spot_img
Homeຂ່າວການພັດທະນາຈະສຶກສາຄວາມເປັນໄປໄດ້ ໃນການພັດທະນາຕະຫລາດປາກຊັນ ໃຫ້ເປັນຕະຫລາດທີ່ທັນສະໄໝ!

ຈະສຶກສາຄວາມເປັນໄປໄດ້ ໃນການພັດທະນາຕະຫລາດປາກຊັນ ໃຫ້ເປັນຕະຫລາດທີ່ທັນສະໄໝ!

Published on

03e667a1cd6586cbdfc24cd9893e11f2

ບໍລິສັດ ຂະ​ຍຸງ​ຄຳ​ທີລະ​ກຸນຂຸດ​ຄົ້ນ​ແຮ່​ທາດ ຈຳກັດ​ຜູ້​ດຽວ ໄດ້​ຮັບ​ອະນຸຍາດ​ໃຫ້​ສຶກ​ສາ​ຄວາມເປັນ​ໄປ​ໄດ້​ ໂຄງການ​ສຶກ​ສາ​ສຳຫຼວດ-ອອກ​ແບບ ແລະ ກໍ່ສ້າງຕະຫຼາດ​ປາກ​ຊັນ (ບ້ານ​ໂພນ​ໄຊ) ເມືອງ​ປາກ​ຊັນ ແຂວງ​ບໍ​ລິ​ຄຳ​ໄຊ ເພື່ອ​ພັດທະນາ​ໃຫ້​ເປັນ​ຕະຫຼາດ​ທີ່ມີ​ຄວາມ​ທັນ​ສະໄໝ ເປັນ​ລະບົບຄົບ​ຊຸດ ແນໃສ່​ເພື່ອ​ຮອງ​ຮັບ​ການຂະຫຍາຍຕົວ​ຂອງ​ເສດຖະກິດ-ສັງຄົມເຂດ​ໃນ​ອະນາຄົດ.

ພິທີ​ລົງ​ນາມ​ບົດ​ບັນທຶກຄວາມ​ເຂົ້າໃຈ​ໂຄງການ​ດັ່ງກ່າວ ໄດ້​ຈັດ​ຂຶ້ນ​ວັນ​ທີ 8 ກັນຍາ 2015 ຢູ່​ພະ​ແນກ​ແຜນການ ແລະ ການ​ລົງທຶນ​ແຂວງ​ບໍ​ລິ​ຄຳ​ໄຊ ລະຫວ່າງ​ທ່ານ ບຸນ​ທັນ ວົງ​ຊະນະ ຮອງ​ຫົວໜ້າ​ແຜນການ ແລະ ການ​ລົງທຶນ ແຂວງ​ບໍ​ລິ​ຄຳ​ໄຊ ກັບ​ທ່ານ ຫັດສະດີ ທີລະ​ກຸນ ປະທານ​ບໍລິສັດ ຂະ​ຍຸງ​ຄຳ​ທີລະ​ກຸນຂຸດ​ຄົ້ນ​ແຮ່​ທາດ ຈຳກັດ​ຜູ້​ດຽວ ໂດຍ​ຊ້ອງ​ໜ້າ​ທ່ານ ​ດຣ. ກອງແກ້ວ ໄຊ​ສົງຄາມ ເຈົ້າແຂວງ​ບໍລິ​ຄຳ​ໄຊ ພ້ອມ​ດ້ວຍ​ບັນດາ​ພະແນກ​ການ ແລະ ແຂກ​ຖືກ​ເຊີນ.

ໂຄງການ​ສຶກ​ສາສຳ​ຫຼວດ-ອອກ​ແບບ ແລະ ກໍ່ສ້າງ​ຕະຫຼາດປາກ​ຊັນ ຄາດ​ຄະເນ​ວ່າ​ຈະ​ກໍ່ສ້າງເປັນ​ອາຄານ 4 ຊັ້ນ ມູນ​ຄ່າ​ການລົງທຶນ​ເບື້ອງ​ຕົ້ນ 12 ລ້ານ​ໂດ​ລາສະຫະລັດ ຫຼື ປະມານ 96 ຕື້​ກວ່າກີບ ໂດຍ​ມອບ​ໃຫ້​ບໍລິສັດ​ ຂະ​ຍຸງຄຳ​ທີລະ​ກຸນ​ຂຸດ​ຄົ້ນ​ແຮ່​ທາດ ຈຳກັດ​ຜູ້​ດຽວ ເປັນ​ຜູ້​ລົງທຶນ​ໃນ​ການລົງ​ສຳ​ຫຼວດ​ອອກ​ແບບ ໄລ່​ລຽງ ບົດ​ວິພາກ​ເສດຖະກິດ ແລະ ບົດປະ​ເມີນ​ຜົນ​ກະທົບ​ທາງ​ດ້ານ​ສິ່ງແວດ​ລ້ອມ-ສັງຄົມ ເຊິ່ງ​ຄາດ​ວ່າຈະ​ໃຊ້​ເວລາ​ປະມານ 3 ເດືອນ ພາຍຫຼັງ​ລົງ​ນາມ​ບົດ​ບັນທຶກຄວາມ​ເຂົ້າໃຈ​ຄັ້ງ​ນີ້ ຈາກ​ນັ້ນ ກໍ່​ຈະ​ໄດ້​ນຳ​ສະເໜີ​ພະແນກການກ່ຽວຂ້ອງ​ຂອງ​ແຂວງ ເພື່ອ​ເຊັນສັນຍາ​ພັດທະນາ​ໂຄງການ​ດັ່ງກ່າວ ໃນ​ຂັ້ນ​ຕອນ​ຕໍ່​ໄປ.

 

ແຫລ່ງຂ່າວ:

ວຈໝ

ບົດຄວາມຫຼ້າສຸດ

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...