spot_img
Homeຂ່າວພາຍ​ໃນລັດຖະບານລາວ ເປີດກວ้າງໃຫ້ນັກລົງທຶນຕ່າງປະເທດ ມາລົງທຶນຢູ່ລາວເພີ່ມຂຶ້ນ

ລັດຖະບານລາວ ເປີດກວ้າງໃຫ້ນັກລົງທຶນຕ່າງປະເທດ ມາລົງທຶນຢູ່ລາວເພີ່ມຂຶ້ນ

Published on

23

ຂປລ. ລັດຖະບານ ແຫ່ງ ສປປ ລາວ ໄດ້ມີ​ນະ​ໂຍບາຍ​ເປີດ​ກ້ວາງ​ ການ​ລົງທຶນ​ ຂອງ​ຕ່າງປະ​ເທດ ໂດຍສະເພາະ ສປ ຈີນ ແລະ ບັນດາປະເທດອາຊຽນ ໃຫ້ເຂົ້າມາລົງທຶນໃນ ສປປ ລາວ ​ໃນ​ຂະ​ແໜງ​ການ​ຕ່າງໆ ຫລາຍ​ຂຶ້ນ ເຊິ່ງໄດ້ມີ​ກົດໝາຍ​ສົ່ງ​ເສີມ ​ການ​ລົງທຶນ ແລະ ນິຕິກຳຕ່າງໆ​ ເພື່ອຮັບຮອງ​ ໃນ​ການ​ລົງທຶນ​ ຂອງ​ຕ່າງປະ​ເທດ ຢູ່ ສປປ ລາວ.

ທ່ານ ສົມສະຫວາດ ເລັງສະຫວັດ ຮອງນາຍົກລັດຖະມົນຕີ ແຫ່ງ ສປປ ລາວ ກ່າວໃນພິທີເປີດງານ​ ວາງສະ​ແດງ​ສິນຄ້າ ​ຈີນ-ອາ​ຊຽນ ຄັ້ງທີ 12 ທີ່​ເມືອງໜານ​ໜິງ ​ແຂວງ​ກວາງຊີ ສປ ຈີນ ໃນ​ວັນ​ທີ 18 ກັນຍາ 2015 ນີ້ວ່າ: ລັດຖະບານ ແຫ່ງ ສປປ ລາວ ໄດ້ເປີດກວ้າງ ແລະ ປັບປຸງບັນດານິຕິກຳ, ນະໂຍບາຍດ້ານຕ່າງໆ ເພື່ອສົ່ງເສີມການລົງທຶນຂອງຕ່າງປະເທດເຂົ້າມາລົງທຶນຢູ່ລາວ ໃຫ້ມີຄວາມສະດວກສະບາຍຍິ່ງຂຶ້ນ. ພ້ອມດຽວກັນນັ້ນ ກໍໄດ້ກຳນົດລະບຽບການລະອຽດ ໃນການລົງທຶນສ້າງເຂດເສດຖະກິດພິເສດ ແລະ ເຂດເສດຖະກິດສະເພາະ ຈຳນວນ 58 ໂຄງການ ເຊິ່ງມາຮອດປັດຈຸບັນ ໄດ້ອະນຸມັດ ໃຫ້ດຳເນີນ ທຸລະກິດແລ້ວ 11 ແຫ່ງ ໃນທົ່ວປະເທດ.

ພ້ອມ ​ນີ້ ທ່ານ ສົມສະຫວາດ ເລັງສະຫວັດ ຍັງໄດ້​ເຊີນຊວນ​ບັນດາ​ນັກທຸລະກິດ​ຈາກ ສປ ຈີນ ແລະ ບັນດາ​ບັນດາ​ປະ​ເທດອາ​ຊຽນ ເຂົ້າ​ມາ​ສຶກສາຄົ້ນ​ຄວ້າ ຫາໂອກາດ​ການ​ລົງທຶນ ໃນ​ຂະ​ແໜງ​ການ​ຕ່າງໆ ຢູ່ ສປປ ລາວ ເຊິ່ງລັດຖະບານ ​ລາວກຽມພ້ອມ​ທຸກ​ຢ່າງ​ ເພື່ອໃຫ້​ຄວາມ​ສະດວກແກ່​ນັກທຸລະກິດ ທີ່​ມີ​ຈຸດ​ປະສົງຢາກ​ມາລົງທຶນ​ຢູ່ ສປປ ລາວ​. ປັດຈຸບັນ ການລົງທຶນຂອງນັກທຸລະກິດຈີນ ຢູ່ ສປປ ລາວ ບັນລຸ 5,3 ຕື້ໂດລາສະຫະລັດ ຈັດຢູ່ອັນດັບ 1 ຂອງການລົງທຶນຕ່າງປະເທດ ແລະ ດ້ານການທ່ອງທ່ຽວ ຈັດຢູ່ໃນອັນດັບ 3 ຂອງນັກທ່ອງທ່ຽວຕ່າງປະເທດ ທີ່ເຂົ້າມາທ່ອງທ່ຽວ ໃນ ສປປ ລາວ.

 

ແຫລ່ງຂ່າວ:

ຂປລ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...