ກະສັດ ອັບດຸນເລາະ ບິນ ອັບດຸນອາຊິດ ແຫ່ງຊາອຸດິອາຣະເບຍ ໄດ້ສິ້ນພະຊົນແລ້ວ ລວມພະຊົນມາຍຸໄດ້ 90 ພັນສາ.
ສຳນັກຂ່າວຕ່າງປະເທດ ລາຍງານໃນວັນທີ 23 ມັງກອນນີ້ວ່າ ກະສັດອັບດຸນເລາະ ບິນ ອັບດຸນອາຊິດ ແຫ່ງຊາອຸດິອາຣະເບຍ ໄດ້ສະເດັດສະຫວັນນະຄົດແລ້ວ ທີ່ໂຮງໝໍເມື່ອເມວລາ 01:00 ທີ່ຜ່ານມາ ຕາມເວລາໃນທ້ອງຖິ່ນ ລວມພະຊົນມາຍຸໄດ້ 90 ພັນສາ ຫລັງຈາກເຂົ້າຮັບການປິ່ນປົວທີ່ໂຮງໝໍເປັນເວລາຫລາຍອາທິດ ເນື່ອງຈາກອາການປອດຕິດເຊື້ອ.
ກະສັດອັບດຸນເລາະ ຂຶ້ນຄອງລາຊາສົມບັດ ນັບຕັ້ງແຕ່ປີ 2006 ໂດຍໃນໄລຍະບໍ່ເທົ່າໃດປີມານີ້ ພະອົງໄດ້ຊົງປະຊວນຫລາຍຄັ້ງ ເຊິ່ງໃນຖະແຫລງການການສິ້ນພະຊົນ ຍັງໄດ້ລະບຸອີກວ່າ ອົງມຸງກຸດລາຊະກຸມມານ ຊັນມານ ບິນ ອັບດຸນລາຊິດ ອັນ ຊາອຸດ ເຊິ່ງມີພະຊົນມາຍຸ 79 ພັນສາ ຈະສະເດັດຂຶ້ນຄອງລາຊະສົມບັດແທນຕໍ່ຈາກພະອົງ.