ວານສີເທົາໂດດຂຶ້ນສູດອາກາດເທິງຜິວນ້ຳ ຊ້ຳທັບເຮືອນຳທ່ຽວຢູ່ແມັກຊິໂກ ນັກທ່ອງທ່ຽວຍິງຊາວການາດາ ເສຍຊີວິດ.
ສຳນັກຂ່າວຕ່າງປະເທດ ລາຍງານໃນວັນທີ 12 ມີນາຜ່ານມານີ້ວ່າ ຜູ້ອຳນວຍການຣີສອດ ໃນຊາຍຫາດຄາໂບ ຊານລູຄັດ ທາງພາກຕາເວັນອອກສຽງເໜືອ ຂອງປະເທດແມັກຊິໂກ ໄດ້ກ່າວວ່າ ມີນັກທ່ອງທ່ຽວຍິງຊາວການາດາ ອາຍຸ 45 ປີ ເສຍຊີວິດ ຫລັງຈາກໄດ້ຮັບບາດເຈັບ ຈາກເຫດປາວານສີເທົາ ໄດ້ຂຶ້ນມາສູດອາກາດເທິງຜິວນ້ຳ ແລ້ວໂນ້ມໂຕລົງທັບເຮືອນຳທ່ຽວ ໃນຂະນະທີ່ກຳລັງລອຍຢູ່ກາງທະເລ ໂດຍເຫດການດັ່ງກ່າວ ເກີດຂຶ້ນໃນຕອນບ່າຍຂອງວັນທີ 11 ມີນາຜ່ານມາ ໂດຍຜູ້ເສຍຊີວິດ ແມ່ນເສຍຊີວິດໃນລະຫວ່າງການປິ່ນປົວ ເນື່ອງຈາກທົນອາການບາດເຈັບບໍ່ໄຫວ.