ສຳນັກຂ່າວຕ່າງປະເທດ ລາຍງານໃນວັນທີ 21 ກັນຍາຜ່ານມານີ້ວ່າ ນາງ ຢັງວັ່ນອິງ ອາຍຸ 19 ປີ ໄດ້ຖີບລົດລຽບເມືອງຊາຍຝັ່ງຂອງປະເທດ ຈາກບ້ານເກີດເມືອງນອນຢູ່ເມືອງຫູຫລິນ ແຂວງເຮຍຫລົງຈຽງ ທາງພາກຕາເວັນອອກສຽງເໜືອຂອງປະເທດ ຊຶ່ງເປັນພື້ນທີ່ທີ່ມີອານາເຂດຕິດກັບປະເທດຣັດເຊຍ ເພື່ອໄປເຂົ້າຮຽນຕໍ່ຢູ່ມະຫາວິທະຍາໄລ ຫລັງຈາກທີ່ນາງສາມາດສອບເສັງຕິດໃນສາຂາວິຊາວິທະຍາສາດຄອມພິວເຕີ ທີ່ມະຫາວິທະຍາໄລຢັງໂຈວ ແຂວງຈຽງຊູ ໃກ້ກັບກຳແພງນະຄອນຊຽງໄຮ້ ທາງພາກຕາເວັນອອກຂອງຈີນ ລວມໄລຍະທາງທັງໝົດ 2,464 ກິໂລແມັດ.

ແຫລ່ງຂ່າວໄດ້ລະບຸວ່າ ນາງໃຊ້ເວລາຖີບລົດມາມະຫາວິທະຍາໄລທັງໝົດ 23 ມື້ ໂດຍລະຫວ່າງທາງແມ່ນຈະກິນຂະໜົມປັງ ແລະ ໝາກແຕງດອງເປັນອາຫານ ຊຶ່ ນາງ ຢັງວັ່ນອິງ ໄດ້ເວົ້າວ່າ ນາງເຄີຍຂີ່ລົດຖີບທາງໄກກັບພໍ່ ໃນເວລາອາຍຸ 15 ປີ ສອງພໍ່ລູກ ເຄີຍຂີ່ລົດຖີບໄປເຂດປົກຄອງຕົນເອງຊົນຊາດຕິເບດ ຊຶ່ງຕັ້ງຢູ່ທາງພາກຕາເວັນຕົກອັນຫ່າງໄກຂອງປະເທດຈີນມາແລ້ວ.