ນາຍົກລັດຖະມົນຕີອັງກິດ ເຂົ້າເຝົ້າສົມເດັດພະຣາຊິນີເອລິຊາເບດທີ 2 ເພື່ອຂໍໃຫ້ລົງລາຍເຊັນ ໃນໃບສະເໜີຍຸບສະພາ ກ່ອນການເລືອກຕັ້ງທົ່ວໄປຈະມີຂຶ້ນ ໃນວັນທີ 7 ພຶດສະພານີ້.
ສຳນັກຂ່າວຕ່າງປະເທດ ລາຍງານໃນວັນທີ 31 ມີນານີ້ວ່າ ທ່ານ ເດວິດ ຄາເມຣອນ ນາຍົກລັດຖະມົນຕີອັງກິດ ໄດ້ເດີນທາງອອກຈາກເຮືອນພັກຂອງຕົນ ຢູ່ນະຄອນຫລວງລອນດອນ ເພື່ອໄປຍັງພະຣາຊະວັງບັກກິງແຮມ ໂດຍຈະເຂົ້າເຝົ້າສົມເດັດພະຣາຊິນີເອລິຊາເບດທີ 2 ປະມຸກລັດແຫ່ງສະຫະຣາຊະອານາຈັກ ເພື່ອຍື່ນໜັງສືສະເໜີຍຸບສະພາຜູ້ແທນຣາຊະດອນ ເຊິ່ງພະອົງຈະໄດ້ລົງລາຍເຊັນ ເປັນຜົນໃຫ້ການຍຸບສະພາຜູ້ແທນຣາຊະດອນອັງກິດ ເປັນໄປຢ່າງຖືກຕ້ອງຢ່າງເປັນທາງການໃນມື້ນີ້ (31 ມີນາ) ເພື່ອຄືນອຳນາດໃນການຕັດສິນໃຈໃຫ້ແກ່ປະຊາຊົນ ກ່ອນຈະມີການເລືອກຕັ້ງທົ່ວໄປ ເຊິ່ງກຳນົດມີຂຶ້ນໃນວັນທີ 7 ພຶດສະພາທີ່ຈະມາເຖິງນີ້.