ເຈົ້າໜ້າທີ່ລະດັບລັດຖະມົນຕີຂອງປາເລດຕິນ ເສຍຊີວິດຈາກການສູດດົມແກັສນ້ຳຕາຫລາຍເກີນໄປ ໃນການປະທະກັນ
ລະຫວ່າງຜູ້ປະທ້ວງຊາວປາເລດຕິນ ກັບທະຫານອິດສະລາແອນ ໃນມື້ວານນີ້ (10 ທັນວາ).
ສຳນັກຂ່າວຕ່າງປະເທດລາຍງານວ່າ ທ່ານ ຊີອັດ ອາບູ ໄອ ເຈົ້າໜ້າທີ່ອາວຸໂສລະດັບລັດຖະມົນຕີຂອງປາເລດຕິນ ແລະ ທັງ
ເປັນປະທານຄະນະກຳມະການຕໍ່ຕ້ານ ການສ້າງກຳແພງ ແລະ ຊຸມຊົນຊາວຢິວ ໄດ້ເສຍຊີວິດແລ້ວຢູ່ໂຮງໝໍໃນນະຄອນຣາ
ມັນເລາະ ເມື່ອວັນພຸດທີ 10 ທັນວາຜ່ານມາ ຈາກການສູດດົມເອົາແກັສນ້ຳຕາເຂົ້າໄປເປັນຈຳນວນຫລາຍ ໃນລະຫວ່າງທີ່ປະ
ທະກັບທະຫານອິດສະລາແອນ ພ້ອມກັບຜູ້ຊຸມນຸມໃນເຂດເວສຕ໌ແບັງ ເຊິ່ງອອກມາຕໍ່ຕ້ານການສ້າງກຳແພງໃກ້ກັບບ້ານ
ຕູມູໄຊຍາ ທາງຕາເວັນອອກສຽງເໜືອຂອງນະຄອນຫລວງຣາມັນເລາະ.
ລາຍງານຂ່າວຍັງລະບຸວ່າ ນອກຈາກເຂົາຈະສູດດົມເອົາແກັສນ້ຳຕາເຂົ້າໄປຫລາຍແລ້ວ ເຂົາຍັງຖືກທະຫານອິດສະລາແອນ
ທຳຮ້າຍບໍລິເວນໜ້າເອິກ ໃນຂະນະທີ່ພະຍານເຫັນເຫດການຫລາຍຄົນ ລວມເຖິງນັກຂ່າວຊາວອິດສະລາແອນເອງ ແລະ
ຊ່າງພາບຂອງສຳນັກຂ່າວຣອຍເຕີ ກໍໄດ້ລາຍງານພ້ອມພຽງກັນວ່າ ທ່ານ ອາບູ ໄອ ຖືກທະຫານອິດສະລາແອນທຳຮ້າຍໃນ
ລະຫວ່າງການປະທ້ວງ.
ດ້ານ ທ່ານ ມູນມູດ ອັບບາສ ປະທານາທິບໍດີແຫ່ງປາເລດຕິນ ໄດ້ອອກມາປະນາມຜູ້ທີ່ຕ້ອງຮັບຜິດຊອບຕໍ່ການສູນເສຍ
ຂອງ ທ່ານ ອາບູ ໄອ ຢ່າງຮີບດ່ວນ ເພາະຈະບໍ່ທົນຕໍ່ພຶດຕິກຳປ່າເຖື່ອນເຊັ່ນນີ້ອີກ ແລະ ຈະໃຊ້ທຸກຂັ້ນຕອນທີ່ຈຳເປັນ ຫລັງ
ຈາກສືບສວນເລື່ອງການຕາຍຂອງ ອາບູ ໄອ ກະຈ່າງແຈ້ງແລ້ວ.