ທາງການອົດສະຕາລີ ປະກາດຍົກລະດັບເຕືອນໄພການກໍ່ການຮ້າຍ ໂດຍອ້າງຄົນຮ້າຍໄດ້ແນໃສ່ທຳຮ້າຍເຈົ້າໜ້າທີ່ຕຳຫລວດ ຫລັງຈາກທີ່ໄດ້ຮັບຂໍ້ມູນຈາກການສືບຂ່າວ.
ສຳນັກຂ່າວຕ່າງປະເທດ ລາຍງານໃນວັນທີ 21 ມັງກອນນີ້ວ່າ ຕຳຫລວດລັດຖະບານກາງອົດສະຕາລີ ໄດ້ອອກຖະແຫລງການ ຈາກການສຶກສາຂໍ້ມູນຂອງໜ່ວຍສືບຂ່າວພາຍໃນ ແລະ ການຫາລືກັບຕຳຫລວດສາກົນ ລວມເຖິງສະພາບການເກີດເຫດຄວາມຮຸນແຮງ ຈາກການກໍ່ການຮ້າຍໃນເອີລົບ ແລະ ການາດາ ໄດ້ເຮັດໃຫ້ອົດສະຕາລີ ຈຳເປັນຕ້ອງໄດ້ຍົກລະດັບໄພຄຸກຄາມການກໍ່ການຮ້າຍ ໂດຍອ້າງວ່າກຸ່ມຫົວຮຸນແຮງໄດ້ມຸ່ງເປົ້າທີ່ຈະໂຈມຕີເຈົ້າໜ້າທີ່ຕຳຫລວດ.