ແມ່ຕູ້ນັກທ່ອງທ່ຽວຊາວຈີນ ໝໍບຳນານສະແດງຈັນຍາບັນແພດ ຊ່ວຍຮັກສາສະຈ໊ວດຊາວໄທ ທີ່ເຈັບທ້ອງໜັກກະ
ທັນຫັນ ລະຫວ່າງທຳການບິນ.
ສຳນັກຂ່າວຕ່າງປະເທດ ລາຍງານໃນມື້ນີ້ (31 ທັນວາ) ວ່າ ເກີດເຫດຂັດຂ້ອງໃນຖ້ຽວບິນຂອງສາຍການບິນໂອຣຽນ
ໄທ ແອຣ໌ລາຍ ຖ້ຽວບິນ OX619 ເຊິ່ງທຳການບິນລະຫວ່າງແຂວງກວາງຊີ ສປ ຈີນ ກັບຄືນມາບາງກອກ ປະເທດໄທ
ເມື່ອທ້າຍອາທິດກ່ອນ ເນື່ອງຈາກໜຸ່ມສະຈ໊ວດໄທລາຍໜຶ່ງ ເກີດເຈັບທ້ອງກະທັນຫັນຂຶ້ນ ຈົນຕ້ອງລົງໄປນອນຈົມ
ຢູ່ກັບພື້ນທາງຍ່າງໃນເຮືອບິນ, ສຸດທ້າຍ ມີແມ່ຕູ້ຊາວຈີນຄົນໜຶ່ງ ສະແດງຕົວເປັນໝໍທີ່ເຂົ້າຮັບບຳນານແລ້ວຈາກ
ເມືອງຫລິວໂຈວ ເຂົ້າມາຊ່ວຍເຫລືອຈັບຊີບພະຈອນ, ຈາກນັ້ນແມ່ຕູ້ກໍຄວັກເອົາຂີ້ເຜິ້ງທີ່ເອົາມານຳ ຊ່ວຍນວດຄົນ
ເຈັບ ຈົນສຸດທ້າຍອາການຂອງຜູ້ກ່ຽວກໍດີຂຶ້ນ.
ລາຍງານຂ່າວຍັງລະບຸວ່າ ຫລັງເຫດການດັ່ງກ່າວ ຫົວໜ້າຂອງພະນັກງານຕ້ອນຮັບ ກໍອອກມາສະແດງຄວາມຂອບ
ໃຈແມ່ຕູ້ດັ່ງກ່າວຜ່ານສື່ຂອງໄທ ແລະ ຊື່ນຊົມວ່າ ນັກທ່ອງທ່ຽວຈີນສ່ວນໃຫຍ່ ມີຈິດໃຈທີ່ໜ້າສັນລະເສີນ.
