ລັດຖະບານບຣາຊິນ ໂດຍປະທານາທິບໍດີ ດິນມາ ຣຸດເຊບ ໄດ້ປະກາດໃຊ້ກົດໝາຍໃໝ່ ເພີ່ມໂທດໜັກຂຶ້ນ ສຳລັບຄະດີຄວາມຮຸນແຮງຕໍ່ແມ່ຍິງ.
ປະທານາທິບໍດີ ດິນມາ ຣຸດເຊບ ແຫ່ງບຣາຊິນ ລົງນາມປະກາດໃຊ້ກົດໝາຍສະບັບໃໝ່ ເພີ່ມມາດຕະການລົງໂທດໜັກຂຶ້ນ ສຳລັບຄະດີອາຍາທີ່ກ່ຽວກັບການເສຍຊີວິດຂອງແມ່ຍິງ ແລະ ເດັກນ້ອຍ ເມື່ອວັນທີ 9 ມີນາຜ່ານມາ ໂດຍກຳນົດໂທດຈຳຄຸກ ຕັ້ງແຕ່ 12-30 ປີ ກັບຜູ້ໃດກໍຕາມ ທີ່ຖືກຕັດສິນໃຫ້ມີຄວາມຜິດ ຂໍ້ຫາຂ້າແມ່ຍິງ ຫລື ເດັກຍິງ ອັນເກີດມາຈາກການຜິດຖຽງກັນພາຍໃນຄອບຄົວ ຫລື ຍ້ອນເຫດຜົນທາງເພດ ໂດຍຖືວ່າເປັນການຄາດຕະກຳແມ່ຍິງ ແລະ ໃນບາງຄະດີ ອາດຖືກໂທດຈຳຄຸກດົນຂຶ້ນ ສຳລັບຂໍ້ຫາຂ້າແມ່ຍິງຖືພາ ຫລື ແມ່ຍິງແມ່ລູກອ່ອນ ລວມເຖິງເດັກຍິງອາຍຸບໍ່ເກີນ 14 ປີ ແລະ ແມ່ຍິງອາຍຸເກີນ 60 ປີຂຶ້ນໄປ ຫລື ຜູ້ພິການ ຕະຫລອດຮອດການການຂ້າລູກ ຫລື ພໍ່ແມ່ຂອງແມ່ຍິງໃນເງື່ອນໄຂດັ່ງກ່າວ, ທັງນີ່ ປະທານາທິບໍດີ ຣຸດເຊບ ເປີດເຜີຍວ່າ ທຸກປີຈະມີຜູ້ຍິງເສຍຊີວິດ 15 ຄົນ ແລະ ສ່ວນໃຫຍ່ແມ່ນມາຈາກຄວາມຮຸນແຮງໃນຄອບຄົວ. ນອກຈາກນີ້, ຍັງພົບວ່າ ແມ່ຍິງ ແລະ ເດັກນ້ອຍໃນປະເທດ ຖືກຂົ່ມຂືນປີລະປະມານ 5 ແສນຄົນ ແຕ່ທາງການໄດ້ຮັບລາຍງານ ພຽງແຕ່ 10% ເທົ່ານັ້ນ.