ເຮືອບິນແອຣ໌ ເອເຊຍ ຖ້ຽວບິນ Z2272 ມະນິລາ – ຄາລິໂບ ໄຫລອອກນອກຣັນເວຢູ່ຟິລິບປິນ ໂຊກດີບໍ່ມີຜູ້ໄດ້ຮັບບາດ
ເຈັບ ຄາດອາດຍ້ອນສະພາບອາກາດບໍ່ດີ.
ມື້ວານນີ້ (30 ທັນວາ) ສຳນັກຂ່າວຕ່າງປະເທດລາຍງານວ່າ ໃນເວລາ 17:00 ໂມງ ຕາມເວລາໃນທ້ອງຖິ່ນ ໄດ້ເກີດເຫດ
ເຮືອບິນຂອງສາຍການບິນແອຣ໌ ເອເຊຍ ຖ້ຽວບິນທີ Z2272 ທີ່ບິນຈາກມະນິລາ ໄປຍັງເມືອງຄາລິໂບ ເກີດມື່ນໄຫລອອກ
ນອກຣັນເວ ຢູ່ສະໜາມບິນຄາລິໂບ ປະເທດຟິລິບປິນ ໂດຍບໍ່ມີໃຜໄດ້ຮັບບາດເຈັບ, ໂດຍເຮືອບິນດັ່ງກ່າວໄດ້ບັນທຸກຜູ້
ໂດຍສານ 153 ຄົນ ເຮັດໃຫ້ກູ້ໄພສະໜາມບິນ ຕ້ອງໄດ້ມີການອົບພະຍົບຜູ້ຄົນລົງຈາກເຮືອບິນແບບສຸກເສີນ.
ແນວໃດກໍຕາມ ທາງພະນັກງານແອຣ໌ ເອເຊຍ ຟິລິບປິນ ໄດ້ນຳຜູ້ໂດຍສານທັງໝົດ ເຂົ້າພັກທີ່ໂຮງແຮມຢ່າງປອດໄພ
ໂດຍບໍ່ມີເຫດຮ້າຍອັນໃດເກີດຂຶ້ນ.
