ຈີນເປີດໃບໜ້າໃໝ່ແຫ່ງຍຸກອະນຸຮັກສິ່ງແວດລ້ອມ ສ້າງທາງຫລວງອະນຸຮັກສິ່ງແວດລ້ອມແຫ່ງທຳອິດ ເປີດໃຫ້ລົດແລ່ນແລ້ວ.
ສຳນັກຂ່າວຕ່າງປະເທດ ລາຍງານໃນວັນທີ 23 ກຸມພາຜ່ານມານີ້ວ່າ ທາງການຈີນໄດ້ສຳເລັດການກໍ່ສ້າງ ເສັ້ນທາງຫລວງອະນຸຮັກສິ່ງແວດລ້ອມ ສາຍທຳອິດຂອງປະເທດຈີນ ໃນເມືອງຊິງຊັນ ແຂວງຫູເປີ່ຍ ໂດຍໄດ້ເປີດໃຫ້ຍານພາຫະນະຕ່າງໆ ນຳໃຊ້ຢ່າງເປັນທາງການແລ້ວໃນຕົ້ນປີ 2015 ນີ້ ເຊິ່ງມີຄວາມຍາວທັງໝົດ 10.5 ກິໂລແມັດ ນຳໃຊ້ງົບປະມານກໍ່ສ້າງທັງໝົດ 440 ລ້ານຢວນ ໂດຍແນວຄວາມຄິດຂອງການສ້າງເສັ້ນທາງດັ່ງກ່າວນີ້ ແມ່ນຫລີກລ່ຽງການທຳລາຍປ່າໄມ້, ການເຈາະພູເຂົາ ແລະ ປົກປ້ອງລະບົບນິເວດວິທະຍາຂອງພື້ນທີ່ຕະຫລອດເສັ້ນທາງ.
