ຊະຕາກຳ 2 ຕົວປະກັນທີ່ຖືກກຸ່ມລັດອິດສະລາມ ຫລື IS ຈັບເປັນຕົວປະກັນ ແຂວນຢູ່ເທິງເສັ້ນດ້າຍໃນຂະນະນີ້ ເມື່ອເສັ້ນຕາຍຫຍັບເຂົ້າທຸກຂະນະ ດ້ານຈໍແດນກຽມປ່ອຍຕົວນັກໂທດ ຕາມຂໍ້ສະເໜີຂອງ IS ແລ້ວ.
ສຳນັກຂ່າວຕ່າງປະເທດ ລາຍງານໃນວັນທີ 28 ມັງກອນຜ່ານມານີ້ວ່າ ທາງການຈໍແດນ ກຽມປ່ອຍຕົວນັກໂທດຍິງ ນາງ ຊາຈິດາ ອັນ-ຣິດໄວ ເພື່ອແລກກັບຕົວປະກັນຈໍແດນ ທ່ານ ໂມອັດ ອັນ ຊັດຊາດເບ ນັກບິນນັກບິນກອງທັບຈໍແດນ ທີ່ກຸ່ມ IS ຄວບຄຸມຕົວ ແລະ ຂູ່ຈະປະຫານຊີວິດໃນມື້ນີ້ (29 ມັງກອນ), ແນວໃດກໍຕາມ ລາຍງານຂ່າວ ບໍ່ໄດ້ກ່າວເຖິງການແລກຕົວປະກັນ ເພື່ອຊ່ວຍທ້າວ ເຄັນຈິ ໂກໂຕະ ຕາມການຮຽກຮ້ອງຂອງຍີ່ປຸ່ນແຕ່ປະການໃດ.