ກອງທັບອິນໂດເນເຊຍ ສັ່ງຍົກເລີກປະຕິບັດການຄົ້ນຫາ ແລະ ກູ້ໄພທັງໝົດ ຫລັງນັກດຳນ້ຳບໍ່ພົບສົບເພີ່ມ ແລະ ເຈັບເປັນຫລາຍຄົນ.
ສຳນັກຂ່າວຕ່າງປະເທດ ລາຍງານໃນວັນທີ 28 ມັງກອນນີ້ວ່າ ພົນຕີ ວິໂດໂດ້ ຜູ້ບັງຄັບການກອງເຮືອຕາເວັນຕົກ ຂອງກອງທັບເຮືອອິນໂດເນເຊຍ ໄດ້ເປີດເຜີຍວ່າ ໄດ້ສັ່ງໃຫ້ເຈົ້າໜ້າທີ່ຍົກເລີກປະຕິບັດການຄົ້ນຫາ ແລະ ກູ້ໄພທັງໝົດ ໂດຍຕ້ອງຖອນກຳລັງເຈົ້າໜ້າທີ່ ແລະ ອຸປະກອນອອກຈາກພື້ນທີ່ ເພື່ອກັບໄປຖານທີ່ຕັ້ງ ແລະ ລໍຖ້າຮັບຄຳສັ່ງຕໍ່ໄປ ພ້ອມລະບຸວ່າ ຊາກລຳຕົວຂອງເຮືອບິນ ຈະບໍ່ມີສ່ວນກ່ຽວຂ້ອງກັບການສອບສວນແລ້ວ ເນື່ອງຈາກມີລາຍງານຈາກນັກມຸດນ້ຳທີ່ລົງຄົ້ນຫາວ່າ ບໍ່ພົບສົບພາຍໃນຊາກເຮືອບິນດັ່ງກ່າວອີກ ແລະ ນັກມຸດນ້ຳຫລາຍຄົນ ກໍມີອາການເຈັບເປັນຫລາຍຄົນ ໂດຍຈຳເປັນຈະຕ້ອງໄດ້ຍົກເລີກການກູ້ຊາກເຮືອບິນລຳດັ່ງກ່າວ.