ກອງທຶນການເງິນລະຫວ່າງປະເທດ ດັດປັບຄາດໝາຍການເຕີບໂຕເສດຖະກິດຂອງໂລກ ໃນປີ 2015 – 2016 ຫລຸດລົງ 0.3% ຈາກຄາດໝາຍທີ່ກະໄວ້ກ່ອນໜ້ານີ້.
ສຳນັກຂ່າວຕ່າງປະເທດ ລາຍງານໃນວັນທີ 20 ມັງກອນຜ່ານມານີ້ວ່າ ເສດຖະກິດຂອງໂລກຈະເຕີບໂຕຂຶ້ນ 3.5% ໃນປີ 2015 ນີ້ ແລະ ໃນປີ 2016 ຈະເຕີບໂຕຂຶ້ນປະມານ 3.7% ເຊິ່ງຕົວເລກດັ່ງກ່າວ ແມ່ນເປັນການຄາດຄະເນລ່າສຸດ ຈາກລາຍງານຂອງກອງທຶນການເງິນລະຫວ່າງປະເທດ ເຊິ່ງເມື່ອທຽບກັບຕົວເລກທີ່ IMF ໄດ້ຄາດກະໄວ້ເມື່ອເດືອນຕຸລາປີກາຍນີ້ນັ້ນ ແມ່ນຕົວເລກຂອງທັງສອງປີດັ່ງກ່າວ ຫລຸດລົງຈາກເດີມ 0.3%