ເກີດເຫດແກ໊ສລະເບີດຢູ່ບໍ່ຖ່ານຫີນ ແຂວງໂດເນດ ປະເທດອູແກຣນ ມີຜູ້ເສຍຊີວິດ 33 ຄົນ
ສຳນັກຂ່າວຕ່າງປະເທດ ລາຍງານໃນວັນທີ 5 ມີນານີ້ວ່າ ເກີດເຫດແກ໊ສລະເບີດໃນບໍ່ຖ່ານຫີນ ຊາຊີຢັດໂກ ແຂວງໂດເນດ ພາກຕາເວັນອອກຂອງປະເທດອູແກຣນ ໃນຕອນເຊົ້າຂອງມື້ວັນພຸດທີ 4 ມີນາຜ່ານມານີ້ ໂດຍລ່າສຸດມີຜູ້ເສຍຊີວິດ 33 ຄົນ ໂດຍສື່ທ້ອງຖິ່ນລາຍງານວ່າ ເຫດການດັ່ງກ່າວແມ່ນຍ້ອນອາຍແກ໊ສມີເທນເກີດການລະເບີດຂຶ້ນ.
ທັງນີ້ ບໍ່ຖ່ານຫີນຊາຊີຢັດໂກ ເຄີຍເກີດການລະເບີດມາແລ້ວສອງຄັ້ງ, ຄັ້ງທີໜຶ່ງໃນປີ 1999 ມີຜູ້ເສຍຊີວິດ 240 ຄົນ ແລະ ຄັ້ງທີສອງໃນປີ 2007 ເຮັດໃຫ້ມີຜູ້ເສຍຊີວິດ 101 ຄົນ.