ມຽນ​ມາ​ສົ່ງ​ອອກ​ເຂົ້າ​ໃນ​ສົກ​ປີ​ຜ່ານ​ມາ ບັນ​ລຸ 1.7 ລ້ານ​ໂຕນ ເພີ່ມ​ຂຶ້ນ 40% ໂດຍ​ສ່ວນ​ໃຫຍ່​ແມ່ນ​ສົ່ງ​ຂາຍ​ໄປ​ຍັງ​ປະ​ເທດ​ຈີນ.

ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ວັນ​ທີ 22 ເມ​ສາ​ຜ່ານ​ມາ​ນີ້​ວ່າ ປະ​ລິ​ມານ​ກາ​ນ​ສົ່ງ​ອອກ​ເຂົ້າ​ຂອງ​ມຽນ​ມາ ບັນ​ລຸ​ເກືອບ 2 ລ້ານ​ໂຕນ ໃນ​ສົກ​ປີ​ງົບ​ປະ​ມານ 2014-2015 ເຊິ່ງ​ສິ້ນ​ສຸດ​ລົງ​ໃນ​ເດືອນມ​ມີ​ນາ​ທີ່​ຜ່ານ​ມາ ສົ່ງ​ຜົນ​ເຮັດ​ໃຫ້​ການ​ສົ່ງ​ອອກ​ເຂົ້າ ເພີ່ມ​ຂຶ້ນ 40% ເມື່ອ​ທຽບ​ກັບ​ປີ​ກາຍ.

ດ​ຣ. ໂຊ ຕຸນ ປະ​ທານ​ສະ​ມາ​ຄົມ​ຊາວ​ກະ​ສິ​ກອນ​ມຽນ​ມາ ໄດ້​ລະ​ບຸ​ວ່າ ເຂົ້າ​ສ່ວນ​ໃຫຍ່​ແມ່ນ​ສົ່ງ​ອອກ​ໄປ​ປະ​ເທດ​ຈີນ ໂດຍ​ມີ​ອັດ​ຕາ​ສ່ວນ 1.1 ລ້ານ​ໂຕນ, ສ່ວນ​ທາງ​ດ້ານ​ກະ​ຊວງ​ການ​ຄ້າ​ມຽນ​ມາ​ກໍ​ໄດ້​ລະ​ບຸ​ວ່າ ມຽນ​ມາ​ສົ່ງ​ອອກ​ເຂົ້າ​ໄປ​ທັງ​ໝົດ 1.7 ລ້ານ​ໂຕນ ໃນ​ສົກ​ປີ 2014-2015 ຜ່ານ​ມາ ສ້າງ​ລາຍ​ຮັບ​ໄດ້ 645 ລ້ານ​ໂດ​ລາ​ສະ​ຫະ​ລັດ ໂດຍ​ປະ​ເທດ​ທີ່​ເປັນ​ປາຍ​ທາງ​ສົ່ງ​ອອກ ໃນ​ສົກ​ປີ​ດັ່ງ​ກ່າວ​ນີ້​ແມ່ນ ສ​ປ ຈີນ, ຍີ່​ປຸ່ນ ແລະ ປະ​ເທດ​ອື່ນໆ​ໃນ​ອາ​ຊີ, ເອີ​ຣົບ ແລະ ອາ​ຟ​ຣິ​ກາ.

ທັງ​ນີ້ ລັດ​ຖະ​ບານ​ມຽນ​ມາ ໄດ້​​ມີ​ແຜນ​ສົ່ງ​ອອກ​ເຂົ້າ ໂດຍຕັ້ງ​ເປົ້າ​ໝາຍ​ພາຍ​ໃນ​ປີ 2020 ທີ່​ຈະ​ມາ​ເຖິງ​ນີ້ ແມ່ນ​ຈະ​ເພີ່ມ​ການ​ສົ່ງ​ອອກ​ເຂົ້າ​ຂອງ​ປະ​ເທດ ໃຫ້​ໄດ້ 4 ລ້ານ​ໂຕນ.