ສຳນັກຂ່າວໄທຣັດລາຍງານໃນວັນທີ 10 ກັນຍານີ້ວ່າ ທ່ານ ຍົງວຸດ ສາວພຶກ ຜູ້ອຳນວຍການສະຖາບັນອາຫານຂອງໄທ ໄດ້ເປີດເຜີຍແນວໂນ້ມການສົ່ງອອກສິນຄ້າອາຫານຂອງປະເທດໃນປີນີ້ ຄາດວ່າຈະມີມູນຄ່າ 900 ຕື້ບາດ ຫລຸດລົງຈາກປີກາຍ 1.7% ທີ່ມີມູນຄ່າການສົ່ງອອກ 915 ຕື້ບາດ ເນື່ອງຈາກປະສົບກັບໄພພິບັດທາງທຳມະຊາດ ເຮັດໃຫ້ປະລິມານການຜະລິດຫລຸດລົງ ແລະ ຄາດວ່າໃນປີໜ້ານີ້ ຍອດມູນຄ່າການສົ່ງອອກຈະເພີ່ມຂຶ້ນ 8-9% ບັນລຸ 1000 ຕື້ບາດ.

ທັງນີ້ ສະຖາບັນອາຫານຂອງໄທ ໄດ້ຕັ້ງເປົ້າໝາຍສົ່ງອອກສິນຄ້າອາຫານໃຫ້ໄດ້ 1300 ຕື້ບາດ ພາຍໃນປີ 2017 ແລະ ຈະຍົກລະດັບມາດຕະຖານສິນຄ້າອາຫານຂອງໄທໃຫ້ໄດ້ມາດຕະຖານລະດັບສາກົນ ພາຍໃນປີ 2019 ເພື່ອໃຫ້ຕະຫລາດໃນທົ່ວໂລກຍອມຮັບອີກດ້ວຍ.