ບໍລິສັດ ຊູຊູກິ ວາງແຜນສ້າງໂຮງງານຫລາຍສິບລ້ານໂດລາ ໃນປະເທດມຽນມາ ຄາດເລີ່ມຜະລິດພາຍໃນປີ 2020.
ສຳນັກຂ່າວຕ່າງປະເທດ ລາຍງານໃນວັນທີ 4 ເມສາຜ່ານມານີ້ວ່າ ບໍລິສັດຜູ້ຜະລິດລົດຍົນສັນຊາດຍີ່ປຸ່ນ ຍີ່ຫໍ້ ” ຊູຊູກິ ” ວາງແຜນຈະລົງທຶນຫລາຍສິບລ້ານໂດລາ ສ້າງໂຮງງານໃນເຂດເສດຖະກິດພິເສດຕິລະວາ ຂອງນະຄອນຢ່າງກຸ້ງ ປະເທດມຽນມາ ໂດຍການກໍ່ສ້າງໂຮງງານໃໝ່ນີ້ ຄາດວ່າຈະເລີ່ມຂຶ້ນໃນທ້າຍປີນີ້ ແລະ ເຂົ້າສູ່ລະບົບການຜະລິດພາຍໃນປີ 2020 ນີ້.
ການລົງທຶນດັ່ງກ່າວ ແມ່ນຈະເປັນການສ້າງຕຳແໜ່ງງານໃນການຈ້າງແຮງງານຊາວມຽນມາ ປະມານ 300 ກ່ວາຄົນ ເຊິ່ງຈະຜະລິດລົດໃນປະລິມານ 10,000 ຄັນຕໍ່ປີ ໂດຍຊິ້ນສ່ວນຕ່າງໆແມ່ນຈະນຳເຂົ້າມາຈາກນອກປະເທດ.