ຈີນ-ມຽນມ້າ ເປີດທໍ່ສົ່ງນ້ຳມັນດິບຈາກມຽນມ້າໄປຍັງຈີນແລ້ວ ຫລັງທັງສອງຝ່າຍດຳເນີນການກໍ່ສ້າງມາດົນກ່ວາ 5 ປີ.
ສຳນັກຂ່າວຕ່າງປະເທດ ລາຍງານວ່າ ໃນວັນພຸດທີ 25 ມັງກອນຜ່ານມານີ້ ທ່ານ ຍານ ຕຸນ ຮອງປະທານາທິບໍດີມຽນມ້າ ແລະ ທ່ານ ຫລຽວ ຢົງຢວ່ນ ຜູ້ຈັດການທົ່ວໄປຂອງບໍລິສັດ CNPC ຂອງຈີນ ໄດ້ເຂົ້າຮ່ວມໃນພິທີເປີດນຳໃຊ້ໂຄງການທໍ່ສົ່ງນ້ຳມັນດິບຈີນ – ມຽນມ້າ ທີ່ນະຄອນຫລວງຢາງກຸ້ງ ຫລັງຈາກທີ່ໄດ້ລົງມືກໍ່ສ້າງມາຕັ້ງແຕ່ເດືອນມິຖຸນາ ປີ 2010 ແລະ ສຳເລັດລົງໃນທ້າຍເດືອນພຶດສະພາປີ 2014 ທີ່ຜ່ານມາ.
ໂຄງການທໍ່ສົ່ງນ້ຳມັນຈີນ-ມຽນມ້າ ມີຄວາມຍາວຂອງທໍ່ສົ່ງນ້ຳມັນເຖິງ 771 ກິໂລແມັດ ໂດຍເຊື່ອມຕໍ່ຜູ້ຊື້ນ້ຳມັນລາຍໃຫຍ່ຂອງໂລກ ກັບທ່າເຮືອນ້ຳເລິກທາງພາກຕາເວັນຕົກຂອງມຽນມ້າ ເຊິ່ງຈະຊ່ວຍເຮັດໃຫ້ຈີນຫລຸດຜ່ອນການເພິ່ງພານ້ຳມັນ ທີ່ຂົນຜ່ານທາງທະເມຜ່ານຊ່ອງແຄບມະລະກາ.