1.ອາຫານຫລືເຄື່ອງດື່ມທີ່ມີປະລິມານນ້ຳຕານຫລາຍ
ຖ້າຮ່າງກາຍໄດ້ຮັບປະລິມານນ້ຳຕານຫລາຍເກີນໄປນັ້ນອາດຈະສົ່ງຜົນໃຫ້ເກີດປະຕິກິລິຢາທີ່ເອີ້ນວ່າ glycation ຊຶ່ງປະຕິກິລິຍາດັ່ງກ່າວນີ້ເປັນສາເຫດເຮັດໃຫ້ໜ້າແກ່ກ່ອນໄວໄດ້ນັ້ນເອງເນື່ອງຈາກໂມເລກຸນຂອງນ້ຳຕານສ່ວນເກີນທີ່ເຮົາໄດ້ຮັບນັ້ນຈະໄປລວມກັບໂປຕີນສົ່ງຜົນໃຫ້ເກີດສານປະກອບຕົວໃໝ່ທີ່ມີຄວາມແຂງຫົດຢືດຫນ້ອຍແລະແຕກໄດ້ງ່າຍສົ່ງຜົນໃຫ້ຈຸລັງເສື່ອມສະພາບສູນເສຍຄໍລາເຈນແລະເກີດຮ່ອງຮອຍໄດ້ງ່າຍເນື່ອງຈາກຜິວບໍ່ສາມາດຫົດຢືດໄດ້ຄືເກົ່ານັ້ນເອງ
2.ເຄື່ອງດື່ມທີ່ມີແອວກໍຮໍ
ຕັບສຸຂະພາບດີສົ່ງຜົນໃຫ້ຜິວແລະຮ່າງກາຍມີສຸຂະພາບທີ່ດີໄປນໍາເພາະຕັບມີຫນ້າທີ່ທຳລາຍສານພິດກຳຈັດຂອງເສຍທີ່ຮ່າງກາຍໄດ້ມາຈາກອາຫານຫລືສານທີ່ຮັບເຂົ້າໄປ ເຊັ່ນ:ຢາ,ແອວກໍຮໍແລະອື່ນໆເມື່ອຕັບເຮັດວຽກໄດ້ເປັນຢ່າງດີກໍຈະຖືກຂັບໄລ່ຂອງເສຍອອກຈາກຮ່າງກາຍໄດ້ເອງຕາມທຳມະຊາດແຕ່ຖ້າສານພິດເຂົ້າໄປສະສົມໃນຕັບຫລາຍຂຶ້ນຈົນເກີດສານພິດຕົກຄ້າງຈະສົ່ງຜົນເສຍຕາມມາຫລາຍຢ່າງທັງໃນເລື່ອງຂອງຜິວພັນແລະສຸຂະພາບຊຶ່ງແອວກໍຮໍກໍມີສ່ວນສຳຄັນທີ່ເປັນຕົວການໃນການທຳລາຍຕັບຢ່າງຫລາຍບໍ່ວ່າຈະເຮັດໃຫ້ໄຂມັນສະສົມໃນຕັບ,ຕັບອັກເສບ,ຕັບແຂງແລະອື່ນໆ
3.ເຄື່ອງດື່ມທີ່ມີຄາເຟອີນ
ໃນຄາເຟອີນມີສານອາດີນາລີນຊຶ່ງສົ່ງຜົນໃຫ້ຜິວໜ້າຫ່ຽວຍານໄດ້ອີກຢ່າງຄາເຟອີນຍັງດູດຊຶມວິຕາມິນແລະແຮ່ທາດທີ່ຈຳເປັນຈາກຮ່າງກາຍສົ່ງຜົນເສຍຕໍ່ຜິວນໍາອີກເຊັ່ນກັນ
4.ອາຫານປິ້ງ
ໃນອາຫານປິ້ງມັກຈະພົບສານໄຮໂດນຄາບອນໂດຍສະເພາະບ່ອນສ່ວນທີ່ໄໝ້ກຽມຊຶ່ງກໍ່ໃຫ້ເກີດສານອານຸມູນອິດສະຫລະສົ່ງຜົນໃຫ້ທຳລາຍຈຸລັງຕ່າງໆຂອງຮ່າງກາຍໄດ້ແກ່ ຜິວໝອງຄ້ຳ,ຮ່ອງຮອຍແລະອາດສົ່ງຜົນເຮັດໃຫ້ເກີດພະຍາດມະເຮັງໄດ້ແຕ່ບໍ່ແມ່ນວ່າຈະກິນອາຫານຈຳພວກນີ້ບໍ່ໄດ້ເລີຍພຽງແຕ່ຕ້ອງເລືອກກິນໜ້ອຍໜຶ່ງໂດຍເອົາຊີ້ນບໍລິເວນທີ່ ໄໝ້ອອກກໍສາມາດຊ່ວຍຫລຸດຄວາມກັງວົນບ່ອນນີ້ໄປໄດ້
5.ອາຫານລົດເຄັມ
ອາຫານໃນບ່ອນນີ້ບໍ່ໄດ້ໝາຍຄວາມວ່າເປັນອາຫານທີ່ປຸງດ້ວຍເກືອພຽງເທົ່ານັ້ນແຕ່ອາຫານທີ່ມີປະລິມານໂຊດຽມຫລາຍໆກໍເຂົ້າຂ່າຍນໍາເຊັ່ນກັນຊຶ່ງຖ້າໄດ້ຮັບໂຊດຽມຫລາຍເກີນໄປຈະສົ່ງຜົນໃຫ້ຮ່າງກາຍເກີດອາການບວມນ້ຳໂຊດຽມດູດນ້ຳອອກຈາກລະບົບຕ່າງໆຂອງຮ່າງກາຍສົ່ງຜົນໃຫ້ຜິວແຫ້ງກ້ານບໍ່ຊຸ່ມຊື່ນແຖມການບວມນ້ຳຍັງເຮັດໃຫ້ຕາບວມບໍ່ສົດໃສນໍາອີກ
6.ອາຫານແປຮູບ
ອາຫານແປຮູບຕົວຢ່າງຊີ້ນສັດແປຮູບເຊັ່ນ:ໄສ້ກອກ,ເບຄອນ,ແຮມແລະອື່ນໆມັກເຕັມໄປດ້ວຍສານໃນກຸ່ມຊັນໄຟ(ໃຊ້ເປັນວັດຖຸເຈືອປົນອາຫານ)ເຊັ່ນ:ສານກັນບູດ,ໃຊ້ປ້ອງກັນສີປ່ຽນວັດຖຸກັນກິ່ນເໝັນແລະອື່ນໆຊຶ່ງມີສ່ວນກະຕຸ້ນໃຫ້ຜິວເກີດການອັກເສບແລະເກີດຮ່ອງຮອຍໄດ້ທາງທີ່ດີຫັນມາກິນຊີ້ນສັດບໍ່ຕິດມັນເຊັ່ນ:ເອິກໄກ່,ຊີ້ນປາ,ຈະດີກວ່າ