ຂປລ. ຕາມຂ່າວ ຕ່າງປະເທດ, ວັນທີ 21 ກັນຍາ 2015, ຄະນະກຳມະການ ຮັບຜິດຊອບ ກ່ຽວກັບ ການປ້ອງກັນ ນ້ຳຖ້ວມ ແລະ ກູ້ໄພ ຫວຽດນາມ ໃຫ້ຮູ້ວ່າ: ເນື່ອງຈາກ ຝົນຕົກໜັກ ຢ່າງຕໍ່ເນື່ອງ ເຮັດໃຫ້ ນ້ຳຖ້ວມ ຢູ່ຫລາຍແຂວງ ຂອງຫວຽດນາມ ໂດຍສະເພາະ ແຂວງ ເງອານ ທາງພາກກາງ ຂອງຫວຽດນາມ ມີຜູ້ເສຍຊີວິດ 4 ຄົນ, ເຮືອນຊານເປ່ເພ 9 ຫລັງ ແລະ ສ້າງຄວາມ ເສຍຫາຍ ຢ່າງຫລວງຫລາຍ ຕໍ່ການຜະລິດ ອຸດສາຫະກຳ ແລະ ກະສິກຳ ໂດຍມີ ມູນຄ່າເຖິງ 191 ຕື້ດົງ(ສະກຸນເງິນ ຫວຽດນາມ). ສ່ວນເນື້ອທ່ີນາ ຂອງແຂວງ ອານຢາງ ຫລາຍກວ່າ 2.455 ເຮັກຕາ ກໍຖືກນ້ຳຖ້ວມ. ປັດຈຸບັນ ບັນດາ ເຈົ້າໜ້າທ່ີ ກ່ຽວຂ້ອງ ແຂວງອານຢາງ ພວມເລັ່ງ ສູບນ້ຳ ອອກຈາກ ທົ່ງນາ ຢ່າງຮີບດ່ວນ.
ແຫລ່ງຂ່າວ:
