນທີ 26 ພະຈິກນີ້ວ່າ ທ່ານ ດາເຣນ ວິນສັນ ຕຳຫລວດຜິວຂາວຊາວເມືອງ
ເຟີກູສັນ ໄດ້ໃຫ້ສຳພາດຜ່ານສື່ມວນຊົນເປັນຄັ້ງທຳອິດ ຕັ້ງແຕ່ເຫດຍິງ ທ້າວ ໄມເຄິນ ບຣາວ ໄວໜຸ່ມຜິວດຳເສຍ
ຊີວິດໃນວັນທີ 9 ສິງຫາ 2014 ຜ່ານມານີ້ວ່າ ເຮັດໄປໃນຂະນະທີ່ມີສະຕິຄົບຖ້ວນ ແລະ ຢືນຢັນວ່າ ຈະເຮັດໃນສິ່ງດັ່ງ
ກ່າວນີ້ ຫາກເກີດເຫດການເຊັ່ນນີ້ເກີດຂຶ້ນອີກ.
ທ່ານ ວິນສັນ ໄດ້ໃຫ້ສຳພາດກັບສະຖານີໂທລະພາບເອບີຊີນິວສ໌ ເຊິ່ງເຜີຍແຜ່ຫລັງຈາກທີ່ຄະນະລູກຂຸນໃຫຍ່ຂອງ
ລັດມິສຊູຣີ ໄດ້ຕັດສິນບໍ່ສັ່ງຟ້ອງເຂົາໃນຄະດີ ບຣາວ ຖືກຍິງເສຍຊີວິດວ່າ ເວລານັ້ນເຂົາເອງຮູ້ສຶກຊີວິດຕົກຢູ່ໃນ
ອັນຕະລາຍ ຈິ່ງໄດ້ຕັດສິນໃຈຈົກປືນອອກມາຍິງ ເຊິ່ງເປັນການໃຊ້ປືນໃນໜ້າທີ່ຄັ້ງທຳອິດ ນັບຕັ້ງແຕ່ປະຕິບັດ
ໜ້າທີ່ໃນເຂດເມືອງເຟີກູສັນ ຊານເມືອງເຊັ້ນຫລຸຍ.
ເຂົາເຮັດໄປໃນຂະນະທີ່ມີສະຕິສຳປະຊັນຍະ ເພາະໄດ້ຮູ້ດີວ່າເປັນການປະຕິບັດຕາມໜ້າທີ່ ແລະ ບໍ່ຄິດວ່າເຫດການ
ດັ່ງກ່າວນີ້ຈະຕາມມາຫລອກຫລອນຈິດໃຈຂອງເຂົາ ເພາະເລື່ອງແບບນີ້ຈະຕ້ອງເກີດຂຶ້ນສະເໝີ ແລະ ເມື່ອຖືກ
ຖາມວ່າ ເຫດການດັ່ງກ່າວຈະຈົບລົງແບບນີ້ ຫລື ບໍ່ ຫາກ ທ້າວ ບຣາວ ເປັນຄົນຜິວຂາວ? ທ່ານ ວິນສັນ ກໍໄດ້ຢືນ
ຢັນວ່າ ເລື່ອງຈະຕ້ອງຈົບລົງແບບນີ້ຢ່າງແນ່ນອນ ແລະ ເຂົາຍັງໄດ້ກ່າວອີກວ່າ ທ້າວ ບຣາວ ເປັນຄົນໂຕໃຫຍ່ ພາ
ລະກຳລັງມະຫາສານ ພໍປານກັບນັກມວຍປ້ຳຊື່ດັງ ແລ່ນມຸ່ງໜ້າເຂົ້າມາຫາເຂົາ ແລະ ຫວັງຈະຂ້າເຂົາ.