Homeຂ່າວຕ່າງປະເທດສິງກະໂປ ຄອງແຊັ້ມປະເທດດີທີ່ສຸດໃນໂລກ ດ້ານລາຍໄດ້ ແລະ ຄຸນນະພາບຊີວິດ!

ສິງກະໂປ ຄອງແຊັ້ມປະເທດດີທີ່ສຸດໃນໂລກ ດ້ານລາຍໄດ້ ແລະ ຄຸນນະພາບຊີວິດ!

Published on

1809m50

ສຳນັກຂ່າວຕ່າງປະເທດ ລາຍງານໃນວັນທີ 18 ກັນຍາຜ່ານມານີ້ວ່າ ຜົນການຈັດອັນດັບຂອງ NatWest ທະນາຄານເພື່ອການລົງທຶນສະຫະຣາຊະອານາຈັກ ປະກົດວ່າ ປະເທດສິງກະໂປ ເປັນປະເທດທີ່ດີທີ່ສຸດສຳລັບຊາວຕ່າງປະເທດໃນດ້ານຄ່າແຮງງານ ແລະ ຄວາມສຸກໃນຊີວິດ ໂດຍອ້າງອີງຈາກການລາຍງານຄຸນນະພາບດັດຊະນີຊີວິດ ທີ່ນັກວິໄຈໄດ້ຊີ້ວ່າ 8/10 ຂອງຊາວຕ່າງປະເທດທີ່ເຂົ້າໄປເຮັດວຽກຢູ່ໃນປະເທດອາຊີ ແມ່ນຈະໄດ້ຮັບຄ່າແຮງງານຫລາຍຂຶ້ນ ແລະ ໄດ້ສຳຜັດກັບແສງແດດທີ່ອົບອຸ່ນອີກດ້ວຍ.

ສຳລັບເຫດຜົນທີ່ປະເທດສິງກະໂປ ກາຍເປັນປາຍທາງອັນດັບໜຶ່ງຂອງຊາວຕ່າງປະເທດ ໃນການເຂົ້າໄປເຮັດວຽກ ແລະ ອາໄສຢູ່ນັ້ນ ແມ່ນຍ້ອນສິງກະໂປມີກົດໝາຍຄຸ້ມຄອງຄົນເຂົ້າເມືອງທີ່ດີ ໂດຍປະຊາກອນທີ່ອາໄສຢູ່ສິງກະໂປ 4/10 ແມ່ນລ້ວນເປັນຄົນຕ່າງປະເທດ, ນອກຈາກນັ້ນ ສິງກະໂປ ຍັງມີອຸດສາຫະກຳຫລາກຫລາຍສາຂາອາຊີບໃຫ້ເລືອກເຮັດ ບໍ່ວ່າທາງດ້ານການເງິນ ການກໍ່ສ້າງ ຫລື ການຜະລິດ ຊຶ່ງບັນຫາທີ່ສຳຄັນແມ່ນ 2/3 ຂອງຊາວຕ່າງປະເທດທີ່ໄປເຮັດວຽກຢູ່ສິງກະໂປ ມີລາຍຮັບສູງເຖິງ 125,000 ປອນ ຫລື 1.5 ຕື້ກີບຕໍ່ປີ.

10 ອັນດັບຂອງປະເທດ ຫລື ດິນແດນ ທີ່ດີທີ່ສຸດສຳລັບຊາວຕ່າງປະເທດໃນການເຂົ້າໄປເຮັດວຽກ ແລະ ອາໄສຢູ່ ຕາມການສຳຫລວດຂອງ NatWest ແມ່ນປະກອບມີຄື:

1. ປະເທດສິງກະໂປ;

2. ສະຫະລັດອາຫລັບເອຣິເຣດ

3. ສາທາລະນະລັດປະຊາຊົນຈີນ;

4. ນິວຊີແລນ;

5. ຮົງກົງ;

6. ການາດາ;

7. ອົດສະຕາລີ;

8. ອາຟຣິກາໃຕ້;

9. ສະຫະລັດອາເມຣິກາ;

10. ປັອກຕຸຍການ.

 

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...