ເກີດ​ເຫດ​ລົດ​ເມ​ຕົກ​ເຫວ​ທາງ​ພາກ​ໃຕ້​ຂອງ​ປະ​ເທດບ​ຣາ​ຊິນ ເຮັດ​ໃຫ້​ມີ​ຜູ້​ເສຍ​ຊີ​ວິດ 49 ຄົນ ແລະ ບາດ​ເຈັບ​ອີກ​ປະ​ມານ 10 ຄົນ ຄາດ​ຕົວ​ເລກ​ອາດ​ເພີ່ມ​ຂຶ້ນ​ອີກ.

ສຳ​ນັກ​ຂ່າວ​ຕ່າງ​ປະ​ເທດ​ລາຍ​ງານ​ ໃນ​ວັນ​ທີ 15 ມີ​ນາ​ຜ່ານ​ມາ​ນີ້ວ່າ ເກີດ​ອຸ​ບັດ​ເຫດ​ລົດ​ເມ​ຕົກ​ເຫວ 396 ແມັດ ໃກ້​ກັບ​ເມືອງ​ຈອຍ​ວິວ ລັດ​ຊານ​ຕ້າ ກາ​ຕາ​ຣິ​ນາ ທາງ​ພາກ​ໃຕ້​ຂອງ​ປະ​ເທດບ​ຣາ​ຊິນ ໃນ​ມື້​ວັນ​ເສົາ​ທີ 14 ມີ​ນາ​ຜ່ານ​ມາ ເປັນ​ເຫດ​ເຮັດ​ໃຫ້​ມີ​ຜູ້​ເສຍ​ຊີ​ວິດ​ຢ່າງ​ໜ້ອຍ 49 ຄົນ ລວມ​ທັງ​ມີ​ເດັກ​ອີກ 8 ຄົນ ໃນ​ຂ​ະ​ນະ​ທີ່​ມີ​ຜູ້​ໄດ້​ຮັບ​ບາດ​ເຈັບ​ປະ​ມານ 10 ຄົນ ຖືກ​ນຳ​ໂຕ​ສົ່ງ​ໂຮງ​ໝໍ.

ອຸ​ບັດ​ເຫດ​ດັ່ງ​ກ່າວ​ນີ້ ເກີດ​ຂຶ້ນ​ໃນ​ກາງ​ຄືນ​ຂອງ​ມື້​ວັນ​ເສົາ ໂດຍ​ລົດ​ເມ​ໄດ້​ໂດຍ​ສານ​ຄົນ​ຫລາຍ​ກ່​ວາ 50 ຄົນ ມາ​ຈາກ​ເມືອງ ອູ​ນຽວ ດາ ວິກ​ຕໍ​ເຣຍ ໄປ​ຮ່ວມ​ພິ​ທີ​ກຳ​ທາງ​ສາ​ສະ​ໜາ ໃກ້​ກັບ​ຊາຍ​ຝັ່ງ​ລັດ​ປາ​ຣາ​ນາ ແຕ່​ເກີດ​ເສຍ​ຫລັກ​ຕົກ​ເຫວ ໃນ​ລະ​ຫວ່າງ​ເຂົ້າ​ທາງ​ໂຄ້ງ​ໂດຍ​ຍັງ​ບໍ່​ທັນ​ຮູ້​ສາ​ເຫດ​ທີ່​ແທ້​ຈິງ​ເທື່ອ.