ໂຈນສະລັດດັກປຸ້ນເຮືອຂົນຢາງໝາກຕອຍຂອງຫວຽດນາມ ສັງຫານລູກເຮືອ 1 ຄົນ ເສຍຊີວິດໃນຮອບ 2 ປີໃນນ່ານນ້ຳ
ມາເລເຊຍ.
ສຳນັກຂ່າວຕ່າງປະເທດລາຍງານ ໃນວັນທີ 9 ທັນວານີ້ວ່າ ໄດ້ເກີດເຫດໂຈນສະລັດດັກປຸ້ນເຮືອບັນທຸກຢາງໝາກຕອຍ
ຂອງຫວຽດນາມ ຢູ່ໃກ້ກັບເກາະເອີຣ໌ ນອກຊາຍຝັ່ງລັດຍະໂຮ ພາກຕາເວັນຕົກຂອງມາເລເຊຍ ໃນຕອນກາງຄືນຂອງມື້
ວັນທີ 7 ທັນວາຜ່ານມາ ແລະ ໄດ້ຍິງລູກເຮືອເສຍຊີວິດ 1 ຄົນ ກ່ອນຈະຫລົບໜີໄປພ້ອມກັບຊັບສິນຂອງລູກເຮືອທັງໝົດ
16 ຄົນ.
ເຫດການດັ່ງກ່າວ ເກີດຂຶ້ນໃນຂະນະທີ່ເຮືອບັນທຸກຢາງໝາກຕອຍ ກຳລັງເດີນທາງຈາກສິງກະໂປໄປປະເທດຫວຽດນາມ
ເຊິ່ງຖືເປັນເຫດໂຈນສະລັດຂ້າຄົນຕາຍ ຄັ້ງທຳອິດໃນນ່ານນ້ຳມາເລເຊຍ ໃນຮອບເກືອບ 2 ປີ ເຖິງແມ່ນຈະມີເຫດໂຈນສະ
ລັດປຸ້ນເຮືອໃນເຂດນ່ານນ້ຳອາຊີຕາເວັນອອກສຽງໃຕ້ຢູ່ເລື້ອຍໆກໍຕາມ.