ສຳນັກຂ່າວຕ່າງປະເທດ ລາຍງານໃນມື້ນີ້ (15 ທັນວາ) ວ່າ ເກີດເຫດເຮືອໂດຍສານລຳໜຶ່ງອັບປາງກາງທະເລສາບ
ທັງການີກາ ສາທາລະນະລັດປະຊາທິປະໄຕຄອງໂກ ມ່ີຜູ້ສູນຫາຍຫລາຍກ່ວາ 200 ຄົນ.
ແຫລ່ງຂ່າວໄດ້ລາຍງານວ່າ ມີຜູ້ເສຍຊີວິດແລ້ວຢ່າງໜ້ອຍ 26 ຄົນ ຈາກອຸບັດເຫດດັ່ງກ່າວນີ້ ໃນຂະນະທີ່ທາງການ
ສາມາດຊ່ວຍຜູ້ລອດຊີວິດໄດ້ ລະຫວ່າງ 221 – 230 ຄົນ ຈາກເຫດເຮືອໂດຍສານຫລົ້ມໃນທະເລສາບດັ່ງກ່າວ ໃນບໍລິ
ເວນນອກຊາຍຝັ່ງຂອງບ້ານເທມເວ ຢູ່ຫ່າງຈາກເມືອງຄາເລມີ ໄປທາງທິດໃຕ້ປະມານ 90 ກິໂລແມັດ.
ຢ່າງໃດກໍຕາມ ຈົນເຖິງຂະນະນີ້ກໍຍັງບໍ່ເປັນທີ່ຊັດເຈນວ່າ ມີຜູ້ຄົນຫລາຍ ຫລື ໜ້ອຍພຽງໃດທີ່ໂດຍສານໄປກັບເຮືອ
ລຳດັ່ງກ່າວ ເຊິ່ງເປັນເຮືອທີ່ແລ່ນໃຫ້ໂດຍສານຜູ້ຄົນລະຫວ່າງແຂວງຄາຕັງກາ ແລະ ແຂວງຄິວູໃຕ້ ທາງຕາເວັນອອກ
ຂອງປະເທດສາທາລະນະລັດປະຊາທິປະໄຕຄອງໂກ.
