ອົດ​ສະ​ຕາ​ລີ​ລະ​ບຸ ເຖິງ​ຄວາມ​ເປັນ​ໄປ​ໄດ້​ທີ່​ຈະ​ຢຸດ​ການ​ຄົ້ນ​ຫາ ຖ້ຽວ​ບິນ MH370 ທີ່​ສູນ​ຫາຍ​ໄຮ້​ຮ່ອງ​ຮອຍ ຫລັງ​ຄົ້ນ​ຫາ​ຜ່ານ​ໄປ​ເກືອບ​ຈະ​ຄົບ 1 ປີ​ແລ້ວ.

ສຳ​ນັກ​ຂ່າວ​ຂ່າງ​ປະ​ເທດ ລາຍ​ງານ​ໃນ​ວັນ​ທີ 3 ມີ​ນາ​ນີ້​ວ່າ ທ່ານ ວໍ​ເຣັນ ທ​ຣັ​ສ ຮອງ​ນາ​ຍົກ​ລັດ​ຖະ​ມົນ​ຕີ ແລະ ລັດ​ຖະ​ມົນ​ຕີ​ວ່າ​ການ​ກະ​ຊວງ​ຄົມ​ມະ​ນາ​ຄົມ ຂອງ​ອົດ​ສະ​ຕາ​ລີ ໄດ້​ລະ​ບຸ​ວ່າ ການ​ຄົ້ນ​ຫາ​ເຮືອ​ບິນ​ໂບ​ອິ້ງ 777 ຂອງ​ສາຍ​ການ​ບິນ​ມາ​ເລ​ເຊຍ​ແອ​ຣ໌ລາຍ ຖ້ຽວ​ບິນ MH370 ທີ່​ສູນ​ຫາຍ​ໄປ​ຕັ້ງ​ແຕ່​ວັນ​ທີ 8 ມີ​ນາ 2014 ທີ່​ຜ່ານ​ມາ​ນັ້ນ ແມ່ນ​ເຈົ້າ​ໜ້າ​ທີ່​ບໍ່​ສາ​ມາດ​ດຳ​ເນີນ​ການ​ຄົ້ນ​ຫາ​ຕໍ່​ໄປ​ອີກ​ແລ້ວ ເນື່ອງ​ຈາກ​ຕ້ອງ​ໃຊ້​ເງິນ​ຈຳ​ນວນ​ມະ​ຫາ​ສານ, ສ່ວນ​ການ​ຕັດ​ສິນ​ໃຈ​ວ່າ​ຈະ​ດຳ​ເນີນ​ປະ​ຕິ​ບັດ​ການ​ຄົ້ນ​ຫາ​ຕໍ່​ໄປ​ອີກ ຫລື ບໍ່​ນັ້ນ ແມ່ນ​ໄດ້​ມີ​ການ​ປຶກ​ສາ​ຫາ​ລື​ຮ່ວມ​ກັນ​ຫລາຍ​ຄັ້ງ ລະ​ຫວ່າງ​ອົດ​ສະ​ຕາ​ລີ, ຈີນ ແລະ ມະ​ເລ​ເຊຍ​ແລ້ວ ເຊິ່ງ​ການ​ຕັດ​ສິນ​ໃຈ​ຮ່ວມ​ກັນ ຈະ​ມີ​ຂຶ້ນ​ພາຍ​ໃນ​ອີກ​ບໍ່​ພໍ​ເທົ່າ​ໃດ​ອາ​ທິດ​ຂ້າງ​ໜ້າ​ນີ້ ເນື່ອງ​ຈາກ​ການ​ຄົ້ນ​ຫາ​ຜ່ານ​ມາ​ເກືອບ 1 ປີ​ແລ້ວ ຍັງ​ບໍ່​ມີ​ຄວາມ​ຄືບ​ໜ້າ​ໃດໆ.