ລັດຖະບານສິ່ງກະໂປ ຈະຕັ້ງສຳນັກງານຄວາມປອດໄພທາງອິນເຕີເນັດ ໃນວັນທີ 1 ເມສານີ້ ຍ້ອນທົ່ວໂລກຖືກແຮັກເກີ້ໂຈມຕີເຈາະຂໍ້ມູນ ທັງພາກລັດ ແລະ ເອກະຊົນ.
ສຳນັກຂ່າວຕ່າງປະເທດ ລາຍງານໃນວັນທີ 28 ມັງກອນນີ້ວ່າ ສຳນັກນາຍົກລັດຖະມົນຕີສິງກະໂປໄດ້ຖະແຫລງວ່າ ສຳນັກງານຄວາມປອດໄພທາງອິນເຕີເນັດ ຈະເປັນໜ່ວຍງານຫລັກໃນການຮັກສາຄວາມປອດໄພລະດັບຊາດ ໂດຍຈະປະສານງານກັບພາກເອກະຊົນຢ່າງໃກ້ຊິດ ເພື່ອກຳນົດຍຸດທະສາດ ແລະ ນະໂຍບາຍໃນການດຳເນີນງານ ພັດທະນາດ້ານຄວາມປອດໄພທາງອິນເຕີເນັດ ໂດຍມີທ່ານ ຢາຄອບ ອິບຣາຮິມ ລັດຖະມົນຕີຄົມມະນາຄົມ ແລະ ການສື່ສານ ເປັນຜູ້ດູແລກຳກັບສຳນັກງານນີ້ໂດຍກົງ.
ທັງນີ້ ຄວາມພະຍາຍາມດັ່ງກ່າວ ໄດ້ມີຂຶ້ນຫລັງທົ່ວໂລກຕ້ອງຕົກຢູ່ໃນຄວາມສ່ຽງ ຈາກການໂຈມຕີຂອງແຮັກເກີ້ ທີ່ທຳການເຈາະຂໍ້ມູນເວັບໄຊ້ຂອງລັດຖະບານ ແລະ ພາກເອກະຊົນຢ່າງຕໍ່ເນື່ອງ.