ອຸທາຫອນສອນຄົນມັກຫລິ້ນເກມຄອມພິວເຕີ້ ເມື່ອໜຸ່ມໄຕ້ຫວັນນັ່ງຫລິ້ນເກມຂ້າມມື້ຂ້າມຄືນ ຈົນນ໊ອກຄາໂຕະ ກາຍເປັນສົບຄາຮ້ານອິນເຕີເນັດ.
ສຳນັກຂ່າວຕ່າງປະເທດ ລາຍງານໃນວັນທີ 18 ມັງກອນຜ່ານມານີ້ວ່າ ມີຊາວໄຕ້ຫວັນຄົນໜຶ່ງ ອາຍຸ 32 ປີ ເສຍຊີວິດພາຍໃນຮ້ານອິນເຕີເນັດຄາເຟ່ໃນເມືອງເກົາສຸງ ຢູ່ເຂດພາກໃຕ້ຂອງໄຕ້ຫວັນ ຫລັງຈາກທີ່ນັ່ງຫລິ້ນເກມຄອມພິວເຕີ້ຕິດຕໍ່ກັນ ເປັນເວລາກ່ວາ 72 ຊົ່ວໂມງ ຫລື 3 ມື້ ທາງຄົນເຝົ້າຮ້ານພົບເຫັນຜູ້ກ່ຽວນັ່ງຢູ່ຕັ່ງແບບບໍ່ມີການເໜັງຕີງ ຈີ່ງຟ້າວໄປກວດສອບ ແລະ ພົບວ່າເຂົາໄດ້ຢຸດຫາຍໃຈແລ້ວ ຈິ່ງຟ້າວນຳຕົວສົ່ງໂຮງໝໍ ໂດຍແພດໄດ້ລະບຸວ່າ ເຂົາໄດ້ເສຍຊີວິດຈາກອາການຫົວໃຈວາຍ ຍ້ອນນັ່ງຫລິ້ນເກມເປັນເວລາດົນຕິດຕໍ່ກັນ.