spot_img
Homeຂ່າວການພັດທະນາ5 ປີ ນະຄອນຫລວງວຽງຈັນ ສ້າງເສັ້ນທາງໄດ້ 388,48 ກິໂລແມັດ!

5 ປີ ນະຄອນຫລວງວຽງຈັນ ສ້າງເສັ້ນທາງໄດ້ 388,48 ກິໂລແມັດ!

Published on

way

ຂປລ. ​ໃນໄລຍະ 5 ປີ 2011-2015 ນີ້, ນະຄອນຫລວງວຽງຈັນ ກໍຄື ຂະແໜງໂຍທາທິການແລະ ຂົນສົ່ງ ສາມາດຈັດຕັ້ງປະຕິບັດ ການກໍ່ສ້າງເສັ້ນທາງໄດ້ 388,48 ກິໂລແມັດ ທຽບໃສ່ແຜນການ ປະຕິບັດໄດ້ 70,01%, ​ໃນນັ້ນທາງເບຕົງ 56,84 ກວ່າກິໂລແມັດ, ທາງປູດ້ວຍຢາງຂົ້ວ 81,60 ກວ່າກິໂລແມັດ, ທາງປູຢາງສອງຊັ້ນ 53,60 ກວ່າກິໂລແມັດ, ທາງປູແຮ່ 136,57 ກິໂລແມັດແລະ ທາງດິນທຳມະຊາດ 31,37 ກິໂລແມັດ.

ໃນບົດລາຍງານການເມືອງ ຂອງອົງຄະນະພັກ ນະຄອນຫລວງວຽງຈັນໄດ້ໃຫ້ຮູ້ວ່າ: ນອກຈາກຜົນສຳເລັດ ໃນການກໍ່ສ້າງເສັ້ນທາງແລ້ວ, ວຽກ​ງານ​ຄຸ້ມ​ຄອງ​ເຄຫາ-ຜັງ​ເມືອງ ກໍ​ໄດ້​ສຳ​ເລັດ​ການ​ອອກ​ແບບ ​ຜັງ​ເມືອງ​ໃໝ່​ໜອງ​ປີງ, ບຶງ​ທາດຫລວງ ​ແລະ ຜັງ​ເມືອງ​ ລຽບ​ຕາມ​ຖະໜົນ 450 ປີ, ຂະຫຍາຍ​ລະບົບ​ນ້ຳ​ປະປາ ​ເຊິ່ງ​ໃນ​ທ້າຍ​ປີ 2015 ນີ້ ລະບົບ​ໂຮງງານ​ນ້ຳ​ປະປາ​ໃນ​ນະຄອນຫລວງ​ວຽງ​ຈັນ ຈະ​ສາມາດ​ສະໜອງ​ນ້ຳ​ໄດ້ 180.000 ມ3/ມື້, ການ​ບໍລິການ​ກວມ 64,28% ຂອງ 7 ​ເມືອງ; ວຽກ​ງານ​ກໍ່ສ້າງ​ປ້ອງ​ກັນ​ຕາ​ຝັ່ງ​ເຈື່ອນ​ ສາມາດ​ປະຕິບັດ​ໄດ້ 21 ​ໂຄງການ.  ນອກຈາກນັ້ນ ​, ຍັງ​​ໄດ້​ຕິດ​ຕາມການ​ຂົນ​ສົ່ງ​ສິນຄ້າ ​ແລະ ​ໂດຍສານ​ຢ່າງ​ເປັນ​ປົກກະຕິ ​ເຊິ່ງ​ໃນ​ຊຸມ​ປີຜ່ານມາ​ ສາມາດ​ຂົນ​ສົ່ງ​ສິນຄ້າ​ ໄດ້​ທັງ​ໝົດ 2.237.200 ​ໂຕນ, ບໍລິ​ມາດ ຈໍລະ​ຈອນ​ສິນຄ້າ ປະຕິບັດ​ໄດ້ 107 ລ້ານ​ກວ່າ​ໂຕນ.

​ ໄປ​ພ້ອມໆ​ກັນ​ນີ້, ຍັງ​ໄດ້​ສຸມ​ໃສ່​ປັບປຸງ​ຖະໜົນ​ອາ​ຊຽນ ​ແລະ ຮ່ອງ​ລະບາຍ​ນ້ຳ ​ໂດຍ​ນຳ​ໃຊ້​ທຶນ​ກູ້​ຢືມ​ຈາກ​ອົງ ການ​ນີດາ ຄື: ກໍ່ສ້າງ​ທາງ T2, ທາງ T2.2, ທາງ T2.3, ກໍ່ສ້າງຮ່ອງ​ລະບາຍ​ນ້ຳ​ທົ່ງ​ສ້າງ​ນາງ, ປັບປຸງ​ສ້ອມ​ແປງ​ລະບົບ​ລະບາຍ​ນ້ຳ​ແຄ​ມທາງ, ​ໄດ້​ເອົາ​ໃຈ​ໃສ່​ອະນາ​ໄມ​ລ້າງ​ທາງ, ຕັດ​ຫຍ້າ, ຫົດ​ສວນ​ດອກ​ໄມ້, ອະນາ​ໄມ​ປັດກວາດ, ບົວລະບັດ​ຮັກສາ​ສວນ​ດອກ​ໄມ້​ແຄມ​ທາງ ​ແລະ ​ເກັບ​ມ້ຽນ​ຂີ້​ເຫຍື້ອ​ຕາມ​ສຳນັກງານ-ອົງການ ​ແລະ ຄົວ​ເຮືອນ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ເຫດປະທ້ວງທີ່ຕີມໍເລສເຕ ນັກສຶກສາກວ່າ 2.000 ຄົນ ເຂົ້າປະທ້ວງລັດຖະບານ ຫຼັງອະນຸມັດແຜນການຈັດຊື້ລົດຫຼູລາຄາແພງ

ໃນວັນທີ 17/09/2025 ທີ່ຜ່ານມາ, ຈາກສຳນັກຂ່າວຈາກປະເທດຕີມໍ ເລສເຕ ລານງານວ່າ ມີເຫດການປະທ້ວງຈາກປະຊາຊົນຫຼາຍກວ່າ 2.000 ຄົນ ໃນນະຄອນຫຼວງດິລີ ປະເທດຕີມໍ ເລສເຕ, ໃນນັ້ນສ່ວນຫຼາຍແມ່ນນັກສຶກສາ ທັງໝົດມາເພື່ອປະທ້ວງແຜນການທີ່ໄດ້ຮັບອະນຸມັດເມື່ືອປີກ່ອນ...

ຂຶ້ນຄ່າແຮງງານຂັ້ນຕໍ່າ ໃຫ້ແກ່ແຮງງານໃນອຸດສາຫະກຳຕັດຫຍິບຂອງກໍາປູເຈຍ ປັບຂຶ້ນຈາກ 208 ໂດລາ ເປັນ 210 ໂດລາ ຕໍ່ເດືອນ

ປະກາດ​ໃນ​ວັນ​ທີ 17 ກັນຍາ ຜ່ານມາ​ວ່າ, ທ່ານ ຮຸນ ມາເນດ ນາຍົກລັດຖະມົນຕີ ກຳປູເຈຍ ໄດ້​ກຳນົດ​ຄ່າ​ແຮງງານ​ຂັ້ນ​ຕ່ຳ​ຕໍ່​ເດືອນ​ໃໝ່​ໃຫ້​ແກ່​ອຸດສາຫະກຳ​ຕັດຫຍິບ, ເກີບ ແລະ ສິນຄ້າ​ສຳລັບການເດີນທາງ ​ເປັນ...

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...