ເກີດເຫດຄົນຮ້າຍບຸກຟັນໜ້າ ທຳຮ້າຍຮ່າງກາຍເອກອັກຄະລັດຖະທູດສະຫະລັດອາເມຣິກາ ປະຈຳເກົາຫລີໃຕ້ ອາການສາຫັດ.
ສຳນັກຂ່າວຕ່າງປະເທດ ລາຍງານໃນວັນທີ 5 ມີນານີ້ວ່າ ທ່ານ ມາກ ລິບເພີດ ເອກອັກຄະລັດຖະທູດສະຫະລັດອາເມຣິກາ ປະຈຳສາທາລະນະລັດເກົາຫລີ ຫລື ເກົາຫລີໃຕ້ ໄດ້ຖືກຊາຍຄົນໜຶ່ງບຸກເຂົ້າທຳຮ້າຍຮ່າງກາຍ ໃນລະຫວ່າງທີ່ເຂົາກຳລັງເດີນທາງເຂົ້າຮ່ວມປະຊຸມ ກັບທາງການຂອງເກົາຫລີໃຕ້, ໂດຍຄົນຮ້າຍໄດ້ໃຊ້ມີດ ຟັນທີ່ໃບໜ້າທ່ານທູດ ເຮັດໃຫ້ໄດ້ຮັບບາດເຈັບສາຫັດ ແຕ່ກໍບໍ່ອັນຕະລາຍເຖິງຊີວິດ, ຫລັງຈາກເກີດເຫດ ທ່ານ ລິບເພີດ ກໍຖືກນຳຕົວສົ່ງໂຮງໝໍໃນທັນທີ.
ສຳລັບບຸກຄົນທີ່ກໍ່ເຫດນັ້ນ ໄດ້ຖືກເຈົ້າໜ້າທີ່ຂອງເກົາຫລີໃຕ້ຄວບຄຸມຕົວໄວ້ໄດ້ທັນທີ, ຢ່າງໃດກໍຕາມ ສຳນັກຂ່າວເອພີ ໄດ້ລາຍງານວ່າ ຊາຍຄົນດັ່ງກ່າວນີ້ ໄດ້ສົ່ງສຽງຮ້ອງກ່ອນທີ່ຈະກໍ່ເຫດວ່າ ” ເກົາຫລີເໜືອ ແລະ ເກົາຫລີໃຕ້ ຄວນຈະກັບມາລວມຕົວກັນອີກ! ”
