ຣັດເຊຍປະກາດຈັບມືເບລາຣຸດ, ຄາຊັກສະຖານ, ອາກເມນີ ແລະ ຄີກິດສະຖານ ຈັດຕັ້ງກຸ່ມຄວາມຮ່ວມມື ສະຫະພາບ

ເສດຖະກິດຢູເຣເຊຍ ຂຶ້ນເພື່ອສົ່ງເສີມຄວາມຮ່ວມມືທາງເສດຖະກິດ.

ສຳນັກຂ່າວຕ່າງປະເທດ ລາຍງານ ໃນວັນທີ 25 ທັນວາຜ່ານມານີ້ວ່າ ປະທານາທິບໍດີ ປູຕິນ ແຫ່ງຣັດເຊຍ ໄດ້ບັນລຸຂໍ້ຕົກ

ລົງຄັ້ງປະຫວັດສາດ ຮ່ວມກັບຜູ້ນຳຂອງອີກ 4 ປະເທດ ທີ່ເຄີຍເປັນອະດີດສະຫະພາບໂຊຫວຽດ ຈັດຕັ້ງກັນເປັນສະຫະ

ພາບເສດຖະກິດຢູເຣເຊຍ (Eurasian Economic Union : EEU) ເຊິ່ງຈະມີຜົນຢ່າງເປັນທາງການ ນັບຕັ້ງແຕ່ວັນ

ທີ 1 ມັງກອນ 2015​ ເປັນຕົ້ນໄປ ເພື່ອສົ່ງເສີມການຄ້າເສລີ ແລະ ສ້າງລະບົບການເງິນ ທີ່ເປັນອັນໜຶ່ງອັນດຽວກັນ ຕະ

ຫລອດຮອດພັດທະນາເຄືອຂ່າຍເສັ້ນທາງຄົມມະນາຄົມ, ນະໂຍບາຍດ້ານກະສິກຳ ແລະ ແຮງງານຂອງປະເທດສະມາຊິກ.

ທັງນີ້ ລາຍງານຍັງລະບຸອີກວ່າ ສະຫະພາບເສດຖະກິດຢູເຣເຊຍ ຈະມີການຈັດຕັ້ງ ທະນາຄານເພື່ອການພັດທະນາ ເປັນ

ຂອງຕົນເອງຂຶ້ນ ທີ່ນະຄອນອັນມາຕີ ຂອງຄາຊັກສະຖານ ເພື່ອເປັນກົນໄກສຳຄັນໃນການສ້າງຄວາມຮ່ວມມືທາງດ້ານ

ການເງິນ ໂດຍບໍ່ຈຳເປັນຈະຕ້ອງເພິ່ງພາ ຄວາມຊ່ວຍເຫລືອຈາກທະນາຄານໂລກ ແລະ ກອງທຶນການເງິນລະຫວ່າງປະ

ເທດ ທີ່ເປັນສະຖາບັນການເງິນທີ່ຕົກຢູ່ໃນການຄວບຄຸມຂອງສະຫະລັດ ແລະ ໂລກຕາເວັນຕົກ.