ກອງກຳລັງອີຣັກສາມາດບຸກເຂົ້າເມືອງຕິກຣິດ ແລະ ຍຶດໂຮງໝໍທະຫານຄືນຈາກກຸ່ມ IS ສຳເລັດ ຫລັງບຸກໂຈມຕີຫລາຍອາທິດ.
ສຳນັກຂ່າວຕ່າງປະເທດ ລາຍງານໃນວັນທີ 12 ມີນາຜ່ານມານີ້ວ່າ ກອງກຳລັງຮ່ວມລະຫວ່າງກອງທັບອີຣັກ ແລະ ກຸ່ມຕິດອາວຸດອິດສະລາມນິກາຍສຸໜີ່ ແລະ ຊີອະ ສາມາດຍຶດຄືນໂຮງໝໍທະຫານ ໃນເມືອງຕິກຣິດ ເຊິ່ງຕັ້ງຢູ່ບໍ່ໄກຈາກທຳນຽບປະທານາທິບໍດີ ຄືນຈາກກຸ່ມລັດອິດສະລາມ (IS) ໄດ້ແລ້ວ ໃນມື້ວັນພຸດທີ 11 ມີນາຜ່ານມາ ຫລັງຈາກພະຍາຍາມທີ່ຈະປົດປ່ອຍເມືອງດັ່ງກ່າວ ຈາກກຸ່ມລັດອິດສະລາມດົນນານຫລາຍອາທິດ.
ທັງນີ້ ເມືອງຕິກຣິດເປັນບ້ານເກີດຂອງອະດີດປະທານາທິບໍດີ ຊັດດຳ ຮຸນດເຊນ ໂດຍຖືກກຸ່ມລັດອິດສະລາມຍຶດຄອງໄດ້ ໃນເດືອນມິຖຸນາ ປີ 2014 ກ່ອນທີ່ໃນມື້ວັນທີ 1 ມີນາຜ່ານມາ ນາຍົກລັດຖະມົນຕີ ໄຮເດີ ອັນ-ອາບາດີ ແຫ່ງອີຣັກ ຈະອອກຄຳສັ່ງໃຫ້ກອງທັບ ເຂົ້າບຸກໂຈມຕີຍຶດເມືອງດັ່ງກ່າວຄືນຈາກກຸ່ມ IS ຈົນສາມາດຍຶດສຳເລັດໄດ້ໃນທີ່ສຸດ.